𑌶𑍁𑌦𑍍𑌧𑍋𑌸𑌿 𑌬𑍁𑌦𑍍𑌧𑍋𑌸𑌿 𑌨𑌿𑌰𑌂𑌜𑌨𑍋𑌽𑌸𑌿
𑌸𑌂𑌸𑌾𑌰𑌮𑌾𑌯𑌾 𑌪𑌰𑌿𑌵𑌰𑍍𑌜𑌿𑌤𑍋𑌽𑌸𑌿 ।
𑌸𑌂𑌸𑌾𑌰𑌸𑍍𑌵𑌪𑍍𑌨𑌂 𑌤𑍍𑌯𑌜 𑌮𑍋𑌹𑌨𑌿𑌦𑍍𑌰𑌾𑌂
𑌮𑌦𑌾𑌲𑌸𑍋𑌲𑍍𑌲𑌾𑌪𑌮𑍁𑌵𑌾𑌚 𑌪𑍁𑌤𑍍𑌰𑌮𑍍 ॥ 1 ॥

𑌶𑍁𑌦𑍍𑌧𑍋𑌽𑌸𑌿 𑌰𑍇 𑌤𑌾𑌤 𑌨 𑌤𑍇𑌽𑌸𑍍𑌤𑌿 𑌨𑌾𑌮
𑌕𑍃𑌤𑌂 𑌹𑌿 𑌤𑌤𑍍𑌕𑌲𑍍𑌪𑌨𑌯𑌾𑌧𑍁𑌨𑍈𑌵 ।
𑌪𑌂𑌚𑌾𑌤𑍍𑌮𑌕𑌂 𑌦𑍇𑌹-𑌮𑌿𑌦𑌂 𑌨 𑌤𑍇𑌽𑌸𑍍𑌤𑌿
𑌨𑍈𑌵𑌾𑌸𑍍𑌯 𑌤𑍍𑌵𑌂 𑌰𑍋𑌦𑌿𑌷𑌿 𑌕𑌸𑍍𑌯 𑌹𑍇𑌤𑍋 ॥ 2 ॥

𑌨 𑌵𑍈 𑌭𑌵𑌾𑌨𑍍 𑌰𑍋𑌦𑌿𑌤𑌿 𑌵𑌿𑌕𑍍𑌷𑍍𑌵𑌜𑌨𑍍𑌮𑌾
𑌶𑌬𑍍𑌧𑍋𑌯𑌮𑌾𑌯𑌾𑌧𑍍𑌯 𑌮𑌹𑍀𑌶 𑌸𑍂𑌨𑍂𑌮𑍍 ।
𑌵𑌿𑌕𑌲𑍍𑌪𑍍𑌯𑌮𑌾𑌨𑍋 𑌵𑌿𑌵𑌿𑌧𑍈𑌰𑍍𑌗𑍁𑌣𑍈𑌸𑍍𑌤𑍇
𑌗𑍁𑌣𑌾𑌶𑍍𑌚 𑌭𑍌𑌤𑌾𑌃 𑌸𑌕𑌲𑍇𑌂𑌦𑌿𑌯𑍇𑌷𑍁 ॥ 3 ॥

𑌭𑍂𑌤𑌾𑌨𑌿 𑌭𑍂𑌤𑍈𑌃 𑌪𑌰𑌿𑌦𑍁𑌰𑍍𑌬𑌲𑌾𑌨𑌿
𑌵𑍃𑌦𑍍𑌧𑌿𑌂 𑌸𑌮𑌾𑌯𑌾𑌂𑌤𑌿 𑌯𑌥𑍇𑌹 𑌪𑍁𑌂𑌸𑌃 ।
𑌅𑌨𑍍𑌨𑌾𑌂𑌬𑍁𑌪𑌾𑌨𑌾𑌦𑌿𑌭𑌿𑌰𑍇𑌵 𑌤𑌸𑍍𑌮𑌾𑌤𑍍
𑌨 𑌤𑍇𑌸𑍍𑌤𑌿 𑌵𑍃𑌦𑍍𑌧𑌿𑌰𑍍 𑌨 𑌚 𑌤𑍇𑌸𑍍𑌤𑌿 𑌹𑌾𑌨𑌿𑌃 ॥ 4 ॥

𑌤𑍍𑌵𑌂 𑌕𑌂𑌚𑍁𑌕𑍇 𑌶𑍀𑌰𑍍𑌯𑌮𑌾𑌣𑍇 𑌨𑌿𑌜𑍋𑌸𑍍𑌮𑌿𑌨𑍍
𑌤𑌸𑍍𑌮𑌿𑌨𑍍 𑌦𑍇𑌹𑍇 𑌮𑍂𑌢𑌤𑌾𑌂 𑌮𑌾 𑌵𑍍𑌰𑌜𑍇𑌥𑌾𑌃 ।
𑌶𑍁𑌭𑌾𑌶𑍁𑌭𑍌𑌃 𑌕𑌰𑍍𑌮𑌭𑌿𑌰𑍍𑌦𑍇𑌹𑌮𑍇𑌤𑌤𑍍
𑌮𑍃𑌦𑌾𑌦𑌿𑌭𑌿𑌃 𑌕𑌂𑌚𑍁𑌕𑌸𑍍𑌤𑍇 𑌪𑌿𑌨𑌦𑍍𑌧𑌃 ॥ 5 ॥

𑌤𑌾𑌤𑍇𑌤𑌿 𑌕𑌿𑌂𑌚𑌿𑌤𑍍 𑌤𑌨𑌯𑍇𑌤𑌿 𑌕𑌿𑌂𑌚𑌿𑌤𑍍
𑌅𑌂𑌬𑍇𑌤𑌿 𑌕𑌿𑌂𑌚𑌿𑌦𑍍𑌧𑌯𑌿𑌤𑍇𑌤𑌿 𑌕𑌿𑌂𑌚𑌿𑌤𑍍 ।
𑌮𑌮𑍇𑌤𑌿 𑌕𑌿𑌂𑌚𑌿𑌨𑍍𑌨 𑌮𑌮𑍇𑌤𑌿 𑌕𑌿𑌂𑌚𑌿𑌤𑍍
𑌤𑍍𑌵𑌂 𑌭𑍂𑌤𑌸𑌂𑌘𑌂 𑌬𑌹𑍁 𑌮 𑌨𑌯𑍇𑌥𑌾𑌃 ॥ 6 ॥

𑌸𑍁𑌖𑌾𑌨𑌿 𑌦𑍁𑌃𑌖𑍋𑌪𑌶𑌮𑌾𑌯 𑌭𑍋𑌗𑌾𑌨𑍍
𑌸𑍁𑌖𑌾𑌯 𑌜𑌾𑌨𑌾𑌤𑌿 𑌵𑌿𑌮𑍂𑌢𑌚𑍇𑌤𑌾𑌃 ।
𑌤𑌾𑌨𑍍𑌯𑍇𑌵 𑌦𑍁𑌃𑌖𑌾𑌨𑌿 𑌪𑍁𑌨𑌃 𑌸𑍁𑌖𑌾𑌨𑌿
𑌜𑌾𑌨𑌾𑌤𑌿 𑌵𑌿𑌦𑍍𑌧𑌨 𑌵𑌿𑌮𑍂𑌢 𑌚𑍇𑌤𑌾𑌃 ॥ 𑍭 ॥

𑌯𑌾𑌨𑌂 𑌚𑌿𑌤𑍍𑌤𑍌 𑌤𑌤𑍍𑌰 𑌗𑌤𑌶𑍍𑌚 𑌦𑍇𑌹𑍋
𑌦𑍇𑌹𑍋𑌽𑌪𑌿𑌚𑌾𑌨𑍍𑌯𑌃 𑌪𑍁𑌰𑍁𑌷𑍋 𑌨𑌿𑌵𑌿𑌷𑍍𑌠𑌃 ।
𑌮𑌮𑌤𑍍𑌵𑌮𑍁𑌰𑍋𑌯𑌾 𑌨 𑌯𑌥 𑌤𑌥𑌾𑌸𑍍𑌮𑌿𑌨𑍍
𑌦𑍇𑌹𑍇𑌤𑌿 𑌮𑌾𑌤𑍍𑌰𑌂 𑌬𑌤 𑌮𑍂𑌢𑌰𑍌𑌷 ॥ 𑍮 ॥