ദേവ്യുവാച ।
ശ്രീകംഠ കരുണാസിംധോ ദീനബംധോ ജഗത്പതേ ।
ഭൂതിഭൂഷിതസർവാംഗ പരാത്പരതര പ്രഭോ ॥ 1 ॥

കൃതാംജലിപുടാ ഭൂത്വാ പൃച്ഛാമ്യേകം ദയാനിധേ ।
ആദ്യാ യാ ചിത്സ്വരൂപാ യാ നിർവികാരാ നിരംജനാ ॥ 2 ॥

ബോധാതീതാ ജ്ഞാനഗമ്യാ കൂടസ്ഥാനംദവിഗ്രഹാ ।
അഗ്രാഹ്യാതീംദ്രിയാ ശുദ്ധാ നിരീഹാ സ്വാവഭാസികാ ॥ 3 ॥

ഗുണാതീതാ നിഷ്പ്രപംചാ ഹ്യവാങ്മനസഗോചരാ ।
പ്രകൃതിര്ജഗദുത്പത്തിസ്ഥിതിസംഹാരകാരിണീ ॥ 4 ॥

രക്ഷാര്ഥം ജഗതോ ദേവകാര്യാര്ഥം വാ സുരദ്വിഷാമ് ।
നാശായ ധത്തേ സാ ദേഹം തത്തത്കാര്യൈകസാധകമ് ॥ 5 ॥

തത്ര ഭൂധരണാര്ഥായ യജ്ഞവിസ്താരഹേതവേ ।
വിദ്യുത്കേശഹിരണ്യാക്ഷബാലാകാദിവധായ ച ॥ 6 ॥

ആവിര്ബഭൂവ യാ ശക്തിര്ഘോരാ ഭൂദാരരൂപിണീ ।
വാരാഹീ വികടാകാരാ ദാനവാസുരനാശിനീ ॥ 7 ॥

സദ്യഃ സിദ്ധികരീ ദേവീ ഘോരാദ്ഘോരതരാ ശിവാ ।
തസ്യാഃ സഹസ്രനാമാഖ്യം സ്തോത്രം മേ സമുദീരയ ॥ 8 ॥

കൃപാലേശോഽസ്തി മയി ചേദ്ഭാഗ്യം മേ യദി വാ ഭവേത് ।
അനുഗ്രാഹ്യാ യദ്യഹം സ്യാം തദാ വദ ദയാനിധേ ॥ 9 ॥

ഈശ്വര ഉവാച ।
സാധു സാധു വരാരോഹേ ധന്യാ ബഹുമതാസി മേ ।
ശുശ്രൂഷയാ സമുത്പന്നാ ഭക്തിഃ ശ്രദ്ധാന്വിതാ തവ ॥ 10 ॥

സഹസ്രനാമ വാരാഹ്യാഃ സർവസിദ്ധിവിധായി ച ।
തവ ചേന്ന പ്രവക്ഷ്യാമി പ്രിയേ കസ്യ വദാമ്യഹമ് ॥ 11 ॥

കിംതു ഗോപ്യം പ്രയത്നേന സംരക്ഷ്യം പ്രാണതോഽപി ച ।
വിശേഷതഃ കലിയുഗേ ന ദേയം യസ്യ കസ്യചിത് ।
സർവേഽന്യഥാ സിദ്ധിഭാജോ ഭവിഷ്യംതി വരാനനേ ॥ 12 ॥

ഓം അസ്യ ശ്രീവാരാഹീസഹസ്രനാമസ്തോത്രസ്യ മഹാദേവ ഋഷിഃ । അനുഷ്ടുപ് ഛംദഃ । വാരാഹീ ദേവതാ । ഐം ബീജമ് । ക്രോം ശക്തിഃ । ഹും കീലകമ് । മമ സർവാര്ഥസിദ്ധ്യര്ഥേ ജപേ വിനിയോഗഃ ।

ഓം വാരാഹീ വാമനീ വാമാ ബഗളാ വാസവീ വസുഃ ।
വൈദേഹീ വീരസൂര്ബാലാ വരദാ വിഷ്ണുവല്ലഭാ ॥ 13 ॥

വംദിതാ വസുദാ വശ്യാ വ്യാത്താസ്യാ വംചിനീ ബലാ ।
വസുംധരാ വീതിഹോത്രാ വീതരാഗാ വിഹായസീ ॥ 14 ॥

സർവാ ഖനിപ്രിയാ കാമ്യാ കമലാ കാംചനീ രമാ ।
ധൂമ്രാ കപാലിനീ വാമാ കുരുകുല്ലാ കലാവതീ ॥ 15 ॥

യാമ്യാഽഽഗ്നേയീ ധരാ ധന്യാ ധര്മിണീ ധ്യാനിനീ ധ്രുവാ ।
ധൃതിര്ലക്ഷ്മീര്ജയാ തുഷ്ടിഃ ശക്തിര്മേധാ തപസ്വിനീ ॥ 16 ॥

വേധാ ജയാ കൃതിഃ കാംതിഃ സ്വാഹാ ശാംതിര്ദമാ രതിഃ ।
ലജ്ജാ മതിഃ സ്മൃതിര്നിദ്രാ തംത്രാ ഗൌരീ ശിവാ സ്വധാ ॥ 17 ॥

ചംഡീ ദുര്ഗാഽഭയാ ഭീമാ ഭാഷാ ഭാമാ ഭയാനകാ ।
ഭൂദാരാ ഭയഹാ ഭീരുര്ഭൈരവീ ഭംഗരാ ഭടീ ॥ 18 ॥

ഘുര്ഘുരാ ഘോഷണാ ഘോരാ ഘോഷിണീ ഘോണസംയുതാ ।
ഘനാഘനാ ഘര്ഘരാ ച ഘോണയുക്താഽഘനാശിനീ ॥ 19 ॥

പൂർവാഗ്നേയീ യാതു യാമ്യാ വായവ്യുത്തരവാരുണീ ।
ഐശാന്യൂര്ധ്വാധഃസ്ഥിതാ ച പൃഷ്ഠദക്ഷാഗ്രവാമഗാ ॥ 20 ॥

ഹൃന്നാഭിബ്രഹ്മരംധ്രാര്കസ്വര്ഗപാതാളഭൂമിഗാ ।
ഐം ശ്രീഃ ഹ്രീഃ ക്ലീം തീര്ഥഗതിഃ പ്രീതിര്ധീര്ഗീഃ കലാഽവ്യയാ ॥ 21 ॥

ഋഗ്യജുഃ സാമരൂപാ ച പരാ പോത്രിണ്യുദുംബരാ ।
ഗദാസിശക്തിചാപേഷുശൂലചക്രര്ഷ്ടിധാരിണീ ॥ 22 ॥

ജരതീ യുവതീ ബാലാ ചതുരംഗബലോത്കടാ ।
സത്യാക്ഷരാ നിധിര്നേത്രീ ധാത്രീ പോത്രീ പരാ പടുഃ ॥ 23 ॥

ക്ഷേത്രജ്ഞാ കംപിനീ ജ്യേഷ്ഠാ ദുരാധര്ഷാ ധുരംധരാ ।
മാലിനീ മാനിനീ മാതാ മാനനീയാ മനസ്വിനീ ॥ 24 ॥

മദോത്കടാ മന്യുകരീ മനുരൂപാ മനോജവാ ।
മേദസ്വിനീ മദ്യരതാ മധുപാ മംഗളാഽമരാ ॥ 25 ॥

മായാ മാതാഽഽമയഹരീ മൃഡാനീ മഹിളാ മൃതിഃ ।
മഹാദേവീ മോഹഹരീ മംജുര്മൃത്യുംജയാഽമലാ ॥ 26 ॥

മാംസലാ മാനവാ മൂലാ മഹാരാത്രിര്മദാലസാ ।
മൃഗാംകാ മേനകാ മാന്യാ മഹിഷഘ്നീ മദംതികാ ॥ 27 ॥

മൂര്ഛാമോഹമൃഷാമോഘാമദമൃത്യുമലാപഹാ ।
സിംഹര്ക്ഷമഹിഷവ്യാഘ്രമൃഗക്രോഡാനനാ ധുനീ ॥ 28 ॥

ധരിണീ ധാരിണീ ധേനുര്ധരിത്രീ ധാവനീ ധവാ ।
ധര്മധ്വനാ ധ്യാനപരാ ധനധാന്യധരാപ്രദാ ॥ 29 ॥

പാപദോഷരിപുവ്യാധിനാശിനീ സിദ്ധിദായിനീ ।
കലാകാഷ്ഠാക്ഷമാപക്ഷാഹസ്ത്രുടിശ്വാസരൂപിണീ ॥ 30 ॥

സമൃദ്ധാ സുഭുജാ രൌദ്രീ രാധാ രാഗാ രമാരണിഃ ।
രാമാ രതിപ്രിയാ രുഷ്ടാ രക്ഷിണീ രവിമധ്യഗാ ॥ 31 ॥

രജനീ രമണീ രേവാ രംകിനീ രംജിനീ രമാ ।
രോഷാ രോഷവതീ രൂക്ഷാ കരിരാജ്യപ്രദാ രതാ ॥ 32 ॥

രൂക്ഷാ രൂപവതീ രാസ്യാ രുദ്രാണീ രണപംഡിതാ ।
ഗംഗാ ച യമുനാ ചൈവ സരസ്വതിസ്വസൂര്മധുഃ ॥ 33 ॥

ഗംഡകീ തുംഗഭദ്രാ ച കാവേരീ കൌശികീ പടുഃ ।
കട്വോരഗവതീ ചാരാ സഹസ്രാക്ഷാ പ്രതര്ദനാ ॥ 34 ॥

സർവജ്ഞാ ശാംകരീ ശാസ്ത്രീ ജടാധാരിണ്യയോരദാ ।
യാവനീ സൌരഭീ കുബ്ജാ വക്രതുംഡാ വധോദ്യതാ ॥ 35 ॥

ചംദ്രാപീഡാ വേദവേദ്യാ ശംഖിനീ നീലലോഹിതാ ।
ധ്യാനാതീതാഽപരിച്ഛേദ്യാ മൃത്യുരൂപാ ത്രിവര്ഗദാ ॥ 36 ॥

അരൂപാ ബഹുരൂപാ ച നാനാരൂപാ നതാനനാ ।
വൃഷാകപിർവൃഷാരൂഢാ വൃഷേശീ വൃഷവാഹനാ ॥ 37 ॥

വൃഷപ്രിയാ വൃഷാവര്താ വൃഷപർവാ വൃഷാകൃതിഃ ।
കോദംഡിനീ നാഗചൂഡാ ചക്ഷുഷ്യാ പരമാര്ഥികാ ॥ 38 ॥

ദുർവാസാ ദുര്ഗഹാ ദേവീ ദുരാവാസാ ദുരാരിഹാ ।
ദുര്ഗാ രാധാ ദുഃഖഹംത്രീ ദുരാരാധ്യാ ദവീയസീ ॥ 39 ॥

ദുരാവാസാ ദുഷ്പ്രഹസ്താ ദുഷ്പ്രകംപാ ദുരൂഹിണീ ।
സുവേണീ രമണീ ശ്യാമാ മൃഗവ്യാധാര്ഘതാപിനീ ॥ 40 ॥

ഉഗ്രാ താര്ക്ഷീ പാശുപതീ കൌണപീ കുണപാശനാ । [ദുര്ഗാ]
കപര്ദിനീ കാമകാമാ കമനീയാ കലോജ്ജ്വലാ ॥ 41 ॥

കാസാവഹൃത്കാരകാനീ കംബുകംഠീ കൃതാഗമാ ।
കര്കശാ കാരണാ കാംതാ കല്പാഽകല്പാ കടംകടാ ॥ 42 ॥

ശ്മശാനനിലയാ ഭിന്നാ ഗജാരുഢാ ഗജാപഹാ ।
തത്പ്രിയാ തത്പരാ രായാ സ്വര്ഭാനുഃ കാലവംചിനീ ॥ 43 ॥

ശാഖാ വിശാഖാ ഗോശാഖാ സുശാഖാ ശേഷശാഖിനീ ।
വ്യംഗാ ശുഭാംഗാ വാമാംഗാ നീലാംഗാഽനംഗരൂപിണീ ॥ 44 ॥

സാംഗോപാംഗാ ച സാരംഗാ സുഭാംഗാ രംഗരൂപിണീ ।
ഭദ്രാ സുഭദ്രാ ഭദ്രാക്ഷീ സിംഹികാ വിനതാഽദിതിഃ ॥ 45 ॥

ഹൃദ്യാഽവദ്യാ സുപദ്യാ ച ഗദ്യപദ്യപ്രിയാ പ്രസൂഃ ।
ചര്ചികാ ഭോഗവത്യംബാ സാരസീ ശബരീ നടീ ॥ 46 ॥

യോഗിനീ പുഷ്കലാഽനംതാ പരാ സാംഖ്യാ ശചീ സതീ ।
നിമ്നഗാ നിമ്നനാഭിശ്ച സഹിഷ്ണുര്ജാഗൃതീ ലിപിഃ ॥ 47 ॥

ദമയംതീ ദമീ ദംഡോദ്ദംഡിനീ ദാരദായികാ ।
ദീപിനീ ദാവിനീ ധാത്രീ ദക്ഷകന്യാ ദമ്യാ ദരത് ॥ 48 ॥

ദാഹിനീ ദ്രവിണീ ദർവീ ദംഡിനീ ദംഡനായികാ ।
ദാനപ്രിയാ ദോഷഹംത്രീ ദുഃഖദാരിദ്ര്യനാശിനീ ॥ 49 ॥

ദോഷദാ ദോഷകൃദ്ദോഗ്ധ്രീ ദോഹതീ ദേവികാഽധനാ ।
ദർവീകരീ ദുർവലിതാ ദുര്യുഗാഽദ്വയവാദിനീ ॥ 50 ॥

ചരാചരാഽനംതവൃഷ്ടിരുന്മത്താ കമലാഽലസാ ।
താരിണീ താരകാംതാരാ പരമാത്മാബ്ജലോചനാ ॥ 51 ॥

ഇംദുര്ഹിരണ്യകവചാ വ്യവസ്ഥാ വ്യവസായികാ ।
ഈശനംദാ നദീ നാഗീ യക്ഷിണീ സര്പിണീ വരീ ॥ 52 ॥

സുധാ സുരാ വിശ്വസഹാ സുവര്ണാംഗദധാരിണീ ।
ജനനീ പ്രീതിഭാഗേശീ സാമ്രാജ്ഞീ സംവിദുത്തമാ ॥ 53 ॥

അമേയാഽരിഷ്ടദമനീ പിംഗളാ ലിംഗധാരിണീ ।
ചാമുംഡാ പ്ലാവിനീ ഹാലാ ബൃഹജ്ജ്യോതിരുരുക്രമാ ॥ 54 ॥

സുപ്രതീകാ ച സുഗ്രീവാ ഹവ്യവാഹാ പ്രലാപിനീ ।
നഭസ്യാ മാധവീ ജ്യേഷ്ഠാ ശിശിരാ ജ്വാലിനീ രുചിഃ ॥ 55 ॥

ശുക്ലാ ശുക്രാ ശുചാ ശോകാ ശുകീ ഭേകീ പികീ ബകീ ।
പൃഷദശ്വാ നഭോയോനിഃ സുപ്രതീകാ വിഭാവരീ ॥ 56 ॥

ഗർവിതാ ഗുർവിണീ ഗണ്യാ ഗുരുര്ഗുരുധരീ ഗയാ ।
ഗംധർവീ ഗണികാ ഗുംദ്രാ ഗാരുഡീ ഗോപികാഽഗ്രഗാ ॥ 57 ॥

ഗണേശീ ഗാമിനീ ഗംതാ ഗോപതിര്ഗംധിനീ ഗവീ ।
ഗര്ജിതാ ഗാനനീ ഗോനാ ഗോരക്ഷാ ഗോവിദാം ഗതിഃ ॥ 58 ॥

ഗ്രാഥികീ ഗ്രഥികൃദ്ഗോഷ്ഠീ ഗര്ഭരൂപാ ഗുണൈഷിണീ ।
പാരസ്കരീ പാംചനദാ ബഹുരൂപാ വിരൂപികാ ॥ 59 ॥

ഊഹാ വ്യൂഹാ ദുരൂഹാ ച സമ്മോഹാ മോഹഹാരിണീ ।
യജ്ഞവിഗ്രഹിണീ യജ്ഞാ യായജൂകാ യശസ്വിനീ ॥ 60 ॥

അഗ്നിഷ്ടോമാഽത്യഗ്നിഷ്ടോമാ വാജപേയശ്ച ഷോഡശീ ।
പുംഡരീകാഽശ്വമേധശ്ച രാജസൂയശ്ച നാഭസഃ ॥ 61 ॥

സ്വിഷ്ടകൃദ്ബഹുസൌവര്ണോ ഗോസവശ്ച മഹാവ്രതഃ ।
വിശ്വജിദ്ബ്രഹ്മയജ്ഞശ്ച പ്രാജാപത്യഃ ശിലായവഃ ॥ 62 ॥

അശ്വക്രാംതാ രഥക്രാംതാ വിഷ്ണുക്രാംതാ വിഭാവസുഃ ।
സൂര്യക്രാംതാ ഗജക്രാംതാ ബലിഭിന്നാഗയജ്ഞകഃ ॥ 63 ॥

സാവിത്രീ ചാര്ധസാവിത്രീ സർവതോഭദ്രവാരുണാ ।
ആദിത്യാമയ ഗോദോഹ ഗവാമയ മൃഗാമയാ ॥ 64 ॥

സര്പമയഃ കാലപിംജഃ കൌംഡിന്യോപനാഗാഹലഃ ।
അഗ്നിവിദ്ദ്വാദശാഹസ്വോപാംശുഃ സോമ വിധോ ഹനഃ ॥ 65 ॥

അശ്വപ്രതിഗ്രഹോ ബര്ഹിരഥോഽഭ്യുദയ ഋദ്ധിരാട് ।
സർവസ്വദക്ഷിണോ ദീക്ഷാ സോമാഖ്യാ സമിദാഹ്വയഃ ॥ 66 ॥

കഠായനശ്ച ഗോദോഹഃ സ്വാഹാകാരസ്തനൂനപാത് ।
ദംഡാ പുരുഷ മേധശ്ച ശ്യേനോ വജ്ര ഇഷുര്യമഃ ॥ 67 ॥

അംഗിരാഃ കംകഭേരുംഡാ ചാംദ്രായണപരായണാ ।
ജ്യോതിഷ്ടോമഃ ഗുദോ ദര്ശോ നംദ്യാഖ്യഃ പൌര്ണമാസികഃ ॥ 68 ॥

ഗജപ്രതിഗ്രഹോ രാത്രിഃ സൌരഭഃ ശാംകലായനഃ ।
സൌഭാഗ്യകൃച്ച കാരീഷോ ബൈദലായനരാമഠൌ ॥ 69 ॥

ശോചിഷ്കാരീ നാചികേതഃ ശാംതികൃത്പുഷ്ടികൃത്തഥാ ।
വൈനതേയോച്ചാടനൌ ച വശീകരണ മാരണേ ॥ 70 ॥

ത്രൈലോക്യമോഹനോ വീരഃ കംദര്പബലശാതനഃ ।
ശംഖചൂഡോ ഗജച്ഛായോ രൌദ്രാഖ്യോ വിഷ്ണുവിക്രമഃ ॥ 71 ॥

ഭൈരവഃ കവഹാഖ്യശ്ചാവഭൃഥോഽഷ്ടകപാലകഃ ।
ശ്രൌഷട് വൌഷട് വഷട്കാരഃ പാകസംസ്ഥാ പരിശ്രുതീ ॥ 72 ॥

ചയനോ നരമേധശ്ച കാരീരീ രത്നദാനികാ ।
സൌത്രാമണീ ച ഭാരുംദാ ബാര്ഹസ്പത്യോ ബലംഗമഃ ॥ 73 ॥

പ്രചേതാഃ സർവസത്രശ്ച ഗജമേധഃ കരംഭകഃ ।
ഹവിഃസംസ്ഥാ സോമസംസ്ഥാ പാകസംസ്ഥാ ഗരുത്മതീ ॥ 74 ॥

സത്യസൂര്യശ്ചമസഃ സ്രുക് സ്രുവോലൂഖല മേക്ഷണീ ।
ചപലോ മംഥനീ മേഢീ യൂപഃ പ്രാഗ്വംശകുംചികാ ॥ 75 ॥

രശ്മിരംശുശ്ച ദോഭ്യശ്ച വാരുണോദഃ പവിഃ കുഥാ ।
ആപ്തോര്യാമോ ദ്രോണകലശോ മൈത്രാവരുണ ആശ്വിനഃ ॥ 76 ॥

പാത്നീവതശ്ച മംഥീ ച ഹാരിയോജന ഏവ ച ।
പ്രതിപ്രസ്ഥാനശുക്രൌ ച സാമിധേനീ സമിത്സമാ ॥ 77 ॥

ഹോതാഽധ്വര്യുസ്തഥോദ്ഗാതാ നേതാ ത്വഷ്ടാ ച യോത്രികാ ।
ആഗ്നീധ്രോഽച്ഛാവകാഷ്ടാവഗ്ഗ്രാവസ്തുത്പ്രതര്ദകഃ ॥ 78 ॥

സുബ്രഹ്മണ്യോ ബ്രാഹ്മണശ്ച മൈത്രാവരുണവാരുണൌ ।
പ്രസ്തോതാ പ്രതിപ്രസ്ഥാതാ യജമാനോ ധ്രുവംത്രികാ ॥ 79 ॥

ആമിക്ഷാ പൃഷദാജ്യം ച ഹവ്യം കവ്യം ചരുഃ പയഃ ।
ജുഹുദ്ഘ്രാവോപഭൃദ്ബ്രഹ്മാ ത്രയീ ത്രേതാ തരസ്വിനീ ॥ 80 ॥

പുരോഡാശഃ പശൂകര്ഷഃ പ്രോക്ഷണീ ബ്രഹ്മയജ്ഞിനീ ।
അഗ്നിജിഹ്വാ ദര്ഭരോമാ ബ്രഹ്മശീര്ഷാ മഹോദരീ ॥ 81 ॥

അമൃതപ്രാശികാ നാരായണീ നഗ്നാ ദിഗംബരാ ।
ഓംകാരിണീ ചതുർവേദരൂപാ ശ്രുതിരനുല്ബണാ ॥ 82 ॥

അഷ്ടാദശഭുജാ രംഭാ സത്യാ ഗഗനചാരിണീ ।
ഭീമവക്ത്രാ മഹാവക്ത്രാ കീര്തിരാകൃഷ്ണപിംഗളാ ॥ 83 ॥

കൃഷ്ണമൂര്ധാ മഹാമൂര്ധാ ഘോരമൂര്ധാ ഭയാനനാ ।
ഘോരാനനാ ഘോരജിഹ്വാ ഘോരരാവാ മഹാവ്രതാ ॥ 84 ॥

ദീപ്താസ്യാ ദീപ്തനേത്രാ ച ചംഡപ്രഹരണാ ജടീ ।
സുരഭീ സൌലഭീ വീചീ ഛായാ സംധ്യാ ച മാംസലാ ॥ 85 ॥

കൃഷ്ണാ കൃഷ്ണാംബരാ കൃഷ്ണശാരംഗിണീ കൃഷ്ണവല്ലഭാ ।
ത്രാസിനീ മോഹിനീ ദ്വേഷ്യാ മൃത്യുരൂപാ ഭയാപഹാ ॥ 86 ॥

ഭീഷണാ ദാനവേംദ്രഘ്നീ കല്പകര്താ ക്ഷയംകരീ ।
അഭയാ പൃഥിവീ സാധ്വീ കേശിനീ വ്യാധിജന്മഹാ ॥ 87 ॥

അക്ഷോഭ്യാഽഽഹ്ലാദിനീ കന്യാ പവിത്രാ രോപിണീ ശുഭാ ।
കന്യാദേവീ സുരാദേവീ ഭീമാദേവീ മദംതികാ ॥ 88 ॥

ശാകംഭരീ മഹാശ്വേതാ ധൂമ്രാ ധൂമ്രേശ്വരീശ്വരീ ।
വീരഭദ്രാ മഹാഭദ്രാ മഹാദേവീ മഹാസുരീ ॥ 89 ॥

ശ്മശാനവാസിനീ ദീപ്താ ചിതിസംസ്ഥാ ചിതിപ്രിയാ ।
കപാലഹസ്താ ഖട്വാംഗീ ഖഡ്ഗിനീ ശൂലിനീ ഹലീ ॥ 90 ॥

കാംതാരിണീ മഹായോഗീ യോഗമാര്ഗാ യുഗഗ്രഹാ ।
ധൂമ്രകേതുര്മഹാസ്യായുര്യുഗാനാം പരിവര്തിനീ ॥ 91 ॥

അംഗാരിണ്യംകുശകരാ ഘംടാവര്ണാ ച ചക്രിണീ ।
വേതാളീ ബ്രഹ്മവേതാളീ മഹാവേതാളികാ തഥാ ॥ 92 ॥

വിദ്യാരാജ്ഞീ മോഹരാജ്ഞീ മഹാരാജ്ഞീ മഹോദരീ ।
ഭൂതം ഭവ്യം ഭവിഷ്യം ച സാംഖ്യം യോഗസ്തപോ ദമഃ ॥ 93 ॥

അധ്യാത്മം ചാധിദൈവം ചാധിഭൂതാംശ ഏവ ച ।
ഘംടാരവാ വിരൂപാക്ഷീ ശിഖിവിച്ഛ്രീചയപ്രിയാ ॥ 94 ॥

ഖഡ്ഗശൂലഗദാഹസ്താ മഹിഷാസുരമര്ദിനീ ।
മാതംഗീ മത്തമാതംഗീ കൌശികീ ബ്രഹ്മവാദിനീ ॥ 95 ॥

ഉഗ്രതേജാ സിദ്ധസേനാ ജൃംഭിണീ മോഹിനീ തഥാ ।
ജയാ ച വിജയാ ചൈവ വിനതാ കദ്രുരേവ ച ॥ 96 ॥

ധാത്രീ വിധാത്രീ വിക്രാംതാ ധ്വസ്താ മൂര്ഛാ ച മൂര്ഛനീ ।
ദമനീ ധര്മിണീ ദമ്യാ ഛേദിനീ താപിനീ തപീ ॥ 97 ॥

ബംധിനീ ബാധിനീ ബംധാ ബോധാതീതാ ബുധപ്രിയാ ।
ഹരിണീ ഹാരിണീ ഹംത്രീ ധരിണീ ധാരിണീ ധരാ ॥ 98 ॥

വിസാധിനീ സാധിനീ ച സംധ്യാ സംഗോപനീ പ്രിയാ ।
രേവതീ കാലകര്ണീ ച സിദ്ധിര്ലക്ഷ്മീരരുംധതീ ॥ 99 ॥

ധര്മപ്രിയാ ധര്മരതിഃ ധര്മിഷ്ഠാ ധര്മചാരിണീ ।
വ്യുഷ്ടിഃ ഖ്യാതിഃ സിനീവാലീ കുഹൂഃ ഋതുമതീ മൃതിഃ ॥ 100 ॥

ത്വാഷ്ട്രീ വൈരോചനീ മൈത്രീ നീരജാ കൈടഭേശ്വരീ ।
ഭ്രമണീ ഭ്രാമണീ ഭ്രാമാ ഭ്രമരീ ഭ്രാമരീ ഭ്രമാ ॥ 101 ॥

നിഷ്കളാ കലഹാ നീതാ കൌലാകാരാ കളേബരാ ।
വിദ്യുജ്ജിഹ്വാ വര്ഷിണീ ച ഹിരണ്യാക്ഷനിപാതിനീ ॥ 102 ॥

ജിതകാമാ കാമൃഗയാ കോലാ കല്പാംഗിനീ കലാ । [കാമഗമാ]
പ്രധാനാ താരകാ താരാ ഹിതാത്മാ ഹിതഭേദിനീ ॥ 103 ॥

ദുരക്ഷരാ പരബ്രഹ്മ മഹാദാനാ മഹാഹവാ ।
വാരുണീ വ്യരുണീ വാണീ വീണാ വേണീ വിഹംഗമാ ॥ 104 ॥

മോദപ്രിയാ മോദകിനീ പ്ലവനീ പ്ലാവിനീ പ്ലുതിഃ ।
അജരാ ലോഹിതാ ലാക്ഷാ പ്രതപ്താ വിശ്വഭോജിനീ ॥ 105 ॥

മനോ ബുദ്ധിരഹംകാരഃ ക്ഷേത്രജ്ഞാ ക്ഷേത്രപാലികാ ।
ചതുർവേദാ ചതുര്ഭാരാ ചതുരംതാ ചരുപ്രിയാ ॥ 106 ॥

ചർവിണീ ചോരിണീ ചാരീ ശാംകരീ ചര്മഭൈരവീ ।
നിര്ലേപാ നിഷ്പ്രപംചാ ച പ്രശാംതാ നിത്യവിഗ്രഹാ ॥ 107 ॥

സ്തവ്യാ സ്തവപ്രിയാ വ്യാളാ ഗുരുരാശ്രിതവത്സലാ ।
നിഷ്കളംകാ നിരാലംബാ നിര്ദ്വംദ്വാ നിഷ്പരിഗ്രഹാ ॥ 108 ॥

നിര്ഗുണാ നിര്മലാ നിത്യാ നിരീഹാ നിരഘാ നവാ ।
നിരിംദ്രിയാ നിരാഭാസാ നിര്മോഹാ നീതിനായികാ ॥ 109 ॥

നിരിംധനാ നിഷ്കളാ ച ലീലാകാരാ നിരാമയാ ।
മുംഡാ വിരൂപാ വികൃതാ പിംഗളാക്ഷീ ഗുണോത്തരാ ॥ 110 ॥

പദ്മഗര്ഭാ മഹാഗര്ഭാ വിശ്വഗര്ഭാ വിലക്ഷണാ ।
പരമാത്മാ പരേശാനീ പരാ പാരാ പരംതപാ ॥ 111 ॥

സംസാരസേതുഃ ക്രൂരാക്ഷീ മൂര്ഛാമുക്താ മനുപ്രിയാ । [മഗ്നാ]
വിസ്മയാ ദുര്ജയാ ദക്ഷാ ദനുഹംത്രീ ദയാലയാ ॥ 112 ॥

പരബ്രഹ്മാഽഽനംദരൂപാ സർവസിദ്ധിവിധായിനീ । ഓമ് ।
ഏവമുഡ്ഡാമരാതംത്രാന്മയോദ്ധൃത്യ പ്രകാശിതമ് ॥ 113 ॥

ഗോപനീയം പ്രയത്നേന നാഖ്യേയം യസ്യ കസ്യചിത് ।
യദീച്ഛസി ദ്രുതം സിദ്ധിമൈശ്വര്യം ചിരജീവിതാമ് ॥ 114 ॥

ആരോഗ്യം നൃപസമ്മാനം ദാനാന്യസ്യ തു കീര്തയേത് ।
നാമ്നാം സഹസ്രം വാരാഹ്യാഃ മയാ തേ സമുദീരിതമ് ॥ 115 ॥

യഃ പഠേച്ഛൃണുയാദ്വാപി സർവപാപൈഃ പ്രമുച്യതേ ।
അശ്വമേധസഹസ്രസ്യ വാജപേയശതസ്യ ച ॥ 116 ॥

പുംഡരീകായുതസ്യാപി ഫലം പാഠാത് പ്രജായതേ ।
പഠതഃ സർവഭാവേന സർവാ സ്യുഃ സിദ്ധയഃ കരേ ॥ 117 ॥

ജായതേ മഹദൈശ്വര്യം സർവേഷാം ദയിതോ ഭവേത് ।
ഘനസാരായതേ വഹ്നിരഗാധോബ്ധിഃ കണായതേ ॥ 118 ॥

സിദ്ധയശ്ച തൃണായംതേ വിഷമപ്യമൃതായതേ ।
ഹാരായംതേ മഹാസര്പാഃ സിംഹഃ ക്രീഡാമൃഗായതേ ॥ 119 ॥

ദാസായംതേ മഹീപാലാ ജഗന്മിത്രായതേഽഖിലമ് ।
തസ്മാന്നാമ്നാം സഹസ്രേണ സ്തുതാ സാ ജഗദംബികാ ।
പ്രയച്ഛത്യഖിലാന് കാമാന് ദേഹാംതേ പരമാം ഗതിമ് ॥ 120 ॥

ഇതി ഉഡ്ഡാമരതംത്രേ ശ്രീ ആദിവാരാഹീ സഹസ്രനാമ സ്തോത്രമ് ॥