ভজে বিশেষসুংদরং সমস্তপাপখংডনম্ ।
স্বভক্তচিত্তরংজনং সদৈব রামমদ্বযম্ ॥ 1 ॥
জটাকলাপশোভিতং সমস্তপাপনাশকম্ ।
স্বভক্তভীতিভংজনং ভজে হ রামমদ্বযম্ ॥ 2 ॥
নিজস্বরূপবোধকং কৃপাকরং ভবাঽপহম্ ।
সমং শিবং নিরংজনং ভজে হ রামমদ্বযম্ ॥ 3 ॥
সদা প্রপংচকল্পিতং হ্যনামরূপবাস্তবম্ ।
নিরাকৃতিং নিরামযং ভজে হ রামমদ্বযম্ ॥ 4 ॥
নিষ্প্রপংচ নির্বিকল্প নির্মলং নিরামযম্ ।
চিদেকরূপসংততং ভজে হ রামমদ্বযম্ ॥ 5 ॥
ভবাব্ধিপোতরূপকং হ্যশেষদেহকল্পিতম্ ।
গুণাকরং কৃপাকরং ভজে হ রামমদ্বযম্ ॥ 6 ॥
মহাসুবাক্যবোধকৈর্বিরাজমানবাক্পদৈঃ ।
পরং চ ব্রহ্ম ব্যাপকং ভজে হ রামমদ্বযম্ ॥ 7 ॥
শিবপ্রদং সুখপ্রদং ভবচ্ছিদং ভ্রমাপহম্ ।
বিরাজমানদৈশিকং ভজে হ রামমদ্বযম্ ॥ 8 ॥
রামাষ্টকং পঠতি যঃ সুখদং সুপুণ্যং
ব্যাসেন ভাষিতমিদং শৃণুতে মনুষ্যঃ ।
বিদ্যাং শ্রিযং বিপুলসৌখ্যমনংতকীর্তিং
সংপ্রাপ্য দেহবিলযে লভতে চ মোক্ষম্ ॥ 9 ॥
ইতি শ্রীব্যাস প্রোক্ত শ্রীরামাষ্টকম্ ।
