அஸ்ய ஶ்ரீத³த்தாத்ரேய த்³வாத³ஶனாம ஸ்தோத்ரமந்த்ரஸ்ய பரமஹம்ஸ ருஷி: ஶ்ரீத³த்தாத்ரேய பரமாத்மா தே³வதா அனுஷ்டுப்ச²ந்த:³ ஸகலகாமனாஸித்³த்⁴யர்தே² ஜபே வினியோக:³ ।

ப்ரத²மஸ்து மஹாயோகீ³ த்³விதீய: ப்ரபு⁴ரீஶ்வர: ।
த்ருதீயஶ்ச த்ரிமூர்திஶ்ச சதுர்தோ² ஜ்ஞானஸாக³ர: ॥ 1 ॥

பஞ்சமோ ஜ்ஞானவிஜ்ஞானம் ஷஷ்ட²ஸ்யாத் ஸர்வமங்க³லம் ।
ஸப்தமோ புண்ட³ரீகாக்ஷோ அஷ்டமோ தே³வவல்லப:⁴ ॥ 2 ॥

நவமோ நந்த³தே³வேஶோ த³ஶமோ நந்த³தா³யக: ।
ஏகாத³ஶோ மஹாருத்³ரோ த்³வாத³ஶோ கருணாகர: ॥ 3 ॥

ஏதானி த்³வாத³ஶனாமானி த³த்தாத்ரேய மஹாத்மன: ।
மந்த்ரராஜேதி விக்²யாதம் த³த்தாத்ரேய ஹர: பர: ॥ 4 ॥

க்ஷயோபஸ்மார குஷ்டா²தி³ தாபஜ்வரனிவாரணம் ।
ராஜத்³வாரே பதே³ கோ⁴ரே ஸங்க்³ராமேஷு ஜலாந்தரே ॥ 5 ॥

கி³ரே கு³ஹாந்தரேரண்யே வ்யாக்⁴ரசோரப⁴யாதி³ஷு ।
ஆவர்தனே ஸஹஸ்ரேஷு லப⁴தே வாஞ்சி²தம் ப²லம் ॥ 6 ॥

த்ரிகாலே ய: படே²ன்னித்யம் மோக்ஷஸித்³தி⁴மவாப்னுயாத் ।
த³த்தாத்ரேய ஸதா³ ரக்ஷேத் யதா³ ஸத்யம் ந ஸம்ஶய: ॥ 7 ॥

வித்³யார்தீ² லப⁴தே வித்³யாம் ரோகீ³ ரோகா³த் ப்ரமுச்யதே ।
அபுத்ரோ லப⁴தே புத்ரம் த³ரித்³ரோ லப⁴தே த⁴னம் ॥ 8 ॥

அபா⁴ர்யோ லப⁴தே பா⁴ர்யாம் ஸுகா²ர்தீ² லப⁴தே ஸுக²ம் ।
முச்யதே ஸர்வபாபேப்⁴யோ ஸர்வத்ர விஜயீ ப⁴வேத் ॥ 9 ॥

இதி ஶ்ரீ த³த்தாத்ரேய த்³வாத³ஶனாம ஸ்தோத்ரம் ।