ভজেঽহং কুমারং ভবানীকুমারং
গলোল্লাসিহারং নমত্সদ্বিহারম্ ।
রিপুস্তোমপারং নৃসিংহাবতারং
সদানির্বিকারং গুহং নির্বিচারম্ ॥ 1 ॥
নমামীশপুত্রং জপাশোণগাত্রং
সুরারাতিশত্রুং রবীংদ্বগ্নিনেত্রম্ ।
মহাবর্হিপত্রং শিবাস্যাব্জমিত্রং
প্রভাস্বত্কলত্রং পুরাণং পবিত্রম্ ॥ 2 ॥
অনেকার্ককোটি-প্রভাবজ্জ্বলং তং
মনোহারি মাণিক্য ভূষোজ্জ্বলং তম্ ।
শ্রিতানামভীষ্টং নিশাংতং নিতাংতং
ভজে ষণ্মুখং তং শরচ্চংদ্রকাংতম্ ॥ 3 ॥
কৃপাবারি কল্লোলভাস্বত্কটাক্ষং
বিরাজন্মনোহারি শোণাংবুজাক্ষম্ ।
প্রযোগপ্রদানপ্রবাহৈকদক্ষং
ভজে কাংতিকাংতং পরস্তোমরক্ষম্ ॥ 4 ॥
সুকস্তূরিসিংদূরভাস্বল্ললাটং
দযাপূর্ণচিত্তং মহাদেবপুত্রম্ ।
রবীংদূল্লসদ্রত্নরাজত্কিরীটং
ভজে ক্রীডিতাকাশ গংগাদ্রিকূটম্ ॥ 5 ॥
সুকুংদপ্রসূনাবলীশোভিতাংগং
শরত্পূর্ণচংদ্রপ্রভাকাংতিকাংতম্ ।
শিরীষপ্রসূনাভিরামং ভবংতং
ভজে দেবসেনাপতিং বল্লভং তম্ ॥ 6 ॥
সুলাবণ্যসত্সূর্যকোটিপ্রতীকং
প্রভুং তারকারিং দ্বিষড্বাহুমীশম্ ।
নিজাংকপ্রভাদিব্যমানাপদীশং
ভজে পার্বতীপ্রাণপুত্রং সুকেশম্ ॥ 7 ॥
অজং সর্বলোকপ্রিযং লোকনাথং
গুহং শূরপদ্মাদিদংভোলিধারম্ ।
সুচারুং সুনাসাপুটং সচ্চরিত্রং
ভজে কার্তিকেযং সদা বাহুলেযম্ ॥ 8 ॥
শরারণ্যসংভূতমিংদ্রাদিবংদ্যং
দ্বিষড্বাহুসংখ্যাযুধশ্রেণিরম্যম্ ।
মরুত্সারথিং কুক্কুটেশং সুকেতুং
ভজে যোগিহৃত্পদ্মমধ্যাধিবাসম্ ॥ 9 ॥
বিরিংচীংদ্রবল্লীশ দেবেশমুখ্যং
প্রশস্তামরস্তোমসংস্তূযমানম্ ।
দিশ ত্বং দযালো শ্রিযং নিশ্চলাং মে
বিনা ত্বাং গতিঃ কা প্রভো মে প্রসীদ ॥ 10 ॥
পদাংভোজসেবা সমাযাতবৃংদা-
রকশ্রেণিকোটীরভাস্বল্ললাটম্ ।
কলত্রোল্লসত্পার্শ্বযুগ্মং বরেণ্যং
ভজে দেবমাদ্যংতহীনপ্রভাবম্ ॥ 11 ॥
ভবাংভোধিমধ্যে তরংগে পতংতং
প্রভো মাং সদা পূর্ণদৃষ্ট্যা সমীক্ষ্য ।
ভবদ্ভক্তিনাবোদ্ধর ত্বং দযালো
সুগত্যংতরং নাস্তি দেব প্রসীদ ॥ 12 ॥
গলে রত্নভূষং তনৌ মংজুবেষং
করে জ্ঞানশক্তিং দরস্মেরমাস্যে ।
কটিন্যস্তপাণিং শিখিস্থং কুমারং
ভজেঽহং গুহাদন্যদেবং ন মন্যে ॥ 13 ॥
দযাহীনচিত্তং পরদ্রোহপাত্রং
সদা পাপশীলং গুরোর্ভক্তিহীনম্ ।
অনন্যাবলংবং ভবন্নেত্রপাত্রং
কৃপাশীল মাং ভো পবিত্রং কুরু ত্বম্ ॥ 14 ॥
মহাসেন গাংগেয বল্লীসহায
প্রভো তারকারে ষডাস্যামরেশ ।
সদা পাযসান্নপ্রদাতর্গুহেতি
স্মরিষ্যামি ভক্ত্যা সদাহং বিভো ত্বাম্ ॥ 15 ॥
প্রতাপস্য বাহো নমদ্বীরবাহো
প্রভো কার্তিকেযেষ্টকামপ্রদেতি ।
যদা যে পঠংতে ভবংতং তদেবং
প্রসন্নস্তু তেষাং বহুশ্রীং দদাসি ॥ 16 ॥
অপারাতিদারিদ্র্যবারাশিমধ্যে
ভ্রমংতং জনগ্রাহপূর্ণে নিতাংতম্ ।
মহাসেন মামুদ্ধর ত্বং কটাক্ষা-
বলোকেন কিংচিত্প্রসীদ প্রসীদ ॥ 17 ॥
স্থিরাং দেহি ভক্তিং ভবত্পাদপদ্মে
শ্রিযং নিশ্চলাং দেহি মহ্যং কুমার ।
গুহং চংদ্রতারং সুবংশাভিবৃদ্ধিং
কুরু ত্বং প্রভো মে মনঃ কল্পসালঃ ॥ 18 ॥
নমস্তে নমস্তে মহাশক্তিপাণে
নমস্তে নমস্তে লসদ্বজ্রপাণে ।
নমস্তে নমস্তে কটিন্যস্তপাণে
নমস্তে নমস্তে সদাভীষ্টপাণে ॥ 19 ॥
নমস্তে নমস্তে মহাশক্তিধারিন্
নমস্তে সুরাণাং মহাসৌখ্যদাযিন্ ।
নমস্তে সদা কুক্কুটেশাখ্যক ত্বং
সমস্তাপরাধং বিভো মে ক্ষমস্ব ॥ 20 ॥
কুমারাত্পরং কর্মযোগং ন জানে
কুমারাত্পরং কর্মশীলং ন জানে ।
য একো মুনীনাং হৃদব্জাধিবাসঃ
শিবাংকং সমারুহ্য সত্পীঠকল্পম্ ॥ 21 ॥
বিরিংচায মংত্রোপদেশং চকার
প্রমোদেন সোঽযং তনোতু শ্রিযং মে ।
যমাহুঃ পরং বেদ শূরেষু মুখ্যং
সদা যস্য শক্ত্যা জগত্ভীতভীতা ॥ 22 ॥
যমাশ্রিত্য দেবাঃ স্থিরং স্বর্গপালাঃ
সদোংকাররূপং চিদানংদমীডে ।
গুহস্তোত্রমেতত্ কৃতং তারকারে
ভুজংগপ্রযাতেন হৃদ্যেন কাংতম্ ॥ 23 ॥
জনা যে পঠংতে মহাভক্তিযুক্তাঃ
প্রমোদেন সাযং প্রভাতে বিশেষঃ ।
ন জন্মর্ক্ষযোগে যদা তে রুদাংতা
মনোবাংছিতান্ সর্বকামান্ লভংতে ॥ 23 ॥
ইতি শ্রী সুব্রহ্মণ্য ভুজংগ প্রযাত স্তোত্রম্ ।
