ମନସା ସତତଂ ସ୍ମରଣୀୟମ୍
ଵଚସା ସତତଂ ଵଦନୀୟମ୍
ଲୋକହିତଂ ମମ କରଣୀୟମ୍ ॥ ଲୋକହିତମ୍ ॥

ନ ଭୋଗଭଵନେ ରମଣୀୟମ୍
ନ ଚ ସୁଖଶୟନେ ଶୟନୀୟନମ୍
ଅହର୍ନିଶଂ ଜାଗରଣୀୟମ୍
ଲୋକହିତଂ ମମ କରଣୀୟମ୍ ॥ ମନସା ॥

ନ ଜାତୁ ଦୁଃଖଂ ଗଣନୀୟମ୍
ନ ଚ ନିଜସୌଖ୍ୟଂ ମନନୀୟମ୍
କାର୍ୟକ୍ଷେତ୍ରେ ତ୍ଵରଣୀୟମ୍
ଲୋକହିତଂ ମମ କରଣୀୟମ୍ ॥ ମନସା ॥

ଦୁଃଖସାଗରେ ତରଣୀୟମ୍
କଷ୍ଟପର୍ଵତେ ଚରଣୀୟମ୍
ଵିପତ୍ତିଵିପିନେ ଭ୍ରମଣୀୟମ୍
ଲୋକହିତଂ ମମ କରଣୀୟମ୍ ॥ ମନସା ॥

ଗହନାରଣ୍ୟେ ଘନାଂଧକାରେ
ବଂଧୁଜନା ୟେ ସ୍ଥିତା ଗହ୍ଵରେ
ତତ୍ରା ମୟା ସଂଚରଣୀୟମ୍
ଲୋକହିତଂ ମମ କରଣୀୟମ୍ ॥ ମନସା ॥

ରଚନ: ସି. ଶ୍ରୀଧର ଭାସ୍କର ଵର୍ଣେକର