𑌮𑌨𑌸𑌾 𑌸𑌤𑌤𑌂 𑌸𑍍𑌮𑌰𑌣𑍀𑌯𑌮𑍍
𑌵𑌚𑌸𑌾 𑌸𑌤𑌤𑌂 𑌵𑌦𑌨𑍀𑌯𑌮𑍍
𑌲𑍋𑌕𑌹𑌿𑌤𑌂 𑌮𑌮 𑌕𑌰𑌣𑍀𑌯𑌮𑍍 ॥ 𑌲𑍋𑌕𑌹𑌿𑌤𑌮𑍍 ॥

𑌨 𑌭𑍋𑌗𑌭𑌵𑌨𑍇 𑌰𑌮𑌣𑍀𑌯𑌮𑍍
𑌨 𑌚 𑌸𑍁𑌖𑌶𑌯𑌨𑍇 𑌶𑌯𑌨𑍀𑌯𑌨𑌮𑍍
𑌅𑌹𑌰𑍍𑌨𑌿𑌶𑌂 𑌜𑌾𑌗𑌰𑌣𑍀𑌯𑌮𑍍
𑌲𑍋𑌕𑌹𑌿𑌤𑌂 𑌮𑌮 𑌕𑌰𑌣𑍀𑌯𑌮𑍍 ॥ 𑌮𑌨𑌸𑌾 ॥

𑌨 𑌜𑌾𑌤𑍁 𑌦𑍁𑌃𑌖𑌂 𑌗𑌣𑌨𑍀𑌯𑌮𑍍
𑌨 𑌚 𑌨𑌿𑌜𑌸𑍌𑌖𑍍𑌯𑌂 𑌮𑌨𑌨𑍀𑌯𑌮𑍍
𑌕𑌾𑌰𑍍𑌯𑌕𑍍𑌷𑍇𑌤𑍍𑌰𑍇 𑌤𑍍𑌵𑌰𑌣𑍀𑌯𑌮𑍍
𑌲𑍋𑌕𑌹𑌿𑌤𑌂 𑌮𑌮 𑌕𑌰𑌣𑍀𑌯𑌮𑍍 ॥ 𑌮𑌨𑌸𑌾 ॥

𑌦𑍁𑌃𑌖𑌸𑌾𑌗𑌰𑍇 𑌤𑌰𑌣𑍀𑌯𑌮𑍍
𑌕𑌷𑍍𑌟𑌪𑌰𑍍𑌵𑌤𑍇 𑌚𑌰𑌣𑍀𑌯𑌮𑍍
𑌵𑌿𑌪𑌤𑍍𑌤𑌿𑌵𑌿𑌪𑌿𑌨𑍇 𑌭𑍍𑌰𑌮𑌣𑍀𑌯𑌮𑍍
𑌲𑍋𑌕𑌹𑌿𑌤𑌂 𑌮𑌮 𑌕𑌰𑌣𑍀𑌯𑌮𑍍 ॥ 𑌮𑌨𑌸𑌾 ॥

𑌗𑌹𑌨𑌾𑌰𑌣𑍍𑌯𑍇 𑌘𑌨𑌾𑌂𑌧𑌕𑌾𑌰𑍇
𑌬𑌂𑌧𑍁𑌜𑌨𑌾 𑌯𑍇 𑌸𑍍𑌥𑌿𑌤𑌾 𑌗𑌹𑍍𑌵𑌰𑍇
𑌤𑌤𑍍𑌰𑌾 𑌮𑌯𑌾 𑌸𑌂𑌚𑌰𑌣𑍀𑌯𑌮𑍍
𑌲𑍋𑌕𑌹𑌿𑌤𑌂 𑌮𑌮 𑌕𑌰𑌣𑍀𑌯𑌮𑍍 ॥ 𑌮𑌨𑌸𑌾 ॥

𑌰𑌚𑌨: 𑌸𑌿. 𑌶𑍍𑌰𑍀𑌧𑌰 𑌭𑌾𑌸𑍍𑌕𑌰 𑌵𑌰𑍍𑌣𑍇𑌕𑌰