அருணாய ஶரண்யாய கருணாரஸஸிந்த⁴வே ।
அஸமானப³லாயார்தரக்ஷகாய நமோ நம: ॥ 1 ॥

ஆதி³த்யாயாதி³பூ⁴தாய அகி²லாக³மவேதி³னே ।
அச்யுதாயாகி²லஜ்ஞாய அனந்தாய நமோ நம: ॥ 2 ॥

இனாய விஶ்வரூபாய இஜ்யாயைந்த்³ராய பா⁴னவே ।
இந்தி³ராமந்தி³ராப்தாய வந்த³னீயாய தே நம: ॥ 3 ॥

ஈஶாய ஸுப்ரஸன்னாய ஸுஶீலாய ஸுவர்சஸே ।
வஸுப்ரதா³ய வஸவே வாஸுதே³வாய தே நம: ॥ 4 ॥

உஜ்ஜ்வலாயோக்³ரரூபாய ஊர்த்⁴வகா³ய விவஸ்வதே ।
உத்³யத்கிரணஜாலாய ஹ்ருஷீகேஶாய தே நம: ॥ 5 ॥

ஊர்ஜஸ்வலாய வீராய நிர்ஜராய ஜயாய ச ।
ஊருத்³வயாபா⁴வரூபயுக்தஸாரத²யே நம: ॥ 6 ॥

ருஷிவந்த்³யாய ருக்³க⁴ந்த்ரே ருக்ஷசக்ரசராய ச ।
ருஜுஸ்வபா⁴வசித்தாய நித்யஸ்துத்யாய தே நம: ॥ 7 ॥

ரூகாரமாத்ருகாவர்ணரூபாயோஜ்ஜ்வலதேஜஸே ।
ரூக்ஷாதி⁴னாத²மித்ராய புஷ்கராக்ஷாய தே நம: ॥ 8 ॥

லுப்தத³ந்தாய ஶாந்தாய காந்திதா³ய க⁴னாய ச ।
கனத்கனகபூ⁴ஷாய க²த்³யோதாய நமோ நம: ॥ 9 ॥

லூனிதாகி²லதை³த்யாய ஸத்யானந்த³ஸ்வரூபிணே ।
அபவர்க³ப்ரதா³யார்தஶரண்யாய நமோ நம: ॥ 1௦ ॥

ஏகாகினே ப⁴க³வதே ஸ்ருஷ்டிஸ்தி²த்யந்தகாரிணே ।
கு³ணாத்மனே க்⁴ருணிப்⁴ருதே ப்³ருஹதே ப்³ரஹ்மணே நம: ॥ 11 ॥

ஐஶ்வர்யதா³ய ஶர்வாய ஹரித³ஶ்வாய ஶௌரயே ।
த³ஶதி³க்ஸம்ப்ரகாஶாய ப⁴க்தவஶ்யாய தே நம: ॥ 12 ॥

ஓஜஸ்கராய ஜயினே ஜக³தா³னந்த³ஹேதவே ।
ஜன்மம்ருத்யுஜராவ்யாதி⁴வர்ஜிதாய நமோ நம: ॥ 13 ॥

ஔன்னத்யபத³ஸஞ்சாரரத²ஸ்தா²யாத்மரூபிணே ।
கமனீயகராயாப்³ஜவல்லபா⁴ய நமோ நம: ॥ 14 ॥

அந்தர்ப³ஹி:ப்ரகாஶாய அசிந்த்யாயாத்மரூபிணே ।
அச்யுதாய ஸுரேஶாய பரஸ்மை ஜ்யோதிஷே நம: ॥ 15 ॥

அஹஸ்கராய ரவயே ஹரயே பரமாத்மனே ।
தருணாய வரேண்யாய க்³ரஹாணாம் பதயே நம: ॥ 16 ॥

ஓம் நமோ பா⁴ஸ்கராயாதி³மத்⁴யாந்தரஹிதாய ச ।
ஸௌக்²யப்ரதா³ய ஸகலஜக³தாம் பதயே நம: ॥ 17 ॥

நம: ஸூர்யாய கவயே நமோ நாராயணாய ச ।
நமோ நம: பரேஶாய தேஜோரூபாய தே நம: ॥ 18 ॥

ஓம் ஶ்ரீம் ஹிரண்யக³ர்பா⁴ய ஓம் ஹ்ரீம் ஸம்பத்கராய ச ।
ஓம் ஐம் இஷ்டார்த²தா³யானுப்ரஸன்னாய நமோ நம: ॥ 19 ॥

ஶ்ரீமதே ஶ்ரேயஸே ப⁴க்தகோடிஸௌக்²யப்ரதா³யினே ।
நிகி²லாக³மவேத்³யாய நித்யானந்தா³ய தே நம: ॥ 2௦ ॥

இதி ஶ்ரீ ஸூர்ய அஷ்டோத்தரஶதனாம ஸ்தோத்ரம் ।