മൃദപി ച ചംദനമസ്മിന് ദേശേ ഗ്രാമോ ഗ്രാമഃ സിദ്ധവനമ് ।
യത്ര ച ബാലാ ദേവീസ്വരൂപാ ബാലാഃ സർവേ ശ്രീരാമാഃ ॥

ഹരിമംദിരമിദമഖിലശരീരം
ധനശക്തീ ജനസേവായൈ
യത്ര ച ക്രീഡായൈ വനരാജഃ
ധേനുര്മാതാ പരമശിവാ
നിത്യം പ്രാതഃ ശിവഗുണഗാനം
ദീപനുതിഃ ഖലു ശത്രുപരാ ॥ 1 ॥

ഭാഗ്യവിധായി നിജാര്ജിതകര്മ
യത്ര ശ്രമഃ ശ്രിയമര്ജയതി
ത്യാഗധനാനാം തപോനിധീനാം
ഗാഥാം ഗായതി കവിവാണീ
ഗംഗാജലമിവ നിത്യനിര്മലം
ജ്ഞാനം ശംസതി യതിവാണീ ॥ 2 ॥

യത്ര ഹി നൈവ സ്വദേഹവിമോഹഃ
യുദ്ധരതാനാം വീരാണാം
യത്ര ഹി കൃഷകഃ കാര്യരതഃ സന്
പശ്യതി ജീവനസാഫല്യം
ജീവനലക്ഷ്യം ന ഹി ധനപദവീ
യത്ര ച പരശിവപദസേവാ ॥ 3 ॥

രചന: ശ്രീ ജനാര്ദന ഹേഗ്ഡേ