নমোঽস্তু সূর্য়ায় সহস্ররশ্ময়ে
সহস্রশাখান্বিত সংভবাত্মনে ।
সহস্রয়োগোদ্ভব ভাবভাগিনে
সহস্রসংখ্য়ায়ুধধারিণে নমঃ ॥ 1 ॥

যন্মংডলং দীপ্তিকরং বিশালং
রত্নপ্রভং তীব্রমনাদিরূপম্ ।
দারিদ্র্যদুঃখক্ষযকারণং চ
পুনাতু মাং তত্সবিতুর্বরেণ্যম্ ॥ 2 ॥

যন্মংডলং দেবগণৈঃ সুপূজিতং
বিপ্রৈঃ স্তুতং ভাবনমুক্তিকোবিদম্ ।
তং দেবদেবং প্রণমামি সূর্য়ং
পুনাতু মাং তত্সবিতুর্বরেণ্যম্ ॥ 3 ॥

যন্মংডলং জ্ঞানঘনংত্বগম্য়ং
ত্রৈলোক্যপূজ্য়ং ত্রিগুণাত্মরূপম্ ।
সমস্ততেজোমযদিব্যরূপং
পুনাতু মাং তত্সবিতুর্বরেণ্যম্ ॥ 4 ॥

যন্মংডলং গূঢমতিপ্রবোধং
ধর্মস্য় বৃদ্ধিং কুরুতে জনানাম্ ।
যত্সর্বপাপক্ষযকারণং চ
পুনাতু মাং তত্সবিতুর্বরেণ্যম্ ॥ 5 ॥

যন্মংডলং ব্য়াধিবিনাশদক্ষং
যদৃগ্যজুঃ সামসু সংপ্রগীতম্ ।
প্রকাশিতং যেন চ ভূর্ভুবঃ স্বঃ
পুনাতু মাং তত্সবিতুর্বরেণ্যম্ ॥ 6 ॥

যন্মংডলং বেদবিদো বদংতি
গায়ংতি যচ্চারণসিদ্ধসংঘাঃ ।
যদ্য়োগিনো যোগজুষাং চ সংঘাঃ
পুনাতু মাং তত্সবিতুর্বরেণ্যম্ ॥ 7 ॥

যন্মংডলং সর্বজনৈশ্চ পূজিতং
জ্য়োতিশ্চ কুর্য়াদিহ মর্ত্যলোকে ।
যত্কালকালাদ্যমনাদিরূপং
পুনাতু মাং তত্সবিতুর্বরেণ্যম্ ॥ 8 ॥

যন্মংডলং বিষ্ণুচতুর্মুখাখ্য়ং
যদক্ষরং পাপহরং জনানাম্ ।
যত্কালকল্পক্ষযকারণং চ
পুনাতু মাং তত্সবিতুর্বরেণ্যম্ ॥ 9 ॥

যন্মংডলং বিশ্বসৃজং প্রসিদ্ধং
উত্পত্তিরক্ষপ্রলয় প্রগল্ভম্ ।
যস্মিন্ জগত্সংহরতেঽখিলং চ
পুনাতু মাং তত্সবিতুর্বরেণ্যম্ ॥ 10 ॥

যন্মংডলং সর্বগতস্য় বিষ্ণোঃ
আত্মা পরং‍ধাম বিশুদ্ধতত্ত্বম্ ।
সূক্ষ্মাংতরৈর্য়োগপথানুগম্য়ং
পুনাতু মাং তত্সবিতুর্বরেণ্যম্ ॥ 11 ॥

যন্মংডলং বেদবিদোপগীতং
যদ্য়োগিনাং যোগ পথানুগম্যম্ ।
তত্সর্ব বেদ্য়ং প্রণমামি সূর্য়ং
পুনাতু মাং তত্সবিতুর্বরেণ্যম্ ॥ 12 ॥

সূর্যমংডলসু স্তোত্রং যঃ পঠেত্সততং নরঃ ।
সর্বপাপবিশুদ্ধাত্মা সূর্যলোকে মহীযতে ॥

ইতি শ্রী ভবিষ্য়োত্তরপুরাণে শ্রী কৃষ্ণার্জুন সংবাদে সূর্যমংডল স্তোত্রম্ ।