সাবিত্র্য়ুবাচ ।
তপসা ধর্মমারাধ্য় পুষ্করে ভাস্করঃ পুরা ।
ধর্মং সূর্য়ঃসুতং প্রাপ ধর্মরাজং নমাম্যহম্ ॥ 1 ॥

সমতা সর্বভূতেষু যস্য় সর্বস্য় সাক্ষিণঃ ।
অতো যন্নাম শমনমিতি তং প্রণমাম্যহম্ ॥ 2 ॥

যেনাংতশ্চ কৃতো বিশ্বে সর্বেষাং জীবিনাং পরম্ ।
কামানুরূপং কালেন তং কৃতাংতং নমাম্যহম্ ॥ 3 ॥

বিভর্তি দংডং দংডায় পাপিনাং শুদ্ধিহেতবে ।
নমামি তং দংডধরং যঃ শাস্তা সর্বজীবিনাম্ ॥ 4 ॥

বিশ্বং চ কলযত্য়েব যঃ সর্বেষু চ সংততম্ ।
অতীব দুর্নিবার্য়ং চ তং কালং প্রণমাম্যহম্ ॥ 5 ॥

তপস্বী ব্রহ্মনিষ্ঠো যঃ সংযমী সংজিতেংদ্রিয়ঃ ।
জীবানাং কর্মফলদস্তং যমং প্রণমাম্যহম্ ॥ 6 ॥

স্বাত্মারামশ্চ সর্বজ্ঞো মিত্রং পুণ্যকৃতাং ভবেত্ ।
পাপিনাং ক্লেশদো যস্তং পুণ্যমিত্রং নমাম্যহম্ ॥ 7 ॥

যজ্জন্ম ব্রহ্মণোংঽশেন জ্বলংতং ব্রহ্মতেজসা ।
যো ধ্য়াযতি পরং ব্রহ্ম তমীশং প্রণমাম্যহম্ ॥ 8 ॥

ইত্য়ুক্ত্বা সা চ সাবিত্রী প্রণনাম যমং মুনে ।
যমস্তাং শক্তিভজনং কর্মপাকমুবাচ হ ॥ 9 ॥

ইদং যমষ্টকং নিত্য়ং প্রাতরুত্থায় যঃ পঠেত্ ।
যমাত্তস্য় ভয়ং নাস্তি সর্বপাপাত্প্রমুচ্যতে ॥ 10 ॥

মহাপাপী যদি পঠেন্নিত্য়ং ভক্তিসমন্বিতঃ ।
যমঃ করোতি সংশুদ্ধং কাযব্য়ূহেন নিশ্চিতম্ ॥ 11 ॥

ইতি শ্রীমদ্দেবীভাগবতে মহাপুরাণে নবমস্কংধে একত্রিংশোঽধ্য়ায়ঃ ।