শ্রীকৃষ্ণ উবাচ ।
ত্বমেব সর্বজননী মূলপ্রকৃতিরীশ্বরী ।
ত্বমেবাদ্যা সৃষ্টিবিধৌ স্বেচ্ছযা ত্রিগুণাত্মিকা ॥ 1 ॥
কার্যার্থে সগুণা ত্বং চ বস্তুতো নির্গুণা স্বযম্ ।
পরব্রহ্মস্বরূপা ত্বং সত্যা নিত্যা সনাতনী ॥ 2 ॥
তেজঃ স্বরূপা পরমা ভক্তানুগ্রবিগ্রহা ।
সর্বস্বরূপা সর্বেশা সর্বাধারা পরাত্পরা ॥ 3 ॥
সর্ববীজস্বরূপা চ সর্বপূজ্যা নিরাশ্রযা ।
সর্বজ্ঞা সর্বতোভদ্রা সর্বমংগলমংগলা ॥ 4 ॥
সর্ববুদ্ধিস্বরূপা চ সর্বশক্তিস্বরূপিণী ।
সর্বজ্ঞানপ্রদা দেবী সর্বজ্ঞা সর্বভাবিনী ॥ 5 ॥
ত্বং স্বাহা দেবদানে চ পিতৃদানে স্বধা স্বযম্ ।
দক্ষিণা সর্বদানে চ সর্বশক্তিস্বরূপিণী ॥ 6 ॥
নিদ্রা ত্বং চ দযা ত্বং চ তৃষ্ণা ত্বং চাত্মনঃ প্রিযা ।
ক্ষুত্ ক্ষাংতিঃ শাংতিরীশা চ কাংতিস্তুষ্টিশ্চ শাশ্বতী ॥ 7 ॥
শ্রদ্ধা পুষ্টিশ্চ তংদ্রা চ লজ্জা শোভা দযা তথা ।
সতাং সংপত্স্বরূপা শ্রীর্বিপত্তিরসতামিহ ॥ 8 ॥
প্রীতিরূপা পুণ্যবতাং পাপিনাং কলহাংকুরা ।
শশ্বত্কর্মমযী শক্তিঃ সর্বদা সর্বজীবিনাম্ ॥ 9 ॥
দেবেভ্যঃ স্বপদো দাত্রী ধাতুর্ধাত্রী কৃপামযী ।
হিতায সর্বদেবানাং সর্বাসুরবিনাশিনী ॥ 10 ॥
যোগিনিদ্রা যোগরূপা যোগদাত্রী চ যোগিনাম্ ।
সিদ্ধিস্বরূপা সিদ্ধানাং সিদ্ধিদা সিদ্ধযোগিনী ॥ 11 ॥
মাহেশ্বরী চ ব্রহ্মাণী বিষ্ণুমাযা চ বৈষ্ণবী ।
ভদ্রদা ভদ্রকালী চ সর্বলোকভযংকরী ॥ 12 ॥
গ্রামে গ্রামে গ্রামদেবী গৃহদেবী গৃহে গৃহে ।
সতাং কীর্তিঃ প্রতিষ্ঠা চ নিংদা ত্বমসতাং সদা ॥ 13 ॥
মহাযুদ্ধে মহামারী দুষ্টসংহাররূপিণী ।
রক্ষাস্বরূপা শিষ্টানাং মাতেব হিতকারিণী ॥ 14 ॥
বংদ্যা পূজ্যা স্তুতা ত্বং চ ব্রহ্মাদীনাং চ সর্বদা ।
ব্রহ্মণ্যরূপা বিপ্রাণাং তপস্যা চ তপস্বিনাম্ ॥ 15 ॥
বিদ্যা বিদ্যাবতাং ত্বং চ বুদ্ধির্বুদ্ধিমতাং সতাম্ ।
মেধা স্মৃতিস্বরূপা চ প্রতিভা প্রতিভাবতাম্ ॥ 16 ॥
রাজ্ঞাং প্রতাপরূপা চ বিশাং বাণিজ্যরূপিণী ।
সৃষ্টৌ সৃষ্টিস্বরূপা ত্বং রক্ষারূপা চ পালনে ॥ 17 ॥
তথাংতে ত্বং মহামারী বিশ্বে বিশ্বৈশ্চ পূজিতে ।
কালরাত্রির্মহারাত্রির্মোহরাত্রিশ্চ মোহিনী ॥ 18 ॥
দুরত্যযা মে মাযা ত্বং যযা সম্মোহিতং জগত্ ।
যযা মুগ্ধো হি বিদ্বাংশ্চ মোক্ষমার্গং ন পশ্যতি ॥ 19 ॥
ইত্যাত্মনা কৃতং স্তোত্রং দুর্গাযা দুর্গনাশনম্ ।
পূজাকালে পঠেদ্যো হি সিদ্ধির্ভবতি বাংছিতা ॥ 20 ॥
ইতি শ্রীব্রহ্মবৈবর্তে মহাপুরাণে দ্বিতীযে প্রকৃতিখংডে নারদনারাযণসংবাদে দুর্গোপাখ্যানে ষট্ষষ্টিতমোঽধ্যাযে শ্রী দুর্গা স্তোত্রম্ ।
