𑌅𑌸𑍍𑌯 𑌶𑍍𑌰𑍀𑌬𑍃𑌹𑌸𑍍𑌪𑌤𑌿 𑌕𑌵𑌚𑌮𑌹𑌾 𑌮𑌂𑌤𑍍𑌰𑌸𑍍𑌯, 𑌈𑌶𑍍𑌵𑌰 𑌋𑌷𑌿𑌃,
𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃, 𑌬𑍃𑌹𑌸𑍍𑌪𑌤𑌿𑌰𑍍𑌦𑍇𑌵𑌤𑌾,
𑌗𑌂 𑌬𑍀𑌜𑌂, 𑌶𑍍𑌰𑍀𑌂 𑌶𑌕𑍍𑌤𑌿𑌃, 𑌕𑍍𑌲𑍀𑌂 𑌕𑍀𑌲𑌕𑌮𑍍,
𑌬𑍃𑌹𑌸𑍍𑌪𑌤𑌿 𑌪𑍍𑌰𑌸𑌾𑌦 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌧𑍍𑌯𑌾𑌨𑌮𑍍
𑌅𑌭𑍀𑌷𑍍𑌟𑌫𑌲𑌦𑌂 𑌵𑌂𑌦𑍇 𑌸𑌰𑍍𑌵𑌜𑍍𑌞𑌂 𑌸𑍁𑌰𑌪𑍂𑌜𑌿𑌤𑌮𑍍 ।
𑌅𑌕𑍍𑌷𑌮𑌾𑌲𑌾𑌧𑌰𑌂 𑌶𑌾𑌂𑌤𑌂 𑌪𑍍𑌰𑌣𑌮𑌾𑌮𑌿 𑌬𑍃𑌹𑌸𑍍𑌪𑌤𑌿𑌮𑍍 ॥

𑌅𑌥 𑌬𑍃𑌹𑌸𑍍𑌪𑌤𑌿 𑌕𑌵𑌚𑌮𑍍
𑌬𑍃𑌹𑌸𑍍𑌪𑌤𑌿𑌃 𑌶𑌿𑌰𑌃 𑌪𑌾𑌤𑍁 𑌲𑌲𑌾𑌟𑌂 𑌪𑌾𑌤𑍁 𑌮𑍇 𑌗𑍁𑌰𑍁𑌃 ।
𑌕𑌰𑍍𑌣𑍌 𑌸𑍁𑌰𑌗𑍁𑌰𑍁𑌃 𑌪𑌾𑌤𑍁 𑌨𑍇𑌤𑍍𑌰𑍇 𑌮𑍇𑌭𑍀𑌷𑍍𑌟𑌦𑌾𑌯𑌕𑌃 ॥ 1 ॥

𑌜𑌿𑌹𑍍𑌵𑌾𑌂 𑌪𑌾𑌤𑍁 𑌸𑍁𑌰𑌾𑌚𑌾𑌰𑍍𑌯𑌃 𑌨𑌾𑌸𑌂 𑌮𑍇 𑌵𑍇𑌦𑌪𑌾𑌰𑌗𑌃 ।
𑌮𑍁𑌖𑌂 𑌮𑍇 𑌪𑌾𑌤𑍁 𑌸𑌰𑍍𑌵𑌜𑍍𑌞𑌃 𑌕𑌂𑌠𑌂 𑌮𑍇 𑌦𑍇𑌵𑌤𑌾𑌗𑍁𑌰𑍁𑌃 ॥ 2 ॥

𑌭𑍁𑌜𑌾 𑌵𑌂𑌗𑍀𑌰𑌸𑌃 𑌪𑌾𑌤𑍁 𑌕𑌰𑍌 𑌪𑌾𑌤𑍁 𑌶𑍁𑌭𑌪𑍍𑌰𑌦𑌃 ।
𑌸𑍍𑌤𑌨𑍌 𑌮𑍇 𑌪𑌾𑌤𑍁 𑌵𑌾𑌗𑍀𑌶𑌃 𑌕𑍁𑌕𑍍𑌷𑌿𑌂 𑌮𑍇 𑌶𑍁𑌭𑌲𑌕𑍍𑌷𑌣𑌃 ॥ 3 ॥

𑌨𑌾𑌭𑌿𑌂 𑌦𑍇𑌵𑌗𑍁𑌰𑍁𑌃 𑌪𑌾𑌤𑍁 𑌮𑌧𑍍𑌯𑌂 𑌪𑌾𑌤𑍁 𑌸𑍁𑌖𑌪𑍍𑌰𑌦𑌃 ।
𑌕𑌟𑌿𑌂 𑌪𑌾𑌤𑍁 𑌜𑌗𑌦𑍍𑌵𑌂𑌦𑍍𑌯𑌃 𑌊𑌰𑍂 𑌮𑍇 𑌪𑌾𑌤𑍁 𑌵𑌾𑌕𑍍𑌪𑌤𑌿𑌃 ॥ 4 ॥

𑌜𑌾𑌨𑍁𑌜𑌂𑌘𑍇 𑌸𑍁𑌰𑌾𑌚𑌾𑌰𑍍𑌯𑌃 𑌪𑌾𑌦𑍌 𑌵𑌿𑌶𑍍𑌵𑌾𑌤𑍍𑌮𑌕𑌃 𑌸𑌦𑌾 ।
𑌅𑌨𑍍𑌯𑌾𑌨𑌿 𑌯𑌾𑌨𑌿 𑌚𑌾𑌂𑌗𑌾𑌨𑌿 𑌰𑌕𑍍𑌷𑍇𑌨𑍍𑌮𑍇 𑌸𑌰𑍍𑌵𑌤𑍋 𑌗𑍁𑌰𑍁𑌃 ॥ 5 ॥

𑌫𑌲𑌶𑍃𑌤𑌿𑌃
𑌇𑌤𑍍𑌯𑍇𑌤𑌤𑍍𑌕𑌵𑌚𑌂 𑌦𑌿𑌵𑍍𑌯𑌂 𑌤𑍍𑌰𑌿𑌸𑌂𑌧𑍍𑌯𑌂 𑌯𑌃 𑌪𑌠𑍇𑌨𑍍𑌨𑌰𑌃 ।
𑌸𑌰𑍍𑌵𑌾𑌨𑍍 𑌕𑌾𑌮𑌾𑌨𑌵𑌾𑌪𑍍𑌨𑍋𑌤𑌿 𑌸𑌰𑍍𑌵𑌤𑍍𑌰 𑌵𑌿𑌜𑌯𑍀 𑌭𑌵𑍇𑌤𑍍 ॥

॥ 𑌇𑌤𑌿 𑌶𑍍𑌰𑍀 𑌬𑍃𑌹𑌸𑍍𑌪𑌤𑌿 𑌕𑌵𑌚𑌮𑍍 ॥