নমঃ কৃষ্ণায় নীলায় শিখিখংডনিভায় চ ।
নমো নীলমধূকায় নীলোত্পলনিভায় চ ॥ 1 ॥

নমো নির্মাংসদেহায় দীর্ঘশ্রুতিজটায় চ ।
নমো বিশালনেত্রায় শুষ্কোদর ভয়ানক ॥ 2 ॥

নমঃ পৌরুষগাত্রায় স্থূলরোমায় তে নমঃ ।
নমো নিত্য়ং ক্ষুধার্তায় নিত্যতৃপ্তায় তে নমঃ ॥ 3 ॥

নমো ঘোরায় রৌদ্রায় ভীষণায় করালিনে ।
নমো দীর্ঘায় শুষ্কায় কালদংষ্ট্র নমোঽস্তু তে ॥ 4 ॥

নমস্তে ঘোররূপায় দুর্নিরীক্ষ্য়ায় তে নমঃ ।
নমস্তে সর্বভক্ষায় বলীমুখ নমোঽস্তু তে ॥ 5 ॥

সূর্যপুত্ত্র নমস্তেঽস্তু ভাস্বরোভযদায়িনে ।
অধোদৃষ্টে নমস্তেঽস্তু সংবর্তক নমোঽস্তু তে ॥ 6 ॥

নমো মংদগতে তুভ্য়ং নিষ্প্রভায় নমোনমঃ ।
তপসা জ্ঞানদেহায় নিত্যয়োগরতায় চ ॥ 7 ॥

জ্ঞানচক্ষুর্নমস্তেঽস্তু কাশ্যপাত্মজসূনবে ।
তুষ্টো দদাসি রাজ্য়ং ত্বং ক্রুদ্ধো হরসি তত্‍ ক্ষণাত্ ॥ 8 ॥

দেবাসুরমনুষ্য়াশ্চ সিদ্ধবিদ্য়াধরোরগাঃ ।
ত্বয়াবলোকিতাস্সৌরে দৈন্যমাশুব্রজংতিতে ॥ 9 ॥

ব্রহ্মা শক্রোযমশ্চৈব মুনয়ঃ সপ্ততারকাঃ ।
রাজ্যভ্রষ্টাঃ পতংতীহ তব দৃষ্ট্য়াঽবলোকিতঃ ॥ 10 ॥

ত্বয়াঽবলোকিতাস্তেঽপি নাশং যাংতি সমূলতঃ ।
প্রসাদং কুরু মে সৌরে প্রণত্বাহিত্বমর্থিতঃ ॥ 11 ॥