ශ්රීකෘෂ්ණ උවාච ।
ත්වමේව සර්වජනනී මූලප්රකෘතිරීශ්වරී ।
ත්වමේවාද්යා සෘෂ්ටිවිධෞ ස්වේච්ඡයා ත්රිගුණාත්මිකා ॥ 1 ॥
කාර්යාර්ථේ සගුණා ත්වං ච වස්තුතෝ නිර්ගුණා ස්වයම් ।
පරබ්රහ්මස්වරූපා ත්වං සත්යා නිත්යා සනාතනී ॥ 2 ॥
තේජඃ ස්වරූපා පරමා භක්තානුග්රවිග්රහා ।
සර්වස්වරූපා සර්වේශා සර්වාධාරා පරාත්පරා ॥ 3 ॥
සර්වබීජස්වරූපා ච සර්වපූජ්යා නිරාශ්රයා ।
සර්වජ්ඤා සර්වතෝභද්රා සර්වමංගළමංගළා ॥ 4 ॥
සර්වබුද්ධිස්වරූපා ච සර්වශක්තිස්වරූපිණී ।
සර්වජ්ඤානප්රදා දේවී සර්වජ්ඤා සර්වභාවිනී ॥ 5 ॥
ත්වං ස්වාහා දේවදානේ ච පිතෘදානේ ස්වධා ස්වයම් ।
දක්ෂිණා සර්වදානේ ච සර්වශක්තිස්වරූපිණී ॥ 6 ॥
නිද්රා ත්වං ච දයා ත්වං ච තෘෂ්ණා ත්වං චාත්මනඃ ප්රියා ।
ක්ෂුත් ක්ෂාංතිඃ ශාංතිරීශා ච කාංතිස්තුෂ්ටිශ්ච ශාශ්වතී ॥ 7 ॥
ශ්රද්ධා පුෂ්ටිශ්ච තංද්රා ච ලජ්ජා ශෝභා දයා තථා ।
සතාං සංපත්ස්වරූපා ශ්රීර්විපත්තිරසතාමිහ ॥ 8 ॥
ප්රීතිරූපා පුණ්යවතාං පාපිනාං කලහාංකුරා ।
ශශ්වත්කර්මමයී ශක්තිඃ සර්වදා සර්වජීවිනාම් ॥ 9 ॥
දේවේභ්යඃ ස්වපදෝ දාත්රී ධාතුර්ධාත්රී කෘපාමයී ।
හිතාය සර්වදේවානාං සර්වාසුරවිනාශිනී ॥ 10 ॥
යෝගිනිද්රා යෝගරූපා යෝගදාත්රී ච යෝගිනාම් ।
සිද්ධිස්වරූපා සිද්ධානාං සිද්ධිදා සිද්ධයෝගිනී ॥ 11 ॥
මාහේශ්වරී ච බ්රහ්මාණී විෂ්ණුමායා ච වෛෂ්ණවී ।
භද්රදා භද්රකාලී ච සර්වලෝකභයංකරී ॥ 12 ॥
ග්රාමේ ග්රාමේ ග්රාමදේවී ගෘහදේවී ගෘහේ ගෘහේ ।
සතාං කීර්තිඃ ප්රතිෂ්ඨා ච නිංදා ත්වමසතාං සදා ॥ 13 ॥
මහායුද්ධේ මහාමාරී දුෂ්ටසංහාරරූපිණී ।
රක්ෂාස්වරූපා ශිෂ්ටානාං මාතේව හිතකාරිණී ॥ 14 ॥
වංද්යා පූජ්යා ස්තුතා ත්වං ච බ්රහ්මාදීනාං ච සර්වදා ।
බ්රහ්මණ්යරූපා විප්රාණාං තපස්යා ච තපස්විනාම් ॥ 15 ॥
විද්යා විද්යාවතාං ත්වං ච බුද්ධිර්බුද්ධිමතාං සතාම් ।
මේධා ස්මෘතිස්වරූපා ච ප්රතිභා ප්රතිභාවතාම් ॥ 16 ॥
රාජ්ඤාං ප්රතාපරූපා ච විශාං වාණිජ්යරූපිණී ।
සෘෂ්ටෞ සෘෂ්ටිස්වරූපා ත්වං රක්ෂාරූපා ච පාලනේ ॥ 17 ॥
තථාංතේ ත්වං මහාමාරී විශ්වේ විශ්වෛශ්ච පූජිතේ ।
කාලරාත්රිර්මහාරාත්රිර්මෝහරාත්රිශ්ච මෝහිනී ॥ 18 ॥
දුරත්යයා මේ මායා ත්වං යයා සම්මෝහිතං ජගත් ।
යයා මුග්ධෝ හි විද්වාංශ්ච මෝක්ෂමාර්ගං න පශ්යති ॥ 19 ॥
ඉත්යාත්මනා කෘතං ස්තෝත්රං දුර්ගායා දුර්ගනාශනම් ।
පූජාකාලේ පඨේද්යෝ හි සිද්ධිර්භවති වාංඡිතා ॥ 20 ॥
ඉති ශ්රීබ්රහ්මවෛවර්තේ මහාපුරාණේ ද්විතීයේ ප්රකෘතිඛංඩේ නාරදනාරායණසංවාදේ දුර්ගෝපාඛ්යානේ ෂට්ෂෂ්ටිතමෝऽධ්යායේ ශ්රී දුර්ගා ස්තෝත්රම් ।
