অস্য়াঃ চাক্ষুষীবিদ্য়ায়াঃ অহির্বুধ্ন্য় ঋষিঃ । গাযত্রী ছংদঃ । সূর্য়ো দেবতা । চক্ষুরোগনিবৃত্তয়ে জপে বিনিয়োগঃ ।
ওং চক্ষুশ্চক্ষুশ্চক্ষুঃ তেজঃ স্থিরো ভব । মাং পাহি পাহি । ত্বরিতং চক্ষুরোগান্ শময় শময় । মম জাতরূপং তেজো দর্শয় দর্শয় । যথাহং অংধো ন স্য়াং তথা কল্পয় কল্পয় । কল্য়াণং কুরু কুরু । যানি মম পূর্বজন্মোপার্জিতানি চক্ষুঃ প্রতিরোধক দুষ্কৃতানি সর্বাণি নির্মূলয় নির্মূলয় ।
ওং নমঃ চক্ষুস্তেজোদাত্রে দিব্য়ায় ভাস্করায় । ওং নমঃ করুণাকরায়াঽমৃতায় । ওং নমঃ সূর্য়ায় । ওং নমো ভগবতে সূর্য়ায়াক্ষিতেজসে নমঃ । খেচরায় নমঃ । মহতে নমঃ । রজসে নমঃ । তমসে নমঃ । অসতো মা সদ্গময় । তমসো মা জ্য়োতির্গময় । মৃত্য়োর্মা অমৃতং গময় । উষ্ণো ভগবান্ শুচিরূপঃ । হংসো ভগবান্ শুচিরপ্রতিরূপঃ ।
য ইমাং চক্ষুষ্মতীং বিদ্য়াং ব্রাহ্মণো নিত্যমধীতে ন তস্য় অক্ষিরোগো ভবতি । ন তস্য় কুলে অংধো ভবতি । অষ্টৌ ব্রাহ্মণান্ গ্রাহয়িত্বা বিদ্য়াসিদ্ধির্ভবতি ।
বিশ্বরূপং ঘৃণিনং জাতবেদসং হিরণ্ময়ং পুরুষং জ্য়োতীরূপং তপংতং সহস্ররশ্মিঃ শতধাবর্তমানঃ । পুরঃ প্রজানামুদযত্য়েষ সূর্য়ঃ ।
ওং নমো ভগবতে আদিত্য়ায় অক্ষিতেজসে অহো বাহিনি বাহিনি স্বাহা ।
[ওং নমো ভগবতে আদিত্য়ায় সূর্য়ায়াহো বাহিন্যহোবাহিনী স্বাহা ।]
