භජේ විශේෂසුංදරං සමස්තපාපඛංඩනම් ।
ස්වභක්තචිත්තරංජනං සදෛව රාමමද්වයම් ॥ 1 ॥
ජටාකලාපශෝභිතං සමස්තපාපනාශකම් ।
ස්වභක්තභීතිභංජනං භජේ හ රාමමද්වයම් ॥ 2 ॥
නිජස්වරූපබෝධකං කෘපාකරං භවාऽපහම් ।
සමං ශිවං නිරංජනං භජේ හ රාමමද්වයම් ॥ 3 ॥
සදා ප්රපංචකල්පිතං හ්යනාමරූපවාස්තවම් ।
නිරාකෘතිං නිරාමයං භජේ හ රාමමද්වයම් ॥ 4 ॥
නිෂ්ප්රපංච නිර්විකල්ප නිර්මලං නිරාමයම් ।
චිදේකරූපසංතතං භජේ හ රාමමද්වයම් ॥ 5 ॥
භවාබ්ධිපෝතරූපකං හ්යශේෂදේහකල්පිතම් ।
ගුණාකරං කෘපාකරං භජේ හ රාමමද්වයම් ॥ 6 ॥
මහාසුවාක්යබෝධකෛර්විරාජමානවාක්පදෛඃ ।
පරං ච බ්රහ්ම ව්යාපකං භජේ හ රාමමද්වයම් ॥ 7 ॥
ශිවප්රදං සුඛප්රදං භවච්ඡිදං භ්රමාපහම් ।
විරාජමානදෛශිකං භජේ හ රාමමද්වයම් ॥ 8 ॥
රාමාෂ්ටකං පඨති යඃ සුඛදං සුපුණ්යං
ව්යාසේන භාෂිතමිදං ශෘණුතේ මනුෂ්යඃ ।
විද්යාං ශ්රියං විපුලසෞඛ්යමනංතකීර්තිං
සංප්රාප්ය දේහවිලයේ ලභතේ ච මෝක්ෂම් ॥ 9 ॥
ඉති ශ්රීව්යාස ප්රෝක්ත ශ්රීරාමාෂ්ටකම් ।
