বিশ্বামিত্রতপঃফলাং প্রিযতরাং বিপ্রালিসংসেবিতাং
নিত্যানিত্যবিবেকদাং স্মিতমুখীং খংডেংদুভূষোজ্জ্বলাম্ ।
তাংবূলারুণভাসমানবদনাং মার্তাংডমধ্যস্থিতাং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 1 ॥
জাতীপংকজকেতকীকুবলযৈঃ সংপূজিতাংঘ্রিদ্বযাং
তত্ত্বার্থাত্মিকবর্ণপংক্তিসহিতাং তত্ত্বার্থবুদ্ধিপ্রদাম্ ।
প্রাণাযামপরাযণৈর্বুধজনৈঃ সংসেব্যমানাং শিবাং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 2 ॥
মংজীরধ্বনিভিঃ সমস্তজগতাং মংজুত্বসংবর্ধনীং
বিপ্রপ্রেংখিতবারিবারিতমহারক্ষোগণাং মৃণ্মযীম্ ।
জপ্তুঃ পাপহরাং জপাসুমনিভাং হংসেন সংশোভিতাং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 3 ॥
কাংচীচেলবিভূষিতাং শিবমযীং মালার্ধমালাদিকা-
-ন্বিভ্রাণাং পরমেশ্বরীং শরণদাং মোহাংধবুদ্ধিচ্ছিদাম্ ।
ভূরাদিত্রিপুরাং ত্রিলোকজননীমধ্যাত্মশাখানুতাং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 4 ॥
ধ্যাতুর্গর্ভকৃশানুতাপহরণাং সামাত্মিকাং সামগাং
সাযংকালসুসেবিতাং স্বরমযীং দূর্বাদলশ্যামলাম্ ।
মাতুর্দাস্যবিলোচনৈকমতিমত্খেটীংদ্রসংরাজিতাং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 5 ॥
সংধ্যারাগবিচিত্রবস্ত্রবিলসদ্বিপ্রোত্তমৈঃ সেবিতাং
তারাহারসুমালিকাং সুবিলসদ্রত্নেংদুকুংভাংতরাম্ ।
রাকাচংদ্রমুখীং রমাপতিনুতাং শংখাদিভাস্বত্করাং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 6 ॥
বেণীভূষিতমালকধ্বনিকরৈর্ভৃংগৈঃ সদা শোভিতাং
তত্ত্বজ্ঞানরসাযনজ্ঞরসনাসৌধভ্রমদ্ভ্রামরীম্ ।
নাসালংকৃতমৌক্তিকেংদুকিরণৈঃ সাযংতমশ্ছেদিনীং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 7 ॥
পাদাব্জাংতররেণুকুংকুমলসত্ফালদ্যুরামাবৃতাং
রংভানাট্যবিলোকনৈকরসিকাং বেদাংতবুদ্ধিপ্রদাম্ ।
বীণাবেণুমৃদংগকাহলরবান্ দেবৈঃ কৃতাংছৃণ্বতীং
গাযত্রীং হরিবল্লভাং ত্রিণযনাং ধ্যাযামি পংচাননাম্ ॥ 8 ॥
হত্যাপানসুবর্ণতস্করমহাগুর্বংগনাসংগমা-
-ংদোষাংছৈলসমান্ পুরংদরসমাঃ সংচ্ছিদ্য সূর্যোপমাঃ ।
গাযত্রীং শ্রুতিমাতুরেকমনসা সংধ্যাসু যে ভূসুরা
জপ্ত্বা যাংতি পরাং গতিং মনুমিমং দেব্যাঃ পরং বৈদিকাঃ ॥ 9 ॥
ইতি শ্রীমচ্ছংকরাচার্য বিরচিতং শ্রী গাযত্র্যষ্টকম্ ।
