𑌨𑌮𑌃 𑌕𑍃𑌷𑍍𑌣𑌾𑌯 𑌨𑍀𑌲𑌾𑌯 𑌶𑌿𑌖𑌿𑌖𑌂𑌡𑌨𑌿𑌭𑌾𑌯 𑌚 ।
𑌨𑌮𑍋 𑌨𑍀𑌲𑌮𑌧𑍂𑌕𑌾𑌯 𑌨𑍀𑌲𑍋𑌤𑍍𑌪𑌲𑌨𑌿𑌭𑌾𑌯 𑌚 ॥ 1 ॥

𑌨𑌮𑍋 𑌨𑌿𑌰𑍍𑌮𑌾𑌂𑌸𑌦𑍇𑌹𑌾𑌯 𑌦𑍀𑌰𑍍𑌘𑌶𑍍𑌰𑍁𑌤𑌿𑌜𑌟𑌾𑌯 𑌚 ।
𑌨𑌮𑍋 𑌵𑌿𑌶𑌾𑌲𑌨𑍇𑌤𑍍𑌰𑌾𑌯 𑌶𑍁𑌷𑍍𑌕𑍋𑌦𑌰 𑌭𑌯𑌾𑌨𑌕 ॥ 2 ॥

𑌨𑌮𑌃 𑌪𑍌𑌰𑍁𑌷𑌗𑌾𑌤𑍍𑌰𑌾𑌯 𑌸𑍍𑌥𑍂𑌲𑌰𑍋𑌮𑌾𑌯 𑌤𑍇 𑌨𑌮𑌃 ।
𑌨𑌮𑍋 𑌨𑌿𑌤𑍍𑌯𑌂 𑌕𑍍𑌷𑍁𑌧𑌾𑌰𑍍𑌤𑌾𑌯 𑌨𑌿𑌤𑍍𑌯𑌤𑍃𑌪𑍍𑌤𑌾𑌯 𑌤𑍇 𑌨𑌮𑌃 ॥ 3 ॥

𑌨𑌮𑍋 𑌘𑍋𑌰𑌾𑌯 𑌰𑍌𑌦𑍍𑌰𑌾𑌯 𑌭𑍀𑌷𑌣𑌾𑌯 𑌕𑌰𑌾𑌳𑌿𑌨𑍇 ।
𑌨𑌮𑍋 𑌦𑍀𑌰𑍍𑌘𑌾𑌯 𑌶𑍁𑌷𑍍𑌕𑌾𑌯 𑌕𑌾𑌲𑌦𑌂𑌷𑍍𑌟𑍍𑌰 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥

𑌨𑌮𑌸𑍍𑌤𑍇 𑌘𑍋𑌰𑌰𑍂𑌪𑌾𑌯 𑌦𑍁𑌰𑍍𑌨𑌿𑌰𑍀𑌕𑍍𑌷𑍍𑌯𑌾𑌯 𑌤𑍇 𑌨𑌮𑌃 ।
𑌨𑌮𑌸𑍍𑌤𑍇 𑌸𑌰𑍍𑌵𑌭𑌕𑍍𑌷𑌾𑌯 𑌵𑌲𑍀𑌮𑍁𑌖 𑌨𑌮𑍋𑌽𑌸𑍍𑌤𑍁 𑌤𑍇 ॥ 5 ॥

𑌸𑍂𑌰𑍍𑌯𑌪𑍁𑌤𑍍𑌤𑍍𑌰 𑌨𑌮𑌸𑍍𑌤𑍇𑌽𑌸𑍍𑌤𑍁 𑌭𑌾𑌸𑍍𑌵𑌰𑍋𑌭𑌯𑌦𑌾𑌯𑌿𑌨𑍇 ।
𑌅𑌧𑍋𑌦𑍃𑌷𑍍𑌟𑍇 𑌨𑌮𑌸𑍍𑌤𑍇𑌽𑌸𑍍𑌤𑍁 𑌸𑌂𑌵𑌰𑍍𑌤𑌕 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥

𑌨𑌮𑍋 𑌮𑌂𑌦𑌗𑌤𑍇 𑌤𑍁𑌭𑍍𑌯𑌂 𑌨𑌿𑌷𑍍𑌪𑍍𑌰𑌭𑌾𑌯 𑌨𑌮𑍋𑌨𑌮𑌃 ।
𑌤𑌪𑌸𑌾 𑌜𑍍𑌞𑌾𑌨𑌦𑍇𑌹𑌾𑌯 𑌨𑌿𑌤𑍍𑌯𑌯𑍋𑌗𑌰𑌤𑌾𑌯 𑌚 ॥ 𑍭 ॥

𑌜𑍍𑌞𑌾𑌨𑌚𑌕𑍍𑌷𑍁𑌰𑍍𑌨𑌮𑌸𑍍𑌤𑍇𑌽𑌸𑍍𑌤𑍁 𑌕𑌾𑌶𑍍𑌯𑌪𑌾𑌤𑍍𑌮𑌜𑌸𑍂𑌨𑌵𑍇 ।
𑌤𑍁𑌷𑍍𑌟𑍋 𑌦𑌦𑌾𑌸𑌿 𑌰𑌾𑌜𑍍𑌯𑌂 𑌤𑍍𑌵𑌂 𑌕𑍍𑌰𑍁𑌦𑍍𑌧𑍋 𑌹𑌰𑌸𑌿 𑌤𑌤𑍍‍ 𑌕𑍍𑌷𑌣𑌾𑌤𑍍 ॥ 𑍮 ॥

𑌦𑍇𑌵𑌾𑌸𑍁𑌰𑌮𑌨𑍁𑌷𑍍𑌯𑌾𑌶𑍍𑌚 𑌸𑌿𑌦𑍍𑌧𑌵𑌿𑌦𑍍𑌯𑌾𑌧𑌰𑍋𑌰𑌗𑌾𑌃 ।
𑌤𑍍𑌵𑌯𑌾𑌵𑌲𑍋𑌕𑌿𑌤𑌾𑌸𑍍𑌸𑍌𑌰𑍇 𑌦𑍈𑌨𑍍𑌯𑌮𑌾𑌶𑍁𑌵𑍍𑌰𑌜𑌂𑌤𑌿𑌤𑍇 ॥ 𑍯 ॥

𑌬𑍍𑌰𑌹𑍍𑌮𑌾 𑌶𑌕𑍍𑌰𑍋𑌯𑌮𑌶𑍍𑌚𑍈𑌵 𑌮𑍁𑌨𑌯𑌃 𑌸𑌪𑍍𑌤𑌤𑌾𑌰𑌕𑌾𑌃 ।
𑌰𑌾𑌜𑍍𑌯𑌭𑍍𑌰𑌷𑍍𑌟𑌾𑌃 𑌪𑌤𑌂𑌤𑍀𑌹 𑌤𑌵 𑌦𑍃𑌷𑍍𑌟𑍍𑌯𑌾𑌽𑌵𑌲𑍋𑌕𑌿𑌤𑌃 ॥ 10 ॥

𑌤𑍍𑌵𑌯𑌾𑌽𑌵𑌲𑍋𑌕𑌿𑌤𑌾𑌸𑍍𑌤𑍇𑌽𑌪𑌿 𑌨𑌾𑌶𑌂 𑌯𑌾𑌂𑌤𑌿 𑌸𑌮𑍂𑌲𑌤𑌃 ।
𑌪𑍍𑌰𑌸𑌾𑌦𑌂 𑌕𑍁𑌰𑍁 𑌮𑍇 𑌸𑍌𑌰𑍇 𑌪𑍍𑌰𑌣𑌤𑍍𑌵𑌾𑌹𑌿𑌤𑍍𑌵𑌮𑌰𑍍𑌥𑌿𑌤𑌃 ॥ 11 ॥