𑌭𑌜𑍇 𑌵𑌿𑌶𑍇𑌷𑌸𑍁𑌂𑌦𑌰𑌂 𑌸𑌮𑌸𑍍𑌤𑌪𑌾𑌪𑌖𑌂𑌡𑌨𑌮𑍍 ।
𑌸𑍍𑌵𑌭𑌕𑍍𑌤𑌚𑌿𑌤𑍍𑌤𑌰𑌂𑌜𑌨𑌂 𑌸𑌦𑍈𑌵 𑌰𑌾𑌮𑌮𑌦𑍍𑌵𑌯𑌮𑍍 ॥ 1 ॥
𑌜𑌟𑌾𑌕𑌲𑌾𑌪𑌶𑍋𑌭𑌿𑌤𑌂 𑌸𑌮𑌸𑍍𑌤𑌪𑌾𑌪𑌨𑌾𑌶𑌕𑌮𑍍 ।
𑌸𑍍𑌵𑌭𑌕𑍍𑌤𑌭𑍀𑌤𑌿𑌭𑌂𑌜𑌨𑌂 𑌭𑌜𑍇 𑌹 𑌰𑌾𑌮𑌮𑌦𑍍𑌵𑌯𑌮𑍍 ॥ 2 ॥
𑌨𑌿𑌜𑌸𑍍𑌵𑌰𑍂𑌪𑌬𑍋𑌧𑌕𑌂 𑌕𑍃𑌪𑌾𑌕𑌰𑌂 𑌭𑌵𑌾𑌽𑌪𑌹𑌮𑍍 ।
𑌸𑌮𑌂 𑌶𑌿𑌵𑌂 𑌨𑌿𑌰𑌂𑌜𑌨𑌂 𑌭𑌜𑍇 𑌹 𑌰𑌾𑌮𑌮𑌦𑍍𑌵𑌯𑌮𑍍 ॥ 3 ॥
𑌸𑌦𑌾 𑌪𑍍𑌰𑌪𑌂𑌚𑌕𑌲𑍍𑌪𑌿𑌤𑌂 𑌹𑍍𑌯𑌨𑌾𑌮𑌰𑍂𑌪𑌵𑌾𑌸𑍍𑌤𑌵𑌮𑍍 ।
𑌨𑌿𑌰𑌾𑌕𑍃𑌤𑌿𑌂 𑌨𑌿𑌰𑌾𑌮𑌯𑌂 𑌭𑌜𑍇 𑌹 𑌰𑌾𑌮𑌮𑌦𑍍𑌵𑌯𑌮𑍍 ॥ 4 ॥
𑌨𑌿𑌷𑍍𑌪𑍍𑌰𑌪𑌂𑌚 𑌨𑌿𑌰𑍍𑌵𑌿𑌕𑌲𑍍𑌪 𑌨𑌿𑌰𑍍𑌮𑌲𑌂 𑌨𑌿𑌰𑌾𑌮𑌯𑌮𑍍 ।
𑌚𑌿𑌦𑍇𑌕𑌰𑍂𑌪𑌸𑌂𑌤𑌤𑌂 𑌭𑌜𑍇 𑌹 𑌰𑌾𑌮𑌮𑌦𑍍𑌵𑌯𑌮𑍍 ॥ 5 ॥
𑌭𑌵𑌾𑌬𑍍𑌧𑌿𑌪𑍋𑌤𑌰𑍂𑌪𑌕𑌂 𑌹𑍍𑌯𑌶𑍇𑌷𑌦𑍇𑌹𑌕𑌲𑍍𑌪𑌿𑌤𑌮𑍍 ।
𑌗𑍁𑌣𑌾𑌕𑌰𑌂 𑌕𑍃𑌪𑌾𑌕𑌰𑌂 𑌭𑌜𑍇 𑌹 𑌰𑌾𑌮𑌮𑌦𑍍𑌵𑌯𑌮𑍍 ॥ 6 ॥
𑌮𑌹𑌾𑌸𑍁𑌵𑌾𑌕𑍍𑌯𑌬𑍋𑌧𑌕𑍈𑌰𑍍𑌵𑌿𑌰𑌾𑌜𑌮𑌾𑌨𑌵𑌾𑌕𑍍𑌪𑌦𑍈𑌃 ।
𑌪𑌰𑌂 𑌚 𑌬𑍍𑌰𑌹𑍍𑌮 𑌵𑍍𑌯𑌾𑌪𑌕𑌂 𑌭𑌜𑍇 𑌹 𑌰𑌾𑌮𑌮𑌦𑍍𑌵𑌯𑌮𑍍 ॥ ॥
𑌶𑌿𑌵𑌪𑍍𑌰𑌦𑌂 𑌸𑍁𑌖𑌪𑍍𑌰𑌦𑌂 𑌭𑌵𑌚𑍍𑌛𑌿𑌦𑌂 𑌭𑍍𑌰𑌮𑌾𑌪𑌹𑌮𑍍 ।
𑌵𑌿𑌰𑌾𑌜𑌮𑌾𑌨𑌦𑍈𑌶𑌿𑌕𑌂 𑌭𑌜𑍇 𑌹 𑌰𑌾𑌮𑌮𑌦𑍍𑌵𑌯𑌮𑍍 ॥ ॥
𑌰𑌾𑌮𑌾𑌷𑍍𑌟𑌕𑌂 𑌪𑌠𑌤𑌿 𑌯𑌃 𑌸𑍁𑌖𑌦𑌂 𑌸𑍁𑌪𑍁𑌣𑍍𑌯𑌂
𑌵𑍍𑌯𑌾𑌸𑍇𑌨 𑌭𑌾𑌷𑌿𑌤𑌮𑌿𑌦𑌂 𑌶𑍃𑌣𑍁𑌤𑍇 𑌮𑌨𑍁𑌷𑍍𑌯𑌃 ।
𑌵𑌿𑌦𑍍𑌯𑌾𑌂 𑌶𑍍𑌰𑌿𑌯𑌂 𑌵𑌿𑌪𑍁𑌲𑌸𑍌𑌖𑍍𑌯𑌮𑌨𑌂𑌤𑌕𑍀𑌰𑍍𑌤𑌿𑌂
𑌸𑌂𑌪𑍍𑌰𑌾𑌪𑍍𑌯 𑌦𑍇𑌹𑌵𑌿𑌲𑌯𑍇 𑌲𑌭𑌤𑍇 𑌚 𑌮𑍋𑌕𑍍𑌷𑌮𑍍 ॥ ॥
𑌇𑌤𑌿 𑌶𑍍𑌰𑍀𑌵𑍍𑌯𑌾𑌸 𑌪𑍍𑌰𑍋𑌕𑍍𑌤 𑌶𑍍𑌰𑍀𑌰𑌾𑌮𑌾𑌷𑍍𑌟𑌕𑌮𑍍 ।
