আনংদরূপে নিজবোধরূপে
ব্রহ্মস্বরূপে শ্রুতিমূর্তিরূপে ।
শশাংকরূপে রমণীযরূপে
শ্রীরংগরূপে রমতাং মনো মে ॥ 1 ॥
কাবেরিতীরে করুণাবিলোলে
মংদারমূলে ধৃতচারুকেলে ।
দৈত্যাংতকালেঽখিললোকলীলে
শ্রীরংগলীলে রমতাং মনো মে ॥ 2 ॥
লক্ষ্মীনিবাসে জগতাং নিবাসে
হৃত্পদ্মবাসে রবিবিংববাসে ।
কৃপানিবাসে গুণবৃংদবাসে
শ্রীরংগবাসে রমতাং মনো মে ॥ 3 ॥
ব্রহ্মাদিবংদ্যে জগদেকবংদ্যে
মুকুংদবংদ্যে সুরনাথবংদ্যে ।
ব্যাসাদিবংদ্যে সনকাদিবংদ্যে
শ্রীরংগবংদ্যে রমতাং মনো মে ॥ 4 ॥
ব্রহ্মাধিরাজে গরুডাধিরাজে
বৈকুংঠরাজে সুররাজরাজে ।
ত্রৈলোক্যরাজেঽখিললোকরাজে
শ্রীরংগরাজে রমতাং মনো মে ॥ 5 ॥
অমোঘমুদ্রে পরিপূর্ণনিদ্রে
শ্রীযোগনিদ্রে সসমুদ্রনিদ্রে ।
শ্রিতৈকভদ্রে জগদেকনিদ্রে
শ্রীরংগভদ্রে রমতাং মনো মে ॥ 6 ॥
সচিত্রশাযী ভুজগেংদ্রশাযী
নংদাংকশাযী কমলাংকশাযী ।
ক্ষীরাব্ধিশাযী বটপত্রশাযী
শ্রীরংগশাযী রমতাং মনো মে ॥ 7 ॥
ইদং হি রংগং ত্যজতামিহাংগং
পুনর্ন চাংগং যদি চাংগমেতি ।
পাণৌ রথাংগং চরণেঽংবু গাংগং
যানে বিহংগং শযনে ভুজংগম্ ॥ 8 ॥
রংগনাথাষ্টকং পুণ্যং প্রাতরুত্থায যঃ পঠেত্ ।
সর্বান্কামানবাপ্নোতি রংগিসাযুজ্যমাপ্নুযাত্ ॥ 9 ॥
ইতি শ্রী রংগনাথাষ্টকম্ ।
