দেব্যুবাচ ।
শ্রীকংঠ করুণাসিংধো দীনবংধো জগত্পতে ।
ভূতিভূষিতসর্বাংগ পরাত্পরতর প্রভো ॥ 1 ॥

কৃতাংজলিপুটা ভূত্বা পৃচ্ছাম্যেকং দযানিধে ।
আদ্যা যা চিত্স্বরূপা যা নির্বিকারা নিরংজনা ॥ 2 ॥

বোধাতীতা জ্ঞানগম্যা কূটস্থানংদবিগ্রহা ।
অগ্রাহ্যাতীংদ্রিযা শুদ্ধা নিরীহা স্বাবভাসিকা ॥ 3 ॥

গুণাতীতা নিষ্প্রপংচা হ্যবাঙ্মনসগোচরা ।
প্রকৃতির্জগদুত্পত্তিস্থিতিসংহারকারিণী ॥ 4 ॥

রক্ষার্থং জগতো দেবকার্যার্থং বা সুরদ্বিষাম্ ।
নাশায ধত্তে সা দেহং তত্তত্কার্যৈকসাধকম্ ॥ 5 ॥

তত্র ভূধরণার্থায যজ্ঞবিস্তারহেতবে ।
বিদ্যুত্কেশহিরণ্যাক্ষবালাকাদিবধায চ ॥ 6 ॥

আবির্বভূব যা শক্তির্ঘোরা ভূদাররূপিণী ।
বারাহী বিকটাকারা দানবাসুরনাশিনী ॥ 7 ॥

সদ্যঃ সিদ্ধিকরী দেবী ঘোরাদ্ঘোরতরা শিবা ।
তস্যাঃ সহস্রনামাখ্যং স্তোত্রং মে সমুদীরয ॥ 8 ॥

কৃপালেশোঽস্তি মযি চেদ্ভাগ্যং মে যদি বা ভবেত্ ।
অনুগ্রাহ্যা যদ্যহং স্যাং তদা বদ দযানিধে ॥ 9 ॥

ঈশ্বর উবাচ ।
সাধু সাধু বরারোহে ধন্যা বহুমতাসি মে ।
শুশ্রূষযা সমুত্পন্না ভক্তিঃ শ্রদ্ধান্বিতা তব ॥ 10 ॥

সহস্রনাম বারাহ্যাঃ সর্বসিদ্ধিবিধাযি চ ।
তব চেন্ন প্রবক্ষ্যামি প্রিযে কস্য বদাম্যহম্ ॥ 11 ॥

কিংতু গোপ্যং প্রযত্নেন সংরক্ষ্যং প্রাণতোঽপি চ ।
বিশেষতঃ কলিযুগে ন দেযং যস্য কস্যচিত্ ।
সর্বেঽন্যথা সিদ্ধিভাজো ভবিষ্যংতি বরাননে ॥ 12 ॥

ওং অস্য শ্রীবারাহীসহস্রনামস্তোত্রস্য মহাদেব ঋষিঃ । অনুষ্টুপ্ ছংদঃ । বারাহী দেবতা । ঐং বীজম্ । ক্রোং শক্তিঃ । হুং কীলকম্ । মম সর্বার্থসিদ্ধ্যর্থে জপে বিনিযোগঃ ।

ওং বারাহী বামনী বামা বগলা বাসবী বসুঃ ।
বৈদেহী বীরসূর্বালা বরদা বিষ্ণুবল্লভা ॥ 13 ॥

বংদিতা বসুদা বশ্যা ব্যাত্তাস্যা বংচিনী বলা ।
বসুংধরা বীতিহোত্রা বীতরাগা বিহাযসী ॥ 14 ॥

সর্বা খনিপ্রিযা কাম্যা কমলা কাংচনী রমা ।
ধূম্রা কপালিনী বামা কুরুকুল্লা কলাবতী ॥ 15 ॥

যাম্যাঽঽগ্নেযী ধরা ধন্যা ধর্মিণী ধ্যানিনী ধ্রুবা ।
ধৃতির্লক্ষ্মীর্জযা তুষ্টিঃ শক্তির্মেধা তপস্বিনী ॥ 16 ॥

বেধা জযা কৃতিঃ কাংতিঃ স্বাহা শাংতির্দমা রতিঃ ।
লজ্জা মতিঃ স্মৃতির্নিদ্রা তংত্রা গৌরী শিবা স্বধা ॥ 17 ॥

চংডী দুর্গাঽভযা ভীমা ভাষা ভামা ভযানকা ।
ভূদারা ভযহা ভীরুর্ভৈরবী ভংগরা ভটী ॥ 18 ॥

ঘুর্ঘুরা ঘোষণা ঘোরা ঘোষিণী ঘোণসংযুতা ।
ঘনাঘনা ঘর্ঘরা চ ঘোণযুক্তাঽঘনাশিনী ॥ 19 ॥

পূর্বাগ্নেযী যাতু যাম্যা বাযব্যুত্তরবারুণী ।
ঐশান্যূর্ধ্বাধঃস্থিতা চ পৃষ্ঠদক্ষাগ্রবামগা ॥ 20 ॥

হৃন্নাভিব্রহ্মরংধ্রার্কস্বর্গপাতালভূমিগা ।
ঐং শ্রীঃ হ্রীঃ ক্লীং তীর্থগতিঃ প্রীতির্ধীর্গীঃ কলাঽব্যযা ॥ 21 ॥

ঋগ্যজুঃ সামরূপা চ পরা পোত্রিণ্যুদুংবরা ।
গদাসিশক্তিচাপেষুশূলচক্রর্ষ্টিধারিণী ॥ 22 ॥

জরতী যুবতী বালা চতুরংগবলোত্কটা ।
সত্যাক্ষরা নিধির্নেত্রী ধাত্রী পোত্রী পরা পটুঃ ॥ 23 ॥

ক্ষেত্রজ্ঞা কংপিনী জ্যেষ্ঠা দুরাধর্ষা ধুরংধরা ।
মালিনী মানিনী মাতা মাননীযা মনস্বিনী ॥ 24 ॥

মদোত্কটা মন্যুকরী মনুরূপা মনোজবা ।
মেদস্বিনী মদ্যরতা মধুপা মংগলাঽমরা ॥ 25 ॥

মাযা মাতাঽঽমযহরী মৃডানী মহিলা মৃতিঃ ।
মহাদেবী মোহহরী মংজুর্মৃত্যুংজযাঽমলা ॥ 26 ॥

মাংসলা মানবা মূলা মহারাত্রির্মদালসা ।
মৃগাংকা মেনকা মান্যা মহিষঘ্নী মদংতিকা ॥ 27 ॥

মূর্ছামোহমৃষামোঘামদমৃত্যুমলাপহা ।
সিংহর্ক্ষমহিষব্যাঘ্রমৃগক্রোডাননা ধুনী ॥ 28 ॥

ধরিণী ধারিণী ধেনুর্ধরিত্রী ধাবনী ধবা ।
ধর্মধ্বনা ধ্যানপরা ধনধান্যধরাপ্রদা ॥ 29 ॥

পাপদোষরিপুব্যাধিনাশিনী সিদ্ধিদাযিনী ।
কলাকাষ্ঠাক্ষমাপক্ষাহস্ত্রুটিশ্বাসরূপিণী ॥ 30 ॥

সমৃদ্ধা সুভুজা রৌদ্রী রাধা রাগা রমারণিঃ ।
রামা রতিপ্রিযা রুষ্টা রক্ষিণী রবিমধ্যগা ॥ 31 ॥

রজনী রমণী রেবা রংকিনী রংজিনী রমা ।
রোষা রোষবতী রূক্ষা করিরাজ্যপ্রদা রতা ॥ 32 ॥

রূক্ষা রূপবতী রাস্যা রুদ্রাণী রণপংডিতা ।
গংগা চ যমুনা চৈব সরস্বতিস্বসূর্মধুঃ ॥ 33 ॥

গংডকী তুংগভদ্রা চ কাবেরী কৌশিকী পটুঃ ।
কট্বোরগবতী চারা সহস্রাক্ষা প্রতর্দনা ॥ 34 ॥

সর্বজ্ঞা শাংকরী শাস্ত্রী জটাধারিণ্যযোরদা ।
যাবনী সৌরভী কুব্জা বক্রতুংডা বধোদ্যতা ॥ 35 ॥

চংদ্রাপীডা বেদবেদ্যা শংখিনী নীললোহিতা ।
ধ্যানাতীতাঽপরিচ্ছেদ্যা মৃত্যুরূপা ত্রিবর্গদা ॥ 36 ॥

অরূপা বহুরূপা চ নানারূপা নতাননা ।
বৃষাকপির্বৃষারূঢা বৃষেশী বৃষবাহনা ॥ 37 ॥

বৃষপ্রিযা বৃষাবর্তা বৃষপর্বা বৃষাকৃতিঃ ।
কোদংডিনী নাগচূডা চক্ষুষ্যা পরমার্থিকা ॥ 38 ॥

দুর্বাসা দুর্গহা দেবী দুরাবাসা দুরারিহা ।
দুর্গা রাধা দুঃখহংত্রী দুরারাধ্যা দবীযসী ॥ 39 ॥

দুরাবাসা দুষ্প্রহস্তা দুষ্প্রকংপা দুরূহিণী ।
সুবেণী রমণী শ্যামা মৃগব্যাধার্ঘতাপিনী ॥ 40 ॥

উগ্রা তার্ক্ষী পাশুপতী কৌণপী কুণপাশনা । [দুর্গা]
কপর্দিনী কামকামা কমনীযা কলোজ্জ্বলা ॥ 41 ॥

কাসাবহৃত্কারকানী কংবুকংঠী কৃতাগমা ।
কর্কশা কারণা কাংতা কল্পাঽকল্পা কটংকটা ॥ 42 ॥

শ্মশাননিলযা ভিন্না গজারুঢা গজাপহা ।
তত্প্রিযা তত্পরা রাযা স্বর্ভানুঃ কালবংচিনী ॥ 43 ॥

শাখা বিশাখা গোশাখা সুশাখা শেষশাখিনী ।
ব্যংগা শুভাংগা বামাংগা নীলাংগাঽনংগরূপিণী ॥ 44 ॥

সাংগোপাংগা চ সারংগা সুভাংগা রংগরূপিণী ।
ভদ্রা সুভদ্রা ভদ্রাক্ষী সিংহিকা বিনতাঽদিতিঃ ॥ 45 ॥

হৃদ্যাঽবদ্যা সুপদ্যা চ গদ্যপদ্যপ্রিযা প্রসূঃ ।
চর্চিকা ভোগবত্যংবা সারসী শবরী নটী ॥ 46 ॥

যোগিনী পুষ্কলাঽনংতা পরা সাংখ্যা শচী সতী ।
নিম্নগা নিম্ননাভিশ্চ সহিষ্ণুর্জাগৃতী লিপিঃ ॥ 47 ॥

দমযংতী দমী দংডোদ্দংডিনী দারদাযিকা ।
দীপিনী দাবিনী ধাত্রী দক্ষকন্যা দম্যা দরত্ ॥ 48 ॥

দাহিনী দ্রবিণী দর্বী দংডিনী দংডনাযিকা ।
দানপ্রিযা দোষহংত্রী দুঃখদারিদ্র্যনাশিনী ॥ 49 ॥

দোষদা দোষকৃদ্দোগ্ধ্রী দোহতী দেবিকাঽধনা ।
দর্বীকরী দুর্বলিতা দুর্যুগাঽদ্বযবাদিনী ॥ 50 ॥

চরাচরাঽনংতবৃষ্টিরুন্মত্তা কমলাঽলসা ।
তারিণী তারকাংতারা পরমাত্মাব্জলোচনা ॥ 51 ॥

ইংদুর্হিরণ্যকবচা ব্যবস্থা ব্যবসাযিকা ।
ঈশনংদা নদী নাগী যক্ষিণী সর্পিণী বরী ॥ 52 ॥

সুধা সুরা বিশ্বসহা সুবর্ণাংগদধারিণী ।
জননী প্রীতিভাগেশী সাম্রাজ্ঞী সংবিদুত্তমা ॥ 53 ॥

অমেযাঽরিষ্টদমনী পিংগলা লিংগধারিণী ।
চামুংডা প্লাবিনী হালা বৃহজ্জ্যোতিরুরুক্রমা ॥ 54 ॥

সুপ্রতীকা চ সুগ্রীবা হব্যবাহা প্রলাপিনী ।
নভস্যা মাধবী জ্যেষ্ঠা শিশিরা জ্বালিনী রুচিঃ ॥ 55 ॥

শুক্লা শুক্রা শুচা শোকা শুকী ভেকী পিকী বকী ।
পৃষদশ্বা নভোযোনিঃ সুপ্রতীকা বিভাবরী ॥ 56 ॥

গর্বিতা গুর্বিণী গণ্যা গুরুর্গুরুধরী গযা ।
গংধর্বী গণিকা গুংদ্রা গারুডী গোপিকাঽগ্রগা ॥ 57 ॥

গণেশী গামিনী গংতা গোপতির্গংধিনী গবী ।
গর্জিতা গাননী গোনা গোরক্ষা গোবিদাং গতিঃ ॥ 58 ॥

গ্রাথিকী গ্রথিকৃদ্গোষ্ঠী গর্ভরূপা গুণৈষিণী ।
পারস্করী পাংচনদা বহুরূপা বিরূপিকা ॥ 59 ॥

ঊহা ব্যূহা দুরূহা চ সম্মোহা মোহহারিণী ।
যজ্ঞবিগ্রহিণী যজ্ঞা যাযজূকা যশস্বিনী ॥ 60 ॥

অগ্নিষ্টোমাঽত্যগ্নিষ্টোমা বাজপেযশ্চ ষোডশী ।
পুংডরীকাঽশ্বমেধশ্চ রাজসূযশ্চ নাভসঃ ॥ 61 ॥

স্বিষ্টকৃদ্বহুসৌবর্ণো গোসবশ্চ মহাব্রতঃ ।
বিশ্বজিদ্ব্রহ্মযজ্ঞশ্চ প্রাজাপত্যঃ শিলাযবঃ ॥ 62 ॥

অশ্বক্রাংতা রথক্রাংতা বিষ্ণুক্রাংতা বিভাবসুঃ ।
সূর্যক্রাংতা গজক্রাংতা বলিভিন্নাগযজ্ঞকঃ ॥ 63 ॥

সাবিত্রী চার্ধসাবিত্রী সর্বতোভদ্রবারুণা ।
আদিত্যাময গোদোহ গবাময মৃগামযা ॥ 64 ॥

সর্পমযঃ কালপিংজঃ কৌংডিন্যোপনাগাহলঃ ।
অগ্নিবিদ্দ্বাদশাহস্বোপাংশুঃ সোম বিধো হনঃ ॥ 65 ॥

অশ্বপ্রতিগ্রহো বর্হিরথোঽভ্যুদয ঋদ্ধিরাট্ ।
সর্বস্বদক্ষিণো দীক্ষা সোমাখ্যা সমিদাহ্বযঃ ॥ 66 ॥

কঠাযনশ্চ গোদোহঃ স্বাহাকারস্তনূনপাত্ ।
দংডা পুরুষ মেধশ্চ শ্যেনো বজ্র ইষুর্যমঃ ॥ 67 ॥

অংগিরাঃ কংকভেরুংডা চাংদ্রাযণপরাযণা ।
জ্যোতিষ্টোমঃ গুদো দর্শো নংদ্যাখ্যঃ পৌর্ণমাসিকঃ ॥ 68 ॥

গজপ্রতিগ্রহো রাত্রিঃ সৌরভঃ শাংকলাযনঃ ।
সৌভাগ্যকৃচ্চ কারীষো বৈদলাযনরামঠৌ ॥ 69 ॥

শোচিষ্কারী নাচিকেতঃ শাংতিকৃত্পুষ্টিকৃত্তথা ।
বৈনতেযোচ্চাটনৌ চ বশীকরণ মারণে ॥ 70 ॥

ত্রৈলোক্যমোহনো বীরঃ কংদর্পবলশাতনঃ ।
শংখচূডো গজচ্ছাযো রৌদ্রাখ্যো বিষ্ণুবিক্রমঃ ॥ 71 ॥

ভৈরবঃ কবহাখ্যশ্চাবভৃথোঽষ্টকপালকঃ ।
শ্রৌষট্ বৌষট্ বষট্কারঃ পাকসংস্থা পরিশ্রুতী ॥ 72 ॥

চযনো নরমেধশ্চ কারীরী রত্নদানিকা ।
সৌত্রামণী চ ভারুংদা বার্হস্পত্যো বলংগমঃ ॥ 73 ॥

প্রচেতাঃ সর্বসত্রশ্চ গজমেধঃ করংভকঃ ।
হবিঃসংস্থা সোমসংস্থা পাকসংস্থা গরুত্মতী ॥ 74 ॥

সত্যসূর্যশ্চমসঃ স্রুক্ স্রুবোলূখল মেক্ষণী ।
চপলো মংথনী মেঢী যূপঃ প্রাগ্বংশকুংচিকা ॥ 75 ॥

রশ্মিরংশুশ্চ দোভ্যশ্চ বারুণোদঃ পবিঃ কুথা ।
আপ্তোর্যামো দ্রোণকলশো মৈত্রাবরুণ আশ্বিনঃ ॥ 76 ॥

পাত্নীবতশ্চ মংথী চ হারিযোজন এব চ ।
প্রতিপ্রস্থানশুক্রৌ চ সামিধেনী সমিত্সমা ॥ 77 ॥

হোতাঽধ্বর্যুস্তথোদ্গাতা নেতা ত্বষ্টা চ যোত্রিকা ।
আগ্নীধ্রোঽচ্ছাবকাষ্টাবগ্গ্রাবস্তুত্প্রতর্দকঃ ॥ 78 ॥

সুব্রহ্মণ্যো ব্রাহ্মণশ্চ মৈত্রাবরুণবারুণৌ ।
প্রস্তোতা প্রতিপ্রস্থাতা যজমানো ধ্রুবংত্রিকা ॥ 79 ॥

আমিক্ষা পৃষদাজ্যং চ হব্যং কব্যং চরুঃ পযঃ ।
জুহুদ্ঘ্রাবোপভৃদ্ব্রহ্মা ত্রযী ত্রেতা তরস্বিনী ॥ 80 ॥

পুরোডাশঃ পশূকর্ষঃ প্রোক্ষণী ব্রহ্মযজ্ঞিনী ।
অগ্নিজিহ্বা দর্ভরোমা ব্রহ্মশীর্ষা মহোদরী ॥ 81 ॥

অমৃতপ্রাশিকা নারাযণী নগ্না দিগংবরা ।
ওংকারিণী চতুর্বেদরূপা শ্রুতিরনুল্বণা ॥ 82 ॥

অষ্টাদশভুজা রংভা সত্যা গগনচারিণী ।
ভীমবক্ত্রা মহাবক্ত্রা কীর্তিরাকৃষ্ণপিংগলা ॥ 83 ॥

কৃষ্ণমূর্ধা মহামূর্ধা ঘোরমূর্ধা ভযাননা ।
ঘোরাননা ঘোরজিহ্বা ঘোররাবা মহাব্রতা ॥ 84 ॥

দীপ্তাস্যা দীপ্তনেত্রা চ চংডপ্রহরণা জটী ।
সুরভী সৌলভী বীচী ছাযা সংধ্যা চ মাংসলা ॥ 85 ॥

কৃষ্ণা কৃষ্ণাংবরা কৃষ্ণশারংগিণী কৃষ্ণবল্লভা ।
ত্রাসিনী মোহিনী দ্বেষ্যা মৃত্যুরূপা ভযাপহা ॥ 86 ॥

ভীষণা দানবেংদ্রঘ্নী কল্পকর্তা ক্ষযংকরী ।
অভযা পৃথিবী সাধ্বী কেশিনী ব্যাধিজন্মহা ॥ 87 ॥

অক্ষোভ্যাঽঽহ্লাদিনী কন্যা পবিত্রা রোপিণী শুভা ।
কন্যাদেবী সুরাদেবী ভীমাদেবী মদংতিকা ॥ 88 ॥

শাকংভরী মহাশ্বেতা ধূম্রা ধূম্রেশ্বরীশ্বরী ।
বীরভদ্রা মহাভদ্রা মহাদেবী মহাসুরী ॥ 89 ॥

শ্মশানবাসিনী দীপ্তা চিতিসংস্থা চিতিপ্রিযা ।
কপালহস্তা খট্বাংগী খড্গিনী শূলিনী হলী ॥ 90 ॥

কাংতারিণী মহাযোগী যোগমার্গা যুগগ্রহা ।
ধূম্রকেতুর্মহাস্যাযুর্যুগানাং পরিবর্তিনী ॥ 91 ॥

অংগারিণ্যংকুশকরা ঘংটাবর্ণা চ চক্রিণী ।
বেতালী ব্রহ্মবেতালী মহাবেতালিকা তথা ॥ 92 ॥

বিদ্যারাজ্ঞী মোহরাজ্ঞী মহারাজ্ঞী মহোদরী ।
ভূতং ভব্যং ভবিষ্যং চ সাংখ্যং যোগস্তপো দমঃ ॥ 93 ॥

অধ্যাত্মং চাধিদৈবং চাধিভূতাংশ এব চ ।
ঘংটারবা বিরূপাক্ষী শিখিবিচ্ছ্রীচযপ্রিযা ॥ 94 ॥

খড্গশূলগদাহস্তা মহিষাসুরমর্দিনী ।
মাতংগী মত্তমাতংগী কৌশিকী ব্রহ্মবাদিনী ॥ 95 ॥

উগ্রতেজা সিদ্ধসেনা জৃংভিণী মোহিনী তথা ।
জযা চ বিজযা চৈব বিনতা কদ্রুরেব চ ॥ 96 ॥

ধাত্রী বিধাত্রী বিক্রাংতা ধ্বস্তা মূর্ছা চ মূর্ছনী ।
দমনী ধর্মিণী দম্যা ছেদিনী তাপিনী তপী ॥ 97 ॥

বংধিনী বাধিনী বংধা বোধাতীতা বুধপ্রিযা ।
হরিণী হারিণী হংত্রী ধরিণী ধারিণী ধরা ॥ 98 ॥

বিসাধিনী সাধিনী চ সংধ্যা সংগোপনী প্রিযা ।
রেবতী কালকর্ণী চ সিদ্ধির্লক্ষ্মীররুংধতী ॥ 99 ॥

ধর্মপ্রিযা ধর্মরতিঃ ধর্মিষ্ঠা ধর্মচারিণী ।
ব্যুষ্টিঃ খ্যাতিঃ সিনীবালী কুহূঃ ঋতুমতী মৃতিঃ ॥ 100 ॥

ত্বাষ্ট্রী বৈরোচনী মৈত্রী নীরজা কৈটভেশ্বরী ।
ভ্রমণী ভ্রামণী ভ্রামা ভ্রমরী ভ্রামরী ভ্রমা ॥ 101 ॥

নিষ্কলা কলহা নীতা কৌলাকারা কলেবরা ।
বিদ্যুজ্জিহ্বা বর্ষিণী চ হিরণ্যাক্ষনিপাতিনী ॥ 102 ॥

জিতকামা কামৃগযা কোলা কল্পাংগিনী কলা । [কামগমা]
প্রধানা তারকা তারা হিতাত্মা হিতভেদিনী ॥ 103 ॥

দুরক্ষরা পরব্রহ্ম মহাদানা মহাহবা ।
বারুণী ব্যরুণী বাণী বীণা বেণী বিহংগমা ॥ 104 ॥

মোদপ্রিযা মোদকিনী প্লবনী প্লাবিনী প্লুতিঃ ।
অজরা লোহিতা লাক্ষা প্রতপ্তা বিশ্বভোজিনী ॥ 105 ॥

মনো বুদ্ধিরহংকারঃ ক্ষেত্রজ্ঞা ক্ষেত্রপালিকা ।
চতুর্বেদা চতুর্ভারা চতুরংতা চরুপ্রিযা ॥ 106 ॥

চর্বিণী চোরিণী চারী শাংকরী চর্মভৈরবী ।
নির্লেপা নিষ্প্রপংচা চ প্রশাংতা নিত্যবিগ্রহা ॥ 107 ॥

স্তব্যা স্তবপ্রিযা ব্যালা গুরুরাশ্রিতবত্সলা ।
নিষ্কলংকা নিরালংবা নির্দ্বংদ্বা নিষ্পরিগ্রহা ॥ 108 ॥

নির্গুণা নির্মলা নিত্যা নিরীহা নিরঘা নবা ।
নিরিংদ্রিযা নিরাভাসা নির্মোহা নীতিনাযিকা ॥ 109 ॥

নিরিংধনা নিষ্কলা চ লীলাকারা নিরামযা ।
মুংডা বিরূপা বিকৃতা পিংগলাক্ষী গুণোত্তরা ॥ 110 ॥

পদ্মগর্ভা মহাগর্ভা বিশ্বগর্ভা বিলক্ষণা ।
পরমাত্মা পরেশানী পরা পারা পরংতপা ॥ 111 ॥

সংসারসেতুঃ ক্রূরাক্ষী মূর্ছামুক্তা মনুপ্রিযা । [মগ্না]
বিস্মযা দুর্জযা দক্ষা দনুহংত্রী দযালযা ॥ 112 ॥

পরব্রহ্মাঽঽনংদরূপা সর্বসিদ্ধিবিধাযিনী । ওম্ ।
এবমুড্ডামরাতংত্রান্মযোদ্ধৃত্য প্রকাশিতম্ ॥ 113 ॥

গোপনীযং প্রযত্নেন নাখ্যেযং যস্য কস্যচিত্ ।
যদীচ্ছসি দ্রুতং সিদ্ধিমৈশ্বর্যং চিরজীবিতাম্ ॥ 114 ॥

আরোগ্যং নৃপসম্মানং দানান্যস্য তু কীর্তযেত্ ।
নাম্নাং সহস্রং বারাহ্যাঃ মযা তে সমুদীরিতম্ ॥ 115 ॥

যঃ পঠেচ্ছৃণুযাদ্বাপি সর্বপাপৈঃ প্রমুচ্যতে ।
অশ্বমেধসহস্রস্য বাজপেযশতস্য চ ॥ 116 ॥

পুংডরীকাযুতস্যাপি ফলং পাঠাত্ প্রজাযতে ।
পঠতঃ সর্বভাবেন সর্বা স্যুঃ সিদ্ধযঃ করে ॥ 117 ॥

জাযতে মহদৈশ্বর্যং সর্বেষাং দযিতো ভবেত্ ।
ঘনসারাযতে বহ্নিরগাধোব্ধিঃ কণাযতে ॥ 118 ॥

সিদ্ধযশ্চ তৃণাযংতে বিষমপ্যমৃতাযতে ।
হারাযংতে মহাসর্পাঃ সিংহঃ ক্রীডামৃগাযতে ॥ 119 ॥

দাসাযংতে মহীপালা জগন্মিত্রাযতেঽখিলম্ ।
তস্মান্নাম্নাং সহস্রেণ স্তুতা সা জগদংবিকা ।
প্রযচ্ছত্যখিলান্ কামান্ দেহাংতে পরমাং গতিম্ ॥ 120 ॥

ইতি উড্ডামরতংত্রে শ্রী আদিবারাহী সহস্রনাম স্তোত্রম্ ॥