ওং ভ॒দ্রং কর্ণে॑ভিঃ শৃণু॒য়াম॑ দেবাঃ । ভ॒দ্রং প॑শ্য়েমা॒ক্ষভি॒র্যজ॑ত্রাঃ । স্থি॒রৈরংগৈ᳚স্তুষ্টু॒বাগ্ম্ স॑স্ত॒নূভিঃ॑ । ব্যশে॑ম দে॒বহি॑তং॒-য়ঁদায়ুঃ॑ । স্ব॒স্তি ন॒ ইংদ্রো॑ বৃ॒দ্ধশ্র॑বাঃ । স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ । স্ব॒স্তি নো॒ বৃহ॒স্পতি॑র্দধাতু । ওং শাংতিঃ॒ শাংতিঃ॒ শাংতিঃ॑ ॥
ওং অথ সূর্য়াথর্বাংগিরসং-ব্য়াঁ᳚খ্য়াস্য়া॒মঃ । ব্রহ্মা ঋ॒ষিঃ । গায়॑ত্রী ছং॒দঃ । আদি॑ত্য়ো দে॒বতা । হংসঃ॑ সো॒ঽহমগ্নিনারাযণ যু॑ক্তং বী॒জম্ । হৃল্লে॑খা শ॒ক্তিঃ । বিযদাদিসর্গসংয়ুঁ॑ক্তং কী॒লকম্ । চতুর্বিধপুরুষার্থ সিদ্ধ্যর্থে বি॑নিয়ো॒গঃ ।
ষট্স্বরারূঢে॑ন বীজে॒ন ষডং॑গং র॒ক্তাংবু॑জসংস্থি॒তং সপ্তাশ্ব॑রথি॒নং হির॑ণ্যব॒র্ণং চ॑তুর্ভু॒জং পদ্মদ্বয়াঽভযবর॑দহ॒স্তং কালচক্র॑প্রণেতা॒রং শ্রীসূর্যনারায়॒ণং-য়ঁ এ॑বং-বেঁ॒দ স বৈ ব্রা᳚হ্ম॒ণঃ ।
ওং ভূর্ভুবঃ॒ সুবঃ॑ । তত্স॑বি॒তুর্বরে᳚ণ্য়ং॒ ভর্গো॑ দে॒বস্য়॑ ধীমহি । ধিয়ো॒ যো নঃ॑ প্রচো॒দয়া᳚ত্ । সূর্য়॑ আ॒ত্মা জগ॑তস্ত॒স্থুষ॑শ্চ । সূর্য়া॒দ্বৈ খল্বি॒মানি॒ ভূতা॑নি॒ জায়ং॑তে । সূর্য়া᳚দ্য়॒জ্ঞঃ পর্জন্য়ো᳚ঽন্নমা॒ত্মা ।
নম॑স্তে আদিত্য় । ত্বমে॒ব প্র॒ত্যক্ষং॒ কর্ম॑ কর্তাসি । ত্বমে॒ব প্র॒ত্যক্ষং॒ ব্রহ্মা॑ঽসি । ত্বমে॒ব প্র॒ত্যক্ষং॒-বিঁষ্ণু॑রসি । ত্বমে॒ব প্র॒ত্যক্ষং॒ রুদ্রো॑ঽসি । ত্বমে॒ব প্র॒ত্যক্ষ॒মৃগ॑সি । ত্বমে॒ব প্র॒ত্যক্ষং॒-য়ঁজু॑রসি । ত্বমে॒ব প্র॒ত্যক্ষং॒ সামা॑সি । ত্বমে॒ব প্র॒ত্যক্ষ॒মথ॑র্বাসি । ত্বমে॒ব সর্বং॑ ছংদো॒ঽসি । আ॒দি॒ত্য়াদ্বা॑য়ুর্জা॒যতে । আ॒দি॒ত্য়াদ্ভূ॑মির্জা॒যতে । আ॒দি॒ত্য়াদাপো॑ জায়ং॒তে । আ॒দি॒ত্য়াজ্জ্য়োতি॑র্জায়॒তে ।
আ॒দি॒ত্য়াদ্ব্য়োম দিশো॑ জায়ং॒তে ।
আ॒দি॒ত্য়াদ্দে॑বা জায়ং॒তে । আ॒দি॒ত্য়াদ্বে॑দা জায়ং॒তে । আ॒দি॒ত্য়ো বা এ॒ষ এ॒তন্মং॒ডলং॒ তপ॑তি । অ॒সাবা॑দি॒ত্য়ো ব্র॒হ্মা । আ॒দি॒ত্য়োঽংতঃকরণ মনোবুদ্ধি চিত্তা॑হংকা॒রাঃ । আ॒দি॒ত্য়ো বৈ ব্য়ানঃ সমানোদানোঽপা॑নঃ প্রা॒ণঃ ।
আ॒দি॒ত্য়ো বৈ শ্রোত্র ত্বক্ চক্ষূরস॑নঘ্রা॒ণাঃ । আ॒দি॒ত্য়ো বৈ বাক্পাণিপাদপা॑য়ূপ॒স্থাঃ । আ॒দি॒ত্য়ো বৈ শব্দস্পর্শরূপর॑সগং॒ধাঃ । আ॒দি॒ত্য়ো বৈ বচনাদানাগমন বিস॑র্গানং॒দাঃ । আনংদময়ো বিজ্ঞানময়ো বিজ্ঞানঘন॑ আদি॒ত্য়ঃ । নমো মিত্রায় ভানবে মৃত্য়ো᳚র্মা পা॒হি । ভ্রাজিষ্ণবে বিশ্বহেত॑বে ন॒মঃ ।
সূর্য়াদ্ভবংতি॑ ভূতা॒নি সূর্য়েণ পালি॑তানি॒ তু । সূর্য়ে লয়ং প্রা᳚প্নুবং॒তি যঃ সূর্য়ঃ সোঽহ॑মেব॒ চ । চক্ষু॑র্নো দে॒বঃ স॑বি॒তা চক্ষু॑র্ন উ॒ত প॒র্বতঃ॑ । চক্ষু॑র্ধা॒তা দ॑ধাতু নঃ ।
আ॒দি॒ত্য়ায়॑ বি॒দ্মহে॑ সহস্রকির॒ণায়॑ ধীমহি । তন্নঃ॑ সূর্য়ঃ প্রচো॒দয়া᳚ত্ ।
স॒বি॒তা প॒শ্চাত্তা᳚ত্ সবি॒তা পু॒রস্তা᳚ত্ সবি॒তোত্ত॒রাত্তা᳚ত্ সবি॒তাঽধ॒রাত্তা᳚ত্ সবি॒তা নঃ॑ সুবতু স॒র্বতা᳚তিগ্ম্ সবি॒তা নো᳚ রাসতাং দীর্ঘ॒মায়ুঃ॑ ।
ওমিত্য়েকাক্ষ॑রং ব্র॒হ্ম । ঘৃণি॒রিতি॒ দ্বে অ॒ক্ষরে᳚ । সূর্য়॒ ইত্যক্ষ॑রদ্ব॒যম্ । আ॒দি॒ত্য় ইতি॒ ত্রীণ্যক্ষ॑রাণি । এতস্য়ৈব সূর্যস্য়াষ্টাক্ষ॑রো ম॒নুঃ ।
যঃ সদাহরহ॑র্জপ॒তি স বৈ ব্রাহ্ম॑ণো ভ॒বতি স বৈ ব্রাহ্ম॑ণো ভ॒বতি । সূর্য়াভিমু॑খো জ॒প্ত্বা মহাব্য়াধি ভয়া᳚ত্ প্রমু॒চ্যতে । অল॑ক্ষ্মীর্ন॒শ্যতি । অভক্ষ্য় ভক্ষণাত্ পূ॑তো ভ॒বতি । অগম্য়াগমনাত্ পূ॑তো ভ॒বতি । পতিত সংভাষণাত্ পূ॑তো ভ॒বতি । অসত্ সংভাষণাত্ পূ॑তো ভ॒বতি । অসত্ সংভাষণাত্পূ॑তো ভ॒বতি ।
মধ্য়াহ্নে সূর্য়াভি॑মুখঃ প॒ঠেত্ । সদ্য়োত্পন্নপংচমহাপাতকা᳚ত্ প্রমু॒চ্যতে । সৈষা সাবি॑ত্রীং-বিঁ॒দ্য়াং ন কিংচিদপি ন কস্মৈচি॑ত্ প্রশং॒সয়েত্ । য এ॒তাং মহাভাগঃ প্রা॑তঃ প॒ঠতি স ভাগ্য়॑বান্ জা॒যতে প॑শূন্বিং॒দতি । বেদা᳚র্থং-লঁ॒ভতে । ত্রিকালমে॑তজ্জ॒প্ত্বা ক্রতুশতফলম॑বাপ্নো॒তি । হস্তাদি॑ত্য়ে জ॒পতি স মহামৃ॑ত্য়ুং ত॒রতি স মহামৃ॑ত্য়ুং ত॒রতি য এ॑বং-বেঁ॒দ । ইত্য়ু॑প॒নিষ॑ত্ ।
ওং ভ॒দ্রং কর্ণে॑ভিঃ শৃণু॒য়াম॑ দেবাঃ । ভ॒দ্রং প॑শ্য়েমা॒ক্ষভি॒র্যজ॑ত্রাঃ । স্থি॒রৈরংগৈ᳚স্তুষ্টু॒বাগ্ম্ স॑স্ত॒নূভিঃ॑ । ব্যশে॑ম দে॒বহি॑তং॒-য়ঁদায়ুঃ॑ । স্ব॒স্তি ন॒ ইংদ্রো॑ বৃ॒দ্ধশ্র॑বাঃ । স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ । স্ব॒স্তি নো॒ বৃহ॒স্পতি॑র্দধাতু । ওং শাংতিঃ॒ শাংতিঃ॒ শাংতিঃ॑ ॥
