𑌮𑍃𑌦𑌪𑌿 𑌚 𑌚𑌂𑌦𑌨𑌮𑌸𑍍𑌮𑌿𑌨𑍍 𑌦𑍇𑌶𑍇 𑌗𑍍𑌰𑌾𑌮𑍋 𑌗𑍍𑌰𑌾𑌮𑌃 𑌸𑌿𑌦𑍍𑌧𑌵𑌨𑌮𑍍 ।
𑌯𑌤𑍍𑌰 𑌚 𑌬𑌾𑌲𑌾 𑌦𑍇𑌵𑍀𑌸𑍍𑌵𑌰𑍂𑌪𑌾 𑌬𑌾𑌲𑌾𑌃 𑌸𑌰𑍍𑌵𑍇 𑌶𑍍𑌰𑍀𑌰𑌾𑌮𑌾𑌃 ॥

𑌹𑌰𑌿𑌮𑌂𑌦𑌿𑌰𑌮𑌿𑌦𑌮𑌖𑌿𑌲𑌶𑌰𑍀𑌰𑌂
𑌧𑌨𑌶𑌕𑍍𑌤𑍀 𑌜𑌨𑌸𑍇𑌵𑌾𑌯𑍈
𑌯𑌤𑍍𑌰 𑌚 𑌕𑍍𑌰𑍀𑌡𑌾𑌯𑍈 𑌵𑌨𑌰𑌾𑌜𑌃
𑌧𑍇𑌨𑍁𑌰𑍍𑌮𑌾𑌤𑌾 𑌪𑌰𑌮𑌶𑌿𑌵𑌾
𑌨𑌿𑌤𑍍𑌯𑌂 𑌪𑍍𑌰𑌾𑌤𑌃 𑌶𑌿𑌵𑌗𑍁𑌣𑌗𑌾𑌨𑌂
𑌦𑍀𑌪𑌨𑍁𑌤𑌿𑌃 𑌖𑌲𑍁 𑌶𑌤𑍍𑌰𑍁𑌪𑌰𑌾 ॥ 1 ॥

𑌭𑌾𑌗𑍍𑌯𑌵𑌿𑌧𑌾𑌯𑌿 𑌨𑌿𑌜𑌾𑌰𑍍𑌜𑌿𑌤𑌕𑌰𑍍𑌮
𑌯𑌤𑍍𑌰 𑌶𑍍𑌰𑌮𑌃 𑌶𑍍𑌰𑌿𑌯𑌮𑌰𑍍𑌜𑌯𑌤𑌿
𑌤𑍍𑌯𑌾𑌗𑌧𑌨𑌾𑌨𑌾𑌂 𑌤𑌪𑍋𑌨𑌿𑌧𑍀𑌨𑌾𑌂
𑌗𑌾𑌥𑌾𑌂 𑌗𑌾𑌯𑌤𑌿 𑌕𑌵𑌿𑌵𑌾𑌣𑍀
𑌗𑌂𑌗𑌾𑌜𑌲𑌮𑌿𑌵 𑌨𑌿𑌤𑍍𑌯𑌨𑌿𑌰𑍍𑌮𑌲𑌂
𑌜𑍍𑌞𑌾𑌨𑌂 𑌶𑌂𑌸𑌤𑌿 𑌯𑌤𑌿𑌵𑌾𑌣𑍀 ॥ 2 ॥

𑌯𑌤𑍍𑌰 𑌹𑌿 𑌨𑍈𑌵 𑌸𑍍𑌵𑌦𑍇𑌹𑌵𑌿𑌮𑍋𑌹𑌃
𑌯𑍁𑌦𑍍𑌧𑌰𑌤𑌾𑌨𑌾𑌂 𑌵𑍀𑌰𑌾𑌣𑌾𑌂
𑌯𑌤𑍍𑌰 𑌹𑌿 𑌕𑍃𑌷𑌕𑌃 𑌕𑌾𑌰𑍍𑌯𑌰𑌤𑌃 𑌸𑌨𑍍
𑌪𑌶𑍍𑌯𑌤𑌿 𑌜𑍀𑌵𑌨𑌸𑌾𑌫𑌲𑍍𑌯𑌂
𑌜𑍀𑌵𑌨𑌲𑌕𑍍𑌷𑍍𑌯𑌂 𑌨 𑌹𑌿 𑌧𑌨𑌪𑌦𑌵𑍀
𑌯𑌤𑍍𑌰 𑌚 𑌪𑌰𑌶𑌿𑌵𑌪𑌦𑌸𑍇𑌵𑌾 ॥ 3 ॥

𑌰𑌚𑌨: 𑌶𑍍𑌰𑍀 𑌜𑌨𑌾𑌰𑍍𑌦𑌨 𑌹𑍇𑌗𑍍𑌡𑍇