অস্য শ্রীসর্বসাম্রাজ্য মেধাকালীস্বরূপ ককারাত্মক সহস্রনামস্তোত্র মংত্রস্য মহাকাল ঋষিঃ অনুষ্টুপ্ ছংদঃ শ্রীদক্ষিণ মহাকালী দেবতা হ্রীং বীজং হূং শক্তিঃ ক্রীং কীলকং কালীবরদানাদ্যখিলেষ্টার্থে পাঠে বিনিযোগঃ ।

ঋষ্যাদিন্যাসঃ –
ওং মহাকাল ঋষযে নমঃ শিরসি ।
অনুষ্টুপ্ ছংদসে নমঃ মুখে ।
শ্রী দক্ষিণ মহাকালী দেবতাযৈ নমঃ হৃদযে ।
হ্রীং বীজায নমঃ গুহ্যে ।
হূং শক্তযে নমঃ পাদযোঃ ।
ক্রীং কীলকায নমো নাভৌ ।
বিনিযোগায নমঃ সর্বাংগে ।

করন্যাসঃ –
ওং ক্রাং অংগুষ্ঠাভ্যাং নমঃ ।
ওং ক্রীং তর্জনীভ্যাং নমঃ ।
ওং ক্রূং মধ্যমাভ্যাং নমঃ ।
ওং ক্রৈং অনামিকাভ্যাং নমঃ ।
ওং ক্রৌং কনিষ্ঠিকাভ্যাং নমঃ ।
ওং ক্রঃ করতলকরপৃষ্ঠাভ্যাং নমঃ ।

হৃদযাদি ন্যাসঃ –
ওং ক্রাং হৃদযায নমঃ ।
ওং ক্রীং শিরসে স্বাহা ।
ওং ক্রূং শিখাযৈ বষট্ ।
ওং ক্রৈং কবচায হুম্ ।
ওং ক্রৌং নেত্রত্রযায বৌষট্ ।
ওং ক্রঃ অস্ত্রায ফট্ ।

অথ ধ্যানম্ ।
করালবদনাং ঘোরাং মুক্তকেশীং চতুর্ভুজাম্ ।
কালিকাং দক্ষিণাং দিব্যাং মুংডমালাবিভূষিতাম্ ॥ 1 ॥

সদ্যশ্ছিন্নশিরঃ খড্গবামোর্ধ্বাধঃ করাংবুজাম্ ।
অভযং বরদং চৈব দক্ষিণাধোর্ধ্বপাণিকাম্ ॥ 2 ॥

মহামেঘপ্রভাং শ্যামাং তথা চৈব দিগংবরাম্ ।
কংঠাবসক্তমুংডালীগলদ্রুধিরচর্চিতাম্ ॥ 3 ॥

কর্ণাবতংসতানীত শবযুগ্মভযানকাম্ ।
ঘোরদংষ্ট্রাকরালাস্যাং পীনোন্নতপযোধরাম্ ॥ 4 ॥

শবানাং করসংঘাতৈঃ কৃতকাংচীং হসন্মুখীম্ ।
সৃক্কাদ্বযগলদ্রক্তধারাবিস্ফুরিতাননাম্ ॥ 5 ॥

ঘোররূপাং মহারৌদ্রীং শ্মশানালযবাসিনীম্ ।
দংতুরাং দক্ষিণব্যাপিমুক্তলংবকচোচ্চযাম্ ॥ 6 ॥

শবরূপমহাদেবহৃদযোপরি সংস্থিতাম্ ।
শিবাভির্ঘোররূপাভিশ্চতুর্দিক্ষু সমন্বিতাম্ ॥ 7 ॥

মহাকালেন সার্ধোর্ধমুপবিষ্টরতাতুরাম্ ।
সুখপ্রসন্নবদনাং স্মেরাননসরোরুহাম্ ।
এবং সংচিংতযেদ্দেবীং শ্মশানালযবাসিনীম্ ॥ 8 ॥

অথ স্তোত্রম্ ।
ওং ক্রীং কালী ক্রূং করালী চ কল্যাণী কমলা কলা ।
কলাবতী কলাঢ্যা চ কলাপূজ্যা কলাত্মিকা ॥ 1 ॥

কলাদৃষ্টা কলাপুষ্টা কলামস্তা কলাকরা ।
কলাকোটিসমাভাসা কলাকোটিপ্রপূজিতা ॥ 2 ॥

কলাকর্ম কলাধারা কলাপারা কলাগমা ।
কলাধারা কমলিনী ককারা করুণা কবিঃ ॥ 3 ॥

ককারবর্ণসর্বাংগী কলাকোটিপ্রভূষিতা ।
ককারকোটিগুণিতা ককারকোটিভূষণা ॥ 4 ॥

ককারবর্ণহৃদযা ককারমনুমংডিতা ।
ককারবর্ণনিলযা ককশব্দপরাযণা ॥ 5 ॥

ককারবর্ণমুকুটা ককারবর্ণভূষণা ।
ককারবর্ণরূপা চ কাকশব্দপরাযণা ॥ 6 ॥

কবীরাস্ফালনরতা কমলাকরপূজিতা ।
কমলাকরনাথা চ কমলাকররূপধৃক্ ॥ 7 ॥

কমলাকরসিদ্ধিস্থা কমলাকরপারদা ।
কমলাকরমধ্যস্থা কমলাকরতোষিতা ॥ 8 ॥

কথংকারপরালাপা কথংকারপরাযণা ।
কথংকারপদাংতস্থা কথংকারপদার্থভূঃ ॥ 9 ॥

কমলাক্ষী কমলজা কমলাক্ষপ্রপূজিতা ।
কমলাক্ষবরোদ্যুক্তা ককারা কর্বুরাক্ষরা ॥ 10 ॥

করতারা করচ্ছিন্না করশ্যামা করার্ণবা ।
করপূজ্যা কররতা করদা করপূজিতা ॥ 11 ॥

করতোযা করামর্ষা কর্মনাশা করপ্রিযা ।
করপ্রাণা করকজা করকা করকাংতরা ॥ 12 ॥

করকাচলরূপা চ করকাচলশোভিনী ।
করকাচলপুত্রী চ করকাচলতোষিতা ॥ 13 ॥

করকাচলগেহস্থা করকাচলরক্ষিণী ।
করকাচলসম্মান্যা করকাচলকারিণী ॥ 14 ॥

করকাচলবর্ষাঢ্যা করকাচলরংজিতা ।
করকাচলকাংতারা করকাচলমালিনী ॥ 15 ॥

করকাচলভোজ্যা চ করকাচলরূপিণী ।
করামলকসংস্থা চ করামলকসিদ্ধিদা ॥ 16 ॥

করামলকসংপূজ্যা করামলকতারিণী ।
করামলককালী চ করামলকরোচিনী ॥ 17 ॥

করামলকমাতা চ করামলকসেবিনী ।
করামলকবদ্ধ্যেযা করামলকদাযিনী ॥ 18 ॥

কংজনেত্রা কংজগতিঃ কংজস্থা কংজধারিণী ।
কংজমালাপ্রিযকরী কংজরূপা চ কংজজা ॥ 19 ॥

কংজজাতিঃ কংজগতিঃ কংজহোমপরাযণা ।
কংজমংডলমধ্যস্থা কংজাভরণভূষিতা ॥ 20 ॥

কংজসম্মাননিরতা কংজোত্পত্তিপরাযণা ।
কংজরাশিসমাকারা কংজারণ্যনিবাসিনী ॥ 21 ॥

করংজবৃক্ষমধ্যস্থা করংজবৃক্ষবাসিনী ।
করংজফলভূষাঢ্যা করংজবনবাসিনী ॥ 22 ॥

করংজমালাভরণা করবালপরাযণা ।
করবালপ্রহৃষ্টাত্মা করবালপ্রিযাগতিঃ ॥ 23 ॥

করবালপ্রিযাকংথা করবালবিহারিণী ।
করবালমযী কর্মা করবালপ্রিযংকরী ॥ 24 ॥

কবংধমালাভরণা কবংধরাশিমধ্যগা ।
কবংধকূটসংস্থানা কবংধানংতভূষণা ॥ 25 ॥

কবংধনাদসংতুষ্টা কবংধাসনধারিণী ।
কবংধগৃহমধ্যস্থা কবংধবনবাসিনী ॥ 26 ॥

কবংধকাংচীকরণী কবংধরাশিভূষণা ।
কবংধমালাজযদা কবংধদেহবাসিনী ॥ 27 ॥

কবংধাসনমান্যা চ কপালমাল্যধারিণী ।
কপালমালামধ্যস্থা কপালব্রততোষিতা ॥ 28 ॥

কপালদীপসংতুষ্টা কপালদীপরূপিণী ।
কপালদীপবরদা কপালকজ্জলস্থিতা ॥ 29 ॥

কপালমালাজযদা কপালজপতোষিণী ।
কপালসিদ্ধিসংহৃষ্টা কপালভোজনোদ্যতা ॥ 30 ॥

কপালব্রতসংস্থানা কপালকমলালযা ।
কবিত্বামৃতসারা চ কবিত্বামৃতসাগরা ॥ 31 ॥

কবিত্বসিদ্ধিসংহৃষ্টা কবিত্বাদানকারিণী ।
কবিপূজ্যা কবিগতিঃ কবিরূপা কবিপ্রিযা ॥ 32 ॥

কবিব্রহ্মানংদরূপা কবিত্বব্রততোষিতা ।
কবিমানসসংস্থানা কবিবাংছাপ্রপূরণী ॥ 33 ॥

কবিকংঠস্থিতা কং হ্রীং কংকংকং কবিপূর্তিদা ।
কজ্জলা কজ্জলাদানমানসা কজ্জলপ্রিযা ॥ 34 ॥

কপালকজ্জলসমা কজ্জলেশপ্রপূজিতা ।
কজ্জলার্ণবমধ্যস্থা কজ্জলানংদরূপিণী ॥ 35 ॥

কজ্জলপ্রিযসংতুষ্টা কজ্জলপ্রিযতোষিণী ।
কপালমালাভরণা কপালকরভূষণা ॥ 36 ॥

কপালকরভূষাঢ্যা কপালচক্রমংডিতা ।
কপালকোটিনিলযা কপালদুর্গকারিণী ॥ 37 ॥

কপালগিরিসংস্থানা কপালচক্রবাসিনী ।
কপালপাত্রসংতুষ্টা কপালার্ঘ্যপরাযণা ॥ 38 ॥

কপালার্ঘ্যপ্রিযপ্রাণা কপালার্ঘ্যবরপ্রদা ।
কপালচক্ররূপা চ কপালরূপমাত্রগা ॥ 39 ॥

কদলী কদলীরূপা কদলীবনবাসিনী ।
কদলীপুষ্পসংপ্রীতা কদলীফলমানসা ॥ 40 ॥

কদলীহোমসংতুষ্টা কদলীদর্শনোদ্যতা ।
কদলীগর্ভমধ্যস্থা কদলীবনসুংদরী ॥ 41 ॥

কদংবপুষ্পনিলযা কদংববনমধ্যগা ।
কদংবকুসুমামোদা কদংববনতোষিণী ॥ 42 ॥

কদংবপুষ্পসংপূজ্যা কদংবপুষ্পহোমদা ।
কদংবপুষ্পমধ্যস্থা কদংবফলভোজিনী ॥ 43 ॥

কদংবকাননাংতঃস্থা কদংবাচলবাসিনী ।
কক্ষপা কক্ষপারাধ্যা কক্ষপাসনসংস্থিতা ॥ 44 ॥

কর্ণপূরা কর্ণনাসা কর্ণাঢ্যা কালভৈরবী ।
কলপ্রীতা কলহদা কলহা কলহাতুরা ॥ 45 ॥

কর্ণযক্ষী কর্ণবার্তা কথিনী কর্ণসুংদরী ।
কর্ণপিশাচিনী কর্ণমংজরী কবিকক্ষদা ॥ 46 ॥

কবিকক্ষবিরূপাঢ্যা কবিকক্ষস্বরূপিণী ।
কস্তূরীমৃগসংস্থানা কস্তূরীমৃগরূপিণী ॥ 47 ॥

কস্তূরীমৃগসংতোষা কস্তূরীমৃগমধ্যগা ।
কস্তূরীরসনীলাংগী কস্তূরীগংধতোষিতা ॥ 48 ॥

কস্তূরীপূজকপ্রাণা কস্তূরীপূজকপ্রিযা ।
কস্তূরীপ্রেমসংতুষ্টা কস্তূরীপ্রাণধারিণী ॥ 49 ॥

কস্তূরীপূজকানংদা কস্তূরীগংধরূপিণী ।
কস্তূরীমালিকারূপা কস্তূরীভোজনপ্রিযা ॥ 50 ॥

কস্তূরীতিলকানংদা কস্তূরীতিলকপ্রিযা ।
কস্তূরীহোমসংতুষ্টা কস্তূরীতর্পণোদ্যতা ॥ 51 ॥

কস্তূরীমার্জনোদ্যুক্তা কস্তূরীচক্রপূজিতা ।
কস্তূরীপুষ্পসংপূজ্যা কস্তূরীচর্বণোদ্যতা ॥ 52 ॥

কস্তূরীগর্ভমধ্যস্থা কস্তূরীবস্ত্রধারিণী ।
কস্তূরিকামোদরতা কস্তূরীবনবাসিনী ॥ 53 ॥

কস্তূরীবনসংরক্ষা কস্তূরীপ্রেমধারিণী ।
কস্তূরীশক্তিনিলযা কস্তূরীশক্তিকুংডগা ॥ 54 ॥

কস্তূরীকুংডসংস্নাতা কস্তূরীকুংডমজ্জনা ।
কস্তূরীজীবসংতুষ্টা কস্তূরীজীবধারিণী ॥ 55 ॥

কস্তূরীপরমামোদা কস্তূরীজীবনক্ষমা ।
কস্তূরীজাতিভাবস্থা কস্তূরীগংধচুংবনা ॥ 56 ॥

কস্তূরীগংধসংশোভাবিরাজিতকপালভূঃ ।
কস্তূরীমদনাংতঃস্থা কস্তূরীমদহর্ষদা ॥ 57 ॥

কস্তূরীকবিতানাঢ্যা কস্তূরীগৃহমধ্যগা ।
কস্তূরীস্পর্শকপ্রাণা কস্তূরীনিংদকাংতকা ॥ 58 ॥

কস্তূর্যামোদরসিকা কস্তূরীক্রীডনোদ্যতা ।
কস্তূরীদাননিরতা কস্তূরীবরদাযিনী ॥ 59 ॥

কস্তূরীস্থাপনাসক্তা কস্তূরীস্থানরংজিনী ।
কস্তূরীকুশলপ্রাণা কস্তূরীস্তুতিবংদিতা ॥ 60 ॥

কস্তূরীবংদকারাধ্যা কস্তূরীস্থানবাসিনী ।
কহরূপা কহাঢ্যা চ কহানংদা কহাত্মভূঃ ॥ 61 ॥

কহপূজ্যা কহাত্যাখ্যা কহহেযা কহাত্মিকা ।
কহমালাকংঠভূষা কহমংত্রজপোদ্যতা ॥ 62 ॥

কহনামস্মৃতিপরা কহনামপরাযণা ।
কহপারাযণরতা কহদেবী কহেশ্বরী ॥ 63 ॥

কহহেতু কহানংদা কহনাদপরাযণা ।
কহমাতা কহাংতঃস্থা কহমংত্রা কহেশ্বরী ॥ 64 ॥

কহগেযা কহারাধ্যা কহধ্যানপরাযণা ।
কহতংত্রা কহকহা কহচর্যাপরাযণা ॥ 65 ॥

কহাচারা কহগতিঃ কহতাংডবকারিণী ।
কহারণ্যা কহরতিঃ কহশক্তিপরাযণা ॥ 66 ॥

কহরাজ্যনতা কর্মসাক্ষিণী কর্মসুংদরী ।
কর্মবিদ্যা কর্মগতিঃ কর্মতংত্রপরাযণা ॥ 67 ॥

কর্মমাত্রা কর্মগাত্রা কর্মধর্মপরাযণা ।
কর্মরেখানাশকর্ত্রী কর্মরেখাবিনোদিনী ॥ 68 ॥

কর্মরেখামোহকরী কর্মকীর্তিপরাযণা ।
কর্মবিদ্যা কর্মসারা কর্মাধারা চ কর্মভূঃ ॥ 69 ॥

কর্মকারী কর্মহারী কর্মকৌতুকসুংদরী ।
কর্মকালী কর্মতারা কর্মচ্ছিন্না চ কর্মদা ॥ 70 ॥

কর্মচাংডালিনী কর্মবেদমাতা চ কর্মভূঃ ।
কর্মকাংডরতানংতা কর্মকাংডানুমানিতা ॥ 71 ॥

কর্মকাংডপরীণাহা কমঠী কমঠাকৃতিঃ ।
কমঠারাধ্যহৃদযা কমঠাকংঠসুংদরী ॥ 72 ॥

কমঠাসনসংসেব্যা কমঠী কর্মতত্পরা ।
করুণাকরকাংতা চ করুণাকরবংদিতা ॥ 73 ॥

কঠোরকরমালা চ কঠোরকুচধারিণী ।
কপর্দিনী কপটিনী কঠিনা কংকভূষণা ॥ 74 ॥

করভোরূঃ কঠিনদা করভা করভালযা ।
কলভাষামযী কল্পা কল্পনা কল্পদাযিনী ॥ 75 ॥

কমলস্থা কলামালা কমলাস্যা ক্বণত্প্রভা ।
ককুদ্মিনী কষ্টবতী করণীযকথার্চিতা ॥ 76 ॥

কচার্চিতা কচতনুঃ কচসুংদরধারিণী ।
কঠোরকুচসংলগ্না কটিসূত্রবিরাজিতা ॥ 77 ॥

কর্ণভক্ষপ্রিযা কংদা কথা কংদগতিঃ কলিঃ ।
কলিঘ্নী কলিদূতী চ কবিনাযকপূজিতা ॥ 78 ॥

কণকক্ষানিযংত্রী চ কশ্চিত্কবিবরার্চিতা ।
কর্ত্রী চ কর্তৃকাভূষা কারিণী কর্ণশত্রুপা ॥ 79 ॥

করণেশী করণপা কলবাচা কলানিধিঃ ।
কলনা কলনাধারা কারিকা করকা করা ॥ 80 ॥

কলজ্ঞেযা কর্করাশিঃ কর্করাশিপ্রপূজিতা ।
কন্যারাশিঃ কন্যকা চ কন্যকাপ্রিযভাষিণী ॥ 81 ॥

কন্যকাদানসংতুষ্টা কন্যকাদানতোষিণী ।
কন্যাদানকরানংদা কন্যাদানগ্রহেষ্টদা ॥ 82 ॥

কর্ষণা কক্ষদহনা কামিতা কমলাসনা ।
করমালানংদকর্ত্রী করমালাপ্রতোষিতা ॥ 83 ॥

করমালাশযানংদা করমালাসমাগমা ।
করমালাসিদ্ধিদাত্রী করমালাকরপ্রিযা ॥ 84 ॥

করপ্রিযা কররতা করদানপরাযণা ।
কলানংদা কলিগতিঃ কলিপূজ্যা কলিপ্রসূঃ ॥ 85 ॥

কলনাদনিনাদস্থা কলনাদবরপ্রদা ।
কলনাদসমাজস্থা কহোলা চ কহোলদা ॥ 86 ॥

কহোলগেহমধ্যস্থা কহোলবরদাযিনী ।
কহোলকবিতাধারা কহোলৃষিমানিতা ॥ 87 ॥

কহোলমানসারাধ্যা কহোলবাক্যকারিণী ।
কর্তৃরূপা কর্তৃমযী কর্তৃমাতা চ কর্তরী ॥ 88 ॥

কনীযা কনকারাধ্যা কনীনকমযী তথা ।
কনীযানংদনিলযা কনকানংদতোষিতা ॥ 89 ॥

কনীযককরা কাষ্ঠা কথার্ণবকরী করী ।
করিগম্যা করিগতিঃ করিধ্বজপরাযণা ॥ 90 ॥

করিনাথপ্রিযা কংঠা কথানকপ্রতোষিতা ।
কমনীযা কমনকা কমনীযবিভূষণা ॥ 91 ॥

কমনীযসমাজস্থা কমনীযব্রতপ্রিযা ।
কমনীযগুণারাধ্যা কপিলা কপিলেশ্বরী ॥ 92 ॥

কপিলারাধ্যহৃদযা কপিলাপ্রিযবাদিনী ।
কহচক্রমংত্রবর্ণা কহচক্রপ্রসূনকা ॥ 93 ॥

কেঈলহ্রীংস্বরূপা চ কেঈলহ্রীংবরপ্রদা ।
কেঈলহ্রীংসিদ্ধিদাত্রী কেঈলহ্রীংস্বরূপিণী ॥ 94 ॥

কেঈলহ্রীংমংত্রবর্ণা কেঈলহ্রীংপ্রসূকলা ।
কেবর্গা কপাটস্থা কপাটোদ্ঘাটনক্ষমা ॥ 95 ॥

কংকালী চ কপালী চ কংকালপ্রিযভাষিণী ।
কংকালভৈরবারাধ্যা কংকালমানসংস্থিতা ॥ 96 ॥

কংকালমোহনিরতা কংকালমোহদাযিনী ।
কলুষঘ্নী কলুষহা কলুষার্তিবিনাশিনী ॥ 97 ॥

কলিপুষ্পা কলাদানা কশিপুঃ কশ্যপার্চিতা ।
কশ্যপা কশ্যপারাধ্যা কলিপূর্ণকলেবরা ॥ 98 ॥

কলেবরকরী কাংচী কবর্গা চ করালকা ।
করালভৈরবারাধ্যা করালভৈরবেশ্বরী ॥ 99 ॥

করালা কলনাধারা কপর্দীশবরপ্রদা ।
কপর্দীশপ্রেমলতা কপর্দিমালিকাযুতা ॥ 100 ॥

কপর্দিজপমালাঢ্যা করবীরপ্রসূনদা ।
করবীরপ্রিযপ্রাণা করবীরপ্রপূজিতা ॥ 101 ॥

কর্ণিকারসমাকারা কর্ণিকারপ্রপূজিতা ।
করীষাগ্নিস্থিতা কর্ষা কর্ষমাত্রসুবর্ণদা ॥ 102 ॥

কলশা কলশারাধ্যা কষাযা করিগানদা ।
কপিলা কলকংঠী চ কলিকল্পলতা মতা ॥ 103 ॥

কল্পমাতা কল্পলতা কল্পকারী চ কল্পভূঃ ।
কর্পূরামোদরুচিরা কর্পূরামোদধারিণী ॥ 104 ॥

কর্পূরমালাভরণা কর্পূরবাসপূর্তিদা ।
কর্পূরমালাজযদা কর্পূরার্ণবমধ্যগা ॥ 105 ॥

কর্পূরতর্পণরতা কটকাংবরধারিণী ।
কপটেশ্ববরসংপূজ্যা কপটেশ্বররূপিণী ॥ 106 ॥

কটুঃ কপিধ্বজারাধ্যা কলাপপুষ্পধারিণী ।
কলাপপুষ্পরুচিরা কলাপপুষ্পপূজিতা ॥ 107 ॥

ক্রকচা ক্রকচারাধ্যা কথংব্রূমা করালতা ।
কথংকারবিনির্মুক্তা কালী কালক্রিযা ক্রতুঃ ॥ 108 ॥

কামিনী কামিনীপূজ্যা কামিনীপুষ্পধারিণী ।
কামিনীপুষ্পনিলযা কামিনীপুষ্পপূর্ণিমা ॥ 109 ॥

কামিনীপুষ্পপূজার্হা কামিনীপুষ্পভূষণা ।
কামিনীপুষ্পতিলকা কামিনীকুংডচুংবনা ॥ 110 ॥

কামিনীযোগসংতুষ্টা কামিনীযোগভোগদা ।
কামিনীকুংডসম্মগ্না কামিনীকুংডমধ্যগা ॥ 111 ॥

কামিনীমানসারাধ্যা কামিনীমানতোষিতা ।
কামিনীমানসংচারা কালিকা কালকালিকা ॥ 112 ॥

কামা চ কামদেবী চ কামেশী কামসংভবা ।
কামভাবা কামরতা কামার্তা কামমংজরী ॥ 113 ॥

কামমংজীররণিতা কামদেবপ্রিযাংতরা ।
কামকালী কামকলা কালিকা কমলার্চিতা ॥ 114 ॥

কাদিকা কমলা কালী কালানলসমপ্রভা ।
কল্পাংতদহনা কাংতা কাংতারপ্রিযবাসিনী ॥ 115 ॥

কালপূজ্যা কালরতা কালমাতা চ কালিনী ।
কালবীরা কালঘোরা কালসিদ্ধা চ কালদা ॥ 116 ॥

কালাংজনসমাকারা কালংজরনিবাসিনী ।
কালৃদ্ধিঃ কালবৃদ্ধিঃ কারাগৃহবিমোচিনী ॥ 117 ॥

কাদিবিদ্যা কাদিমাতা কাদিস্থা কাদিসুংদরী ।
কাশী কাংচী চ কাংচীশা কাশীশবরদাযিনী ॥ 118 ॥

ক্রীংবীজা চৈব ক্রীং বীজহৃদযায নমঃ স্মৃতা ।
কাম্যা কাম্যগতিঃ কাম্যসিদ্ধিদাত্রী চ কামভূঃ ॥ 119 ॥

কামাখ্যা কামরূপা চ কামচাপবিমোচিনী ।
কামদেবকলারামা কামদেবকলালযা ॥ 120 ॥

কামরাত্রিঃ কামদাত্রী কাংতারাচলবাসিনী ।
কামরূপা কামগতিঃ কামযোগপরাযণা ॥ 121 ॥

কামসম্মর্দনরতা কামগেহবিকাশিনী ।
কালভৈরবভার্যা চ কালভৈরবকামিনী ॥ 122 ॥

কালভৈরবযোগস্থা কালভৈরবভোগদা ।
কামধেনুঃ কামদোগ্ধ্রী কামমাতা চ কাংতিদা ॥ 123 ॥

কামুকা কামুকারাধ্যা কামুকানংদবর্ধিনী ।
কার্তবীর্যা কার্তিকেযা কার্তিকেযপ্রপূজিতা ॥ 124 ॥

কার্যা কারণদা কার্যকারিণী কারণাংতরা ।
কাংতিগম্যা কাংতিমযী কাংত্যা কাত্যাযনী চ কা ॥ 125 ॥

কামসারা চ কাশ্মীরা কাশ্মীরাচারতত্পরা ।
কামরূপাচাররতা কামরূপপ্রিযংবদা ॥ 126 ॥

কামরূপাচারসিদ্ধিঃ কামরূপমনোমযী ।
কার্তিকী কার্তিকারাধ্যা কাংচনারপ্রসূনভূঃ ॥ 127 ॥

কাংচনারপ্রসূনাভা কাংচনারপ্রপূজিতা ।
কাংচরূপা কাংচভূমিঃ কাংস্যপাত্রপ্রভোজিনী ॥ 128 ॥

কাংস্যধ্বনিমযী কামসুংদরী কামচুংবনা ।
কাশপুষ্পপ্রতীকাশা কামদ্রুমসমাগমা ॥ 129 ॥

কামপুষ্পা কামভূমিঃ কামপূজ্যা চ কামদা ।
কামদেহা কামগেহা কামবীজপরাযণা ॥ 130 ॥

কামধ্বজসমারূঢা কামধ্বজসমাস্থিতা ।
কাশ্যপী কাশ্যপারাধ্যা কাশ্যপানংদদাযিনী ॥ 131 ॥

কালিংদীজলসংকাশা কালিংদীজলপূজিতা ।
কাদেবপূজানিরতা কাদেবপরমার্থদা ॥ 132 ॥

কর্মণা কর্মণাকারা কামকর্মণকারিণী ।
কার্মণত্রোটনকরী কাকিনী কারণাহ্বযা ॥ 133 ॥

কাব্যামৃতা চ কালিংগা কালিংগমর্দনোদ্যতা ।
কালাগুরুবিভূষাঢ্যা কালাগুরুবিভূতিদা ॥ 134 ॥

কালাগুরুসুগংধা চ কালাগুরুপ্রতর্পণা ।
কাবেরীনীরসংপ্রীতা কাবেরীতীরবাসিনী ॥ 135 ॥

কালচক্রভ্রমাকারা কালচক্রনিবাসিনী ।
কাননা কাননাধারা কারুঃ কারুণিকামযী ॥ 136 ॥

কাংপিল্যবাসিনী কাষ্ঠা কামপত্নী চ কামভূঃ ।
কাদংবরীপানরতা তথা কাদংবরী কলা ॥ 137 ॥

কামবংদ্যা চ কামেশী কামরাজপ্রপূজিতা ।
কামরাজেশ্বরীবিদ্যা কামকৌতুকসুংদরী ॥ 138 ॥

কাংবোজজা কাংছিনদা কাংস্যকাংচনকারিণী ।
কাংচনাদ্রিসমাকারা কাংচনাদ্রিপ্রদানদা ॥ 139 ॥

কামকীর্তিঃ কামকেশী কারিকা কাংতরাশ্রযা ।
কামভেদী চ কামার্তিনাশিনী কামভূমিকা ॥ 140 ॥

কালনির্ণাশিনী কাব্যবনিতা কামরূপিণী ।
কাযস্থাকামসংদীপ্তিঃ কাব্যদা কালসুংদরী ॥ 141 ॥

কামেশী কারণবরা কামেশীপূজনোদ্যতা ।
কাংচীনূপুরভূষাঢ্যা কুংকুমাভরণান্বিতা ॥ 142 ॥

কালচক্রা কালগতিঃ কালচক্রমনোভবা ।
কুংদমধ্যা কুংদপুষ্পা কুংদপুষ্পপ্রিযা কুজা ॥ 143 ॥

কুজমাতা কুজারাধ্যা কুঠারবরধারিণী ।
কুংজরস্থা কুশরতা কুশেশযবিলোচনা ॥ 144 ॥

কুনটী কুররী কুদ্রা কুরংগী কুটজাশ্রযা ।
কুংভীনসবিভূষা চ কুংভীনসবধোদ্যতা ॥ 145 ॥

কুংভকর্ণমনোল্লাসা কুলচূডামণিঃ কুলা ।
কুলালগৃহকন্যা চ কুলচূডামণিপ্রিযা ॥ 146 ॥

কুলপূজ্যা কুলারাধ্যা কুলপূজাপরাযণা ।
কুলভূষা তথা কুক্ষিঃ কুররীগণসেবিতা ॥ 147 ॥

কুলপুষ্পা কুলরতা কুলপুষ্পপরাযণা ।
কুলবস্ত্রা কুলারাধ্যা কুলকুংডসমপ্রভা ॥ 148 ॥

কুলকুংডসমোল্লাসা কুংডপুষ্পপরাযণা ।
কুংডপুষ্পপ্রসন্নাস্যা কুংডগোলোদ্ভবাত্মিকা ॥ 149 ॥

কুংডগোলোদ্ভবাধারা কুংডগোলমযী কুহূঃ ।
কুংডগোলপ্রিযপ্রাণা কুংডগোলপ্রপূজিতা ॥ 150 ॥

কুংডগোলমনোল্লাসা কুংডগোলবলপ্রদা ।
কুংডদেবরতা ক্রুদ্ধা কুলসিদ্ধিকরা পরা ॥ 151 ॥

কুলকুংডসমাকারা কুলকুংডসমানভূঃ ।
কুংডসিদ্ধিঃ কুংডৃদ্ধিঃ কুমারীপূজনোদ্যতা ॥ 152 ॥

কুমারীপূজকপ্রাণা কুমারীপূজকালযা ।
কুমারীকামসংতুষ্টা কুমারীপূজনোত্সুকা ॥ 153 ॥

কুমারীব্রতসংতুষ্টা কুমারীরূপধারিণী ।
কুমারীভোজনপ্রীতা কুমারী চ কুমারদা ॥ 154 ॥

কুমারমাতা কুলদা কুলযোনিঃ কুলেশ্বরী ।
কুললিংগা কুলানংদা কুলরম্যা কুতর্কধৃক্ ॥ 155 ॥

কুংতী চ কুলকাংতা চ কুলমার্গপরাযণা ।
কুল্লা চ কুরুকুল্লা চ কুল্লুকা কুলকামদা ॥ 156 ॥

কুলিশাংগী কুব্জিকা চ কুব্জিকানংদবর্ধিনী ।
কুলীনা কুংজরগতিঃ কুংজরেশ্বরগামিনী ॥ 157 ॥

কুলপালী কুলবতী তথৈব কুলদীপিকা ।
কুলযোগেশ্বরী কুংডা কুংকুমারুণবিগ্রহা ॥ 158 ॥

কুংকুমানংদসংতোষা কুংকুমার্ণববাসিনী ।
কুংকুমাকুসুমপ্রীতা কুলভূঃ কুলসুংদরী ॥ 159 ॥

কুমুদ্বতী কুমুদিনী কুশলা কুলটালযা ।
কুলটালযমধ্যস্থা কুলটাসংগতোষিতা ॥ 160 ॥

কুলটাভবনোদ্যুক্তা কুশাবর্তা কুলার্ণবা ।
কুলার্ণবাচাররতা কুংডলী কুংডলাকৃতিঃ ॥ 161 ॥

কুমতিশ্চ কুলশ্রেষ্ঠা কুলচক্রপরাযণা ।
কূটস্থা কূটদৃষ্টিশ্চ কুংতলা কুংতলাকৃতিঃ ॥ 162 ॥

কুশলাকৃতিরূপা চ কূর্চবীজধরা চ কূঃ ।
কুং কুং কুং কুং শব্দরতা ক্রুং ক্রুং ক্রুং ক্রুং পরাযণা ॥ 163 ॥

কুং কুং কুং শব্দনিলযা কুক্কুরালযবাসিনী ।
কুক্কুরাসংগসংযুক্তা কুক্কুরানংতবিগ্রহা ॥ 164 ॥

কূর্চারংভা কূর্চবীজা কূর্চজাপপরাযণা ।
কুলিনী কুলসংস্থানা কূর্চকংঠপরাগতিঃ ॥ 165 ॥

কূর্চবীণাভালদেশা কূর্চমস্তকভূষিতা ।
কুলবৃক্ষগতা কূর্মা কূর্মাচলনিবাসিনী ॥ 166 ॥

কুলবিংদুঃ কুলশিবা কুলশক্তিপরাযণা ।
কুলবিংদুমণিপ্রখ্যা কুংকুমদ্রুমবাসিনী ॥ 167 ॥

কুচমর্দনসংতুষ্টা কুচজাপপরাযণা ।
কুচস্পর্শনসংতুষ্টা কুচালিংগনহর্ষদা ॥ 168 ॥

কুমতিঘ্নী কুবেরার্চ্যা কুচভূঃ কুলনাযিকা ।
কুগাযনা কুচধরা কুমাতা কুংদদংতিনী ॥ 169 ॥

কুগেযা কুহরাভাসা কুগেযাকুঘ্নদারিকা ।
কীর্তিঃ কিরাতিনী ক্লিন্না কিন্নরা কিন্নরীক্রিযা ॥ 170 ॥

ক্রীংকারা ক্রীংজপাসক্তা ক্রীং হূং স্ত্রীং মংত্ররূপিণী ।
কির্মীরিতদৃশাপাংগী কিশোরী চ কিরীটিনী ॥ 171 ॥

কীটভাষা কীটযোনিঃ কীটমাতা চ কীটদা ।
কিংশুকা কীরভাষা চ ক্রিযাসারা ক্রিযাবতী ॥ 172 ॥

কীংকীংশব্দপরা ক্লাং ক্লীং ক্লূং ক্লৈং ক্লৌং মংত্ররূপিণী ।
কাং কীং কূং কৈং স্বরূপা চ কঃ ফট্ মংত্রস্বরূপিণী ॥ 173 ॥

কেতকীভূষণানংদা কেতকীভরণান্বিতা ।
কৈকদা কেশিনী কেশী কেশিসূদনতত্পরা ॥ 174 ॥

কেশরূপা কেশমুক্তা কৈকেযী কৌশিকী তথা ।
কৈরবা কৈরবাহ্লাদা কেশরা কেতুরূপিণী ॥ 175 ॥

কেশবারাধ্যহৃদযা কেশবাসক্তমানসা ।
ক্লৈব্যবিনাশিনী ক্লৈং চ ক্লৈং বীজজপতোষিতা ॥ 176 ॥

কৌশল্যা কোশলাক্ষী চ কোশা চ কোমলা তথা ।
কোলাপুরনিবাসা চ কোলাসুরবিনাশিনী ॥ 177 ॥

কোটিরূপা কোটিরতা ক্রোধিনী ক্রোধরূপিণী ।
কেকা চ কোকিলা কোটিঃ কোটিমংত্রপরাযণা ॥ 178 ॥

কোট্যনংতমংত্রযুক্তা কৈরূপা কেরলাশ্রযা ।
কেরলাচারনিপুণা কেরলেংদ্রগৃহস্থিতা ॥ 179 ॥

কেদারাশ্রমসংস্থা চ কেদারেশ্বরপূজিতা ।
ক্রোধরূপা ক্রোধপদা ক্রোধমাতা চ কৌশিকী ॥ 180 ॥

কোদংডধারিণী ক্রৌংচা কৌশল্যা কৌলমার্গগা ।
কৌলিনী কৌলিকারাধ্যা কৌলিকাগারবাসিনী ॥ 181 ॥

কৌতুকী কৌমুদী কৌলা কৌমারী কৌরবার্চিতা ।
কৌংডিন্যা কৌশিকী ক্রোধজ্বালাভাসুররূপিণী ॥ 182 ॥

কোটিকালানলজ্বালা কোটিমার্তংডবিগ্রহা ।
কৃত্তিকা কৃষ্ণবর্ণা চ কৃষ্ণা কৃত্যা ক্রিযাতুরা ॥ 183 ॥

কৃশাংগী কৃতকৃত্যা চ ক্রঃ ফট্ স্বাহা স্বরূপিণী ।
ক্রৌং ক্রৌং হূং ফট্ মংত্রবর্ণা ক্রীং হ্রীং হূং ফট্ নমঃ স্বধা ॥ 184 ॥

ক্রীং ক্রীং হ্রীং হ্রীং তথা হ্রূং হ্রূং ফট্ স্বাহা মংত্ররূপিণী ।
ইতি শ্রীসর্বসাম্রাজ্যমেধানাম সহস্রকম্ ॥ 185 ॥

ইতি শ্রীরুদ্রযামলে কালীতংত্রে ককারাদি শ্রী কালী সহস্রনাম স্তোত্রম্ ।