Nirvana Shatkam - Grantha | Vaidika Vignanam

𑌮𑌨𑍋 𑌬𑍁𑌧𑍍𑌯𑌹𑌂𑌕𑌾𑌰 𑌚𑌿𑌤𑍍𑌤𑌾𑌨𑌿 𑌨𑌾𑌹𑌂
𑌨 𑌚 𑌶𑍍𑌰𑍋𑌤𑍍𑌰 𑌜𑌿𑌹𑍍𑌵𑍇 𑌨 𑌚 𑌘𑍍𑌰𑌾𑌣𑌨𑍇𑌤𑍍𑌰𑍇 ।
𑌨 𑌚 𑌵𑍍𑌯𑍋𑌮 𑌭𑍂𑌮𑌿𑌰𑍍𑌨 𑌤𑍇𑌜𑍋 𑌨 𑌵𑌾𑌯𑍁𑌃
𑌚𑌿𑌦𑌾𑌨𑌂𑌦 𑌰𑍂𑌪𑌃 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 1 ॥
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂

𑌨 𑌚 𑌪𑍍𑌰𑌾𑌣 𑌸𑌂𑌜𑍍𑌞𑍋 𑌨 𑌵𑍈𑌪𑌂𑌚𑌵𑌾𑌯𑍁𑌃
𑌨 𑌵𑌾 𑌸𑌪𑍍𑌤𑌧𑌾𑌤𑍁𑌰𑍍𑌨 𑌵𑌾 𑌪𑌂𑌚𑌕𑍋𑌶𑌾𑌃 ।
𑌨𑌵𑌾𑌕𑍍𑌪𑌾𑌣𑌿 𑌪𑌾𑌦𑍌 𑌨 𑌚𑍋𑌪𑌸𑍍𑌥 𑌪𑌾𑌯𑍂
𑌚𑌿𑌦𑌾𑌨𑌂𑌦 𑌰𑍂𑌪𑌃 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 2 ॥
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂

𑌨 𑌮𑍇 𑌦𑍍𑌵𑍇𑌷𑌰𑌾𑌗𑍌 𑌨 𑌮𑍇 𑌲𑍋𑌭𑌮𑍋𑌹𑍋
𑌮𑌦𑍋 𑌨𑍈𑌵 𑌮𑍇 𑌨𑍈𑌵 𑌮𑌾𑌤𑍍𑌸𑌰𑍍𑌯𑌭𑌾𑌵𑌃 ।
𑌨 𑌧𑌰𑍍𑌮𑍋 𑌨 𑌚𑌾𑌰𑍍𑌧𑍋 𑌨 𑌕𑌾𑌮𑍋 𑌨 𑌮𑍋𑌕𑍍𑌷𑌃
𑌚𑌿𑌦𑌾𑌨𑌂𑌦 𑌰𑍂𑌪𑌃 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 3 ॥
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂

𑌨 𑌪𑍁𑌣𑍍𑌯𑌂 𑌨 𑌪𑌾𑌪𑌂 𑌨 𑌸𑍌𑌖𑍍𑌯𑌂 𑌨 𑌦𑍁𑌃𑌖𑌂
𑌨 𑌮𑌂𑌤𑍍𑌰𑍋 𑌨 𑌤𑍀𑌰𑍍𑌥𑌂 𑌨 𑌵𑍇𑌦𑌾 𑌨 𑌯𑌜𑍍𑌞𑌃 ।
𑌅𑌹𑌂 𑌭𑍋𑌜𑌨𑌂 𑌨𑍈𑌵 𑌭𑍋𑌜𑍍𑌯𑌂 𑌨 𑌭𑍋𑌕𑍍𑌤𑌾
𑌚𑌿𑌦𑌾𑌨𑌂𑌦 𑌰𑍂𑌪𑌃 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 4 ॥
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂

𑌨 𑌮𑍃𑌤𑍍𑌯𑍁𑌰𑍍𑌨 𑌶𑌂𑌕𑌾 𑌨 𑌮𑍇 𑌜𑌾𑌤𑌿 𑌭𑍇𑌦𑌃
𑌪𑌿𑌤𑌾 𑌨𑍈𑌵 𑌮𑍇 𑌨𑍈𑌵 𑌮𑌾𑌤𑌾 𑌨 𑌜𑌨𑍍𑌮𑌃 ।
𑌨 𑌬𑌂𑌧𑍁𑌰𑍍𑌨 𑌮𑌿𑌤𑍍𑌰𑌂 𑌗𑍁𑌰𑍁𑌰𑍍𑌨𑍈𑌵 𑌶𑌿𑌷𑍍𑌯𑌃
𑌚𑌿𑌦𑌾𑌨𑌂𑌦𑌰𑍂𑌪𑌃 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 5 ॥
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂

𑌅𑌹𑌂 𑌨𑌿𑌰𑍍𑌵𑌿𑌕𑌲𑍍𑌪𑍋 𑌨𑌿𑌰𑌾𑌕𑌾𑌰 𑌰𑍂𑌪𑍋
𑌵𑌿𑌭𑍂𑌤𑍍𑌵𑌾𑌚𑍍𑌚 𑌸𑌰𑍍𑌵𑌤𑍍𑌰 𑌸𑌰𑍍𑌵𑍇𑌂𑌦𑍍𑌰𑌿𑌯𑌾𑌣𑌾𑌮𑍍 ।
𑌨 𑌚𑌾𑌸𑌂𑌗𑌤𑌂 𑌨𑍈𑌵 𑌮𑍁𑌕𑍍𑌤𑌿𑌰𑍍𑌨 𑌮𑍇𑌯𑌃 [𑌨 𑌵𑌾 𑌬𑌂𑌧𑌨𑌂 𑌨𑍈𑌵 𑌮𑍁𑌕𑍍𑌤𑌿𑌰𑍍𑌨 𑌬𑌂𑌧𑌃]
𑌚𑌿𑌦𑌾𑌨𑌂𑌦𑌰𑍂𑌪𑌃 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 6 ॥
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂, 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂

Browse Related Categories: