અસ્ય શ્રીદત્તાત્રેય દ્વાદશનામ સ્તોત્રમંત્રસ્ય પરમહંસ ઋષિઃ શ્રીદત્તાત્રેય પરમાત્મા દેવતા અનુષ્ટુપ્છંદઃ સકલકામનાસિદ્ધ્યર્થે જપે વિનિયોગઃ ।

પ્રથમસ્તુ મહાયોગી દ્વિતીયઃ પ્રભુરીશ્વરઃ ।
તૃતીયશ્ચ ત્રિમૂર્તિશ્ચ ચતુર્થો જ્ઞાનસાગરઃ ॥ 1 ॥

પંચમો જ્ઞાનવિજ્ઞાનં ષષ્ઠસ્યાત્ સર્વમંગલમ્ ।
સપ્તમો પુંડરીકાક્ષો અષ્ટમો દેવવલ્લભઃ ॥ 2 ॥

નવમો નંદદેવેશો દશમો નંદદાયકઃ ।
એકાદશો મહારુદ્રો દ્વાદશો કરુણાકરઃ ॥ 3 ॥

એતાનિ દ્વાદશનામાનિ દત્તાત્રેય મહાત્મનઃ ।
મંત્રરાજેતિ વિખ્યાતં દત્તાત્રેય હરઃ પરઃ ॥ 4 ॥

ક્ષયોપસ્માર કુષ્ઠાદિ તાપજ્વરનિવારણમ્ ।
રાજદ્વારે પદે ઘોરે સંગ્રામેષુ જલાંતરે ॥ 5 ॥

ગિરે ગુહાંતરેઽરણ્યે વ્યાઘ્રચોરભયાદિષુ ।
આવર્તને સહસ્રેષુ લભતે વાંછિતં ફલમ્ ॥ 6 ॥

ત્રિકાલે યઃ પઠેન્નિત્યં મોક્ષસિદ્ધિમવાપ્નુયાત્ ।
દત્તાત્રેય સદા રક્ષેત્ યદા સત્યં ન સંશયઃ ॥ 7 ॥

વિદ્યાર્થી લભતે વિદ્યાં રોગી રોગાત્ પ્રમુચ્યતે ।
અપુત્રો લભતે પુત્રં દરિદ્રો લભતે ધનમ્ ॥ 8 ॥

અભાર્યો લભતે ભાર્યાં સુખાર્થી લભતે સુખમ્ ।
મુચ્યતે સર્વપાપેભ્યો સર્વત્ર વિજયી ભવેત્ ॥ 9 ॥

ઇતિ શ્રી દત્તાત્રેય દ્વાદશનામ સ્તોત્રમ્ ।