ஸாவித்ர்யுவாச ।
தபஸா த⁴ர்மமாராத்⁴ய புஷ்கரே பா⁴ஸ்கர: புரா ।
த⁴ர்மம் ஸூர்ய:ஸுதம் ப்ராப த⁴ர்மராஜம் நமாம்யஹம் ॥ 1 ॥

ஸமதா ஸர்வபூ⁴தேஷு யஸ்ய ஸர்வஸ்ய ஸாக்ஷிண: ।
அதோ யன்னாம ஶமனமிதி தம் ப்ரணமாம்யஹம் ॥ 2 ॥

யேனாந்தஶ்ச க்ருதோ விஶ்வே ஸர்வேஷாம் ஜீவினாம் பரம் ।
காமானுரூபம் காலேன தம் க்ருதாந்தம் நமாம்யஹம் ॥ 3 ॥

பி³ப⁴ர்தி த³ண்ட³ம் த³ண்டா³ய பாபினாம் ஶுத்³தி⁴ஹேதவே ।
நமாமி தம் த³ண்ட³த⁴ரம் ய: ஶாஸ்தா ஸர்வஜீவினாம் ॥ 4 ॥

விஶ்வம் ச கலயத்யேவ ய: ஸர்வேஷு ச ஸந்ததம் ।
அதீவ து³ர்னிவார்யம் ச தம் காலம் ப்ரணமாம்யஹம் ॥ 5 ॥

தபஸ்வீ ப்³ரஹ்மனிஷ்டோ² ய: ஸம்யமீ ஸஞ்ஜிதேந்த்³ரிய: ।
ஜீவானாம் கர்மப²லத³ஸ்தம் யமம் ப்ரணமாம்யஹம் ॥ 6 ॥

ஸ்வாத்மாராமஶ்ச ஸர்வஜ்ஞோ மித்ரம் புண்யக்ருதாம் ப⁴வேத் ।
பாபினாம் க்லேஶதோ³ யஸ்தம் புண்யமித்ரம் நமாம்யஹம் ॥ 7 ॥

யஜ்ஜன்ம ப்³ரஹ்மணோம்ஶேன ஜ்வலந்தம் ப்³ரஹ்மதேஜஸா ।
யோ த்⁴யாயதி பரம் ப்³ரஹ்ம தமீஶம் ப்ரணமாம்யஹம் ॥ 8 ॥

இத்யுக்த்வா ஸா ச ஸாவித்ரீ ப்ரணனாம யமம் முனே ।
யமஸ்தாம் ஶக்திபஜ⁴னம் கர்மபாகமுவாச ஹ ॥ 9 ॥

இத³ம் யமஷ்டகம் நித்யம் ப்ராதருத்தா²ய ய: படே²த் ।
யமாத்தஸ்ய ப⁴யம் நாஸ்தி ஸர்வபாபாத்ப்ரமுச்யதே ॥ 1௦ ॥

மஹாபாபீ யதி³ படே²ன்னித்யம் ப⁴க்திஸமன்வித: ।
யம: கரோதி ஸம்ஶுத்³த⁴ம் காயவ்யூஹேன நிஶ்சிதம் ॥ 11 ॥

இதி ஶ்ரீமத்³தே³வீபா⁴க³வதே மஹாபுராணே நவமஸ்கந்தே⁴ ஏகத்ரிம்ஶோத்⁴யாய: ।