മനസാ സതതം സ്മരണീയമ്
വചസാ സതതം വദനീയമ്
ലോകഹിതം മമ കരണീയമ് ॥ ലോകഹിതമ് ॥

ന ഭോഗഭവനേ രമണീയമ്
ന ച സുഖശയനേ ശയനീയനമ്
അഹര്നിശം ജാഗരണീയമ്
ലോകഹിതം മമ കരണീയമ് ॥ മനസാ ॥

ന ജാതു ദുഃഖം ഗണനീയമ്
ന ച നിജസൌഖ്യം മനനീയമ്
കാര്യക്ഷേത്രേ ത്വരണീയമ്
ലോകഹിതം മമ കരണീയമ് ॥ മനസാ ॥

ദുഃഖസാഗരേ തരണീയമ്
കഷ്ടപർവതേ ചരണീയമ്
വിപത്തിവിപിനേ ഭ്രമണീയമ്
ലോകഹിതം മമ കരണീയമ് ॥ മനസാ ॥

ഗഹനാരണ്യേ ഘനാംധകാരേ
ബംധുജനാ യേ സ്ഥിതാ ഗഹ്വരേ
തത്രാ മയാ സംചരണീയമ്
ലോകഹിതം മമ കരണീയമ് ॥ മനസാ ॥

രചന: സി. ശ്രീധര ഭാസ്കര വര്ണെകര