ವಂದೇ ವೃಂದಾವನಾನಂದಾ ರಾಧಿಕಾ ಪರಮೇಶ್ವರೀ ।
ಗೋಪಿಕಾಂ ಪರಮಾಂ ಶ್ರೇಷ್ಠಾಂ ಹ್ಲಾದಿನೀಂ ಶಕ್ತಿರೂಪಿಣೀಮ್ ॥

ಶ್ರೀರಾಧಾಂ ಪರಮಾರಾಜ್ಯಾಂ ಕೃಷ್ಣಸೇವಾಪರಾಯಣಾಮ್ ।
ಶ್ರೀಕೃಷ್ಣಾಂಗ ಸದಾಧ್ಯಾತ್ರೀ ನವಧಾಭಕ್ತಿಕಾರಿಣೀ ॥

ಯೇಷಾಂ ಗುಣಮಯೀ-ರಾಧಾ ವೃಷಭಾನುಕುಮಾರಿಕಾ ।
ದಾಮೋದರಪ್ರಿಯಾ-ರಾಧಾ ಮನೋಭೀಷ್ಟಪ್ರದಾಯಿನೀ ॥

ತಸ್ಯಾ ನಾಮಸಹಸ್ರಂ ತ್ವಂ ಶ್ರುಣು ಭಾಗವತೋತ್ತಮಾ ॥

ಮಾನಸತಂತ್ರೇ ಅನುಷ್ಟುಪ್ಛಂದಸೇ ಅಕಾರಾದಿ ಕ್ಷಕಾರಾಂತಾನಿ
ಶ್ರೀರಾಧಿಕಾಸಹಸ್ರನಾಮಾನಿ ॥

ಅಥ ಸ್ತೋತ್ರಂ
ಓಂ ಅನಂತರೂಪಿಣೀ-ರಾಧಾ ಅಪಾರಗುಣಸಾಗರಾ ।
ಅಧ್ಯಕ್ಷರಾ ಆದಿರೂಪಾ ಅನಾದಿರಾಶೇಶ್ವರೀ ॥ 1॥

ಅಣಿಮಾದಿ ಸಿದ್ಧಿದಾತ್ರೀ ಅಧಿದೇವೀ ಅಧೀಶ್ವರೀ ।
ಅಷ್ಟಸಿದ್ಧಿಪ್ರದಾದೇವೀ ಅಭಯಾ ಅಖಿಲೇಶ್ವರೀ ॥ 2॥

ಅನಂಗಮಂಜರೀಭಗ್ನಾ ಅನಂಗದರ್ಪನಾಶಿನೀ ।
ಅನುಕಂಪಾಪ್ರದಾ-ರಾಧಾ ಅಪರಾಧಪ್ರಣಾಶಿನೀ ॥ 3॥

ಅಂತರ್ವೇತ್ರೀ ಅಧಿಷ್ಠಾತ್ರೀ ಅಂತರ್ಯಾಮೀ ಸನಾತನೀ ।
ಅಮಲಾ ಅಬಲಾ ಬಾಲಾ ಅತುಲಾ ಚ ಅನೂಪಮಾ ॥ 4॥

ಅಶೇಷಗುಣಸಂಪನ್ನಾ ಅಂತಃಕರಣವಾಸಿನೀ ।
ಅಚ್ಯುತಾ ರಮಣೀ ಆದ್ಯಾ ಅಂಗರಾಗವಿಧಾಯಿನೀ ॥ 5॥

ಅರವಿಂದಪದದ್ವಂದ್ವಾ ಅಧ್ಯಕ್ಷಾ ಪರಮೇಶ್ವರೀ ।
ಅವನೀಧಾರಿಣೀದೇವೀ ಅಚಿಂತ್ಯಾದ್ಭುತರೂಪಿಣೀ ॥ 6॥

ಅಶೇಷಗುಣಸಾರಾಚ ಅಶೋಕಾಶೋಕನಾಶಿನೀ ।
ಅಭೀಷ್ಟದಾ ಅಂಶಮುಖೀ ಅಕ್ಷಯಾದ್ಭುತರೂಪಿಣೀ ॥ 7॥

ಅವಲಂಬಾ ಅಧಿಷ್ಠಾತ್ರೀ ಅಕಿಂಚನವರಪ್ರದಾ ।
ಅಖಿಲಾನಂದಿನೀ ಆದ್ಯಾ ಅಯಾನಾ ಕೃಷ್ಣಮೋಹಿನೀ ॥ 8॥

ಅವಧೀಸರ್ವಶಾಸ್ತ್ರಾಣಾಮಾಪದುದ್ಧಾರಿಣೀ ಶುಭಾ ।
ಆಹ್ಲಾದಿನೀ ಆದಿಶಕ್ತಿರನ್ನದಾ ಅಭಯಾಪಿ ಚ ॥ 7॥

ಅನ್ನಪೂರ್ಣಾ ಅಹೋಧನ್ಯಾ ಅತುಲ್ಯಾ ಅಭಯಪ್ರದಾ ।
ಇಂದುಮುಖೀ ದಿವ್ಯಹಾಸಾ ಇಷ್ಟಭಕ್ತಿಪ್ರದಾಯಿನೀ ॥ 10॥

ಇಚ್ಛಾಮಯೀ ಇಚ್ಛಾರೂಪಾ ಇಂದಿರಾ ಈಶ್ವರೀಽಪರಾ ।
ಇಷ್ಟದಾಯೀಶ್ವರೀ ಮಾಯಾ ಇಷ್ಟಮಂತ್ರಸ್ವರೂಪಿಣೀ ॥ 11॥

ಓಂಕಾರರೂಪಿಣೀದೇವೀ ಉರ್ವೀಸರ್ವಜನೇಶ್ವರೀ ।
ಐರಾವತವತೀ ಪೂಜ್ಯಾ ಅಪಾರಗುಣಸಾಗರಾ ॥ 12॥

ಕೃಷ್ಣಪ್ರಾಣಾಧಿಕಾರಾಧಾ ಕೃಷ್ಣಪ್ರೇಮವಿನೋದಿನೀ ।
ಶ್ರೀಕೃಷ್ಣಾಂಗಸದಾಧ್ಯಾಯೀ ಕೃಷ್ಣಾನಂದಪ್ರದಾಯಿನೀ ॥ 13॥

ಕೃಷ್ಣಾಽಹ್ಲಾದಿನೀದೇವೀ ಕೃಷ್ಣಧ್ಯಾನಪರಾಯಣಾ ।
ಕೃಷ್ಣಸಮ್ಮೋಹಿನೀನಿತ್ಯಾ ಕೃಷ್ಣಾನಂದಪ್ರವರ್ಧಿನೀ ॥ 14॥

ಕೃಷ್ಣಾನಂದಾ ಸದಾನಂದಾ ಕೃಷ್ಣಕೇಲಿ ಸುಖಾಸ್ವದಾ ।
ಕೃಷ್ಣಪ್ರಿಯಾ ಕೃಷ್ಣಕಾಂತಾ ಕೃಷ್ಣಸೇವಾಪರಾಯಣಾ ॥ 15॥

ಕೃಷ್ಣಪ್ರೇಮಾಬ್ಧಿಸಭರೀ ಕೃಷ್ಣಪ್ರೇಮತರಂಗಿಣೀ ।
ಕೃಷ್ಣಚಿತ್ತಹರಾದೇವೀ ಕೀರ್ತಿದಾಕುಲಪದ್ಮಿನೀ ॥ 16॥

ಕೃಷ್ಣಮುಖೀ ಹಾಸಮುಖೀ ಸದಾಕೃಷ್ಣಕುತೂಹಲೀ ।
ಕೃಷ್ಣಾನುರಾಗಿಣೀ ಧನ್ಯಾ ಕಿಶೋರೀ ಕೃಷ್ಣವಲ್ಲಭಾ ॥ 17॥

ಕೃಷ್ಣಕಾಮಾ ಕೃಷ್ಣವಂದ್ಯಾ ಕೃಷ್ಣಾಬ್ಧೇ ಸರ್ವಕಾಮನಾ ।
ಕೃಷ್ಣಪ್ರೇಮಮಯೀ-ರಾಧಾ ಕಲ್ಯಾಣೀ ಕಮಲಾನನಾ ॥। 18॥

ಕೃಷ್ಣಸೂನ್ಮಾದಿನೀ ಕಾಮ್ಯಾ ಕೃಷ್ಣಲೀಲಾ ಶಿರೋಮಣೀ ।
ಕೃಷ್ಣಸಂಜೀವನೀ-ರಾಧಾ ಕೃಷ್ಣವಕ್ಷಸ್ಥಲಸ್ಥಿತಾ ॥ 19॥

ಕೃಷ್ಣಪ್ರೇಮಸದೋನ್ಮತ್ತಾ ಕೃಷ್ಣಸಂಗವಿಲಾಸಿನೀ ।
ಶ್ರೀಕೃಷ್ಣರಮಣೀರಾಧಾ ಕೃಷ್ಣಪ್ರೇಮಾಽಕಲಂಕಿಣೀ ॥ 20॥

ಕೃಷ್ಣಪ್ರೇಮವತೀಕರ್ತ್ರೀ ಕೃಷ್ಣಭಕ್ತಿಪರಾಯಣಾ ।
ಶ್ರೀಕೃಷ್ಣಮಹಿಷೀ ಪೂರ್ಣಾ ಶ್ರೀಕೃಷ್ಣಾಂಗಪ್ರಿಯಂಕರೀ ॥ 21॥

ಕಾಮಗಾತ್ರಾ ಕಾಮರೂಪಾ ಕಲಿಕಲ್ಮಷನಾಶಿನೀ ।
ಕೃಷ್ಣಸಂಯುಕ್ತಕಾಮೇಶೀ ಶ್ರೀಕೃಷ್ಣಪ್ರಿಯವಾದಿನೀ ॥ 22॥

ಕೃಷ್ಣಶಕ್ತಿ ಕಾಂಚನಾಭಾ ಕೃಷ್ಣಾಕೃಷ್ಣಪ್ರಿಯಾಸತೀ ।
ಕೃಷ್ಣಪ್ರಾಣೇಶ್ವರೀ ಧೀರಾ ಕಮಲಾಕುಂಜವಾಸಿನೀ ॥ 23॥

ಕೃಷ್ಣಪ್ರಾಣಾಧಿದೇವೀ ಚ ಕಿಶೋರಾನಂದದಾಯಿನೀ ।
ಕೃಷ್ಣಪ್ರಸಾಧ್ಯಮಾನಾ ಚ ಕೃಷ್ಣಪ್ರೇಮಪರಾಯಣಾ ॥ 24॥

ಕೃಷ್ಣವಕ್ಷಸ್ಥಿತಾದೇವೀ ಶ್ರೀಕೃಷ್ಣಾಂಗಸದಾವ್ರತಾ ।
ಕುಂಜಾಧಿರಾಜಮಹಿಷೀ ಪೂಜನ್ನೂಪುರರಂಜನೀ ॥ 25॥

ಕಾರುಣ್ಯಾಮೃತಪಾಧೋಧೀ ಕಲ್ಯಾಣೀ ಕರುಣಾಮಯೀ ।
ಕುಂದಕುಸುಮದಂತಾ ಚ ಕಸ್ತೂರಿಬಿಂದುಭಿಃ ಶುಭಾ ॥ 26॥

ಕುಚಕುಟಮಲಸೌಂದರ್ಯಾ ಕೃಪಾಮಯೀ ಕೃಪಾಕರೀ ।
ಕುಂಜವಿಹಾರಿಣೀ ಗೋಪೀ ಕುಂದದಾಮಸುಶೋಭಿನೀ ॥ 27॥

ಕೋಮಲಾಂಗೀ ಕಮಲಾಂಘ್ರೀ ಕಮಲಾಽಕಮಲಾನನಾ ।
ಕಂದರ್ಪದಮನಾದೇವೀ ಕೌಮಾರೀ ನವಯೌವನಾ ॥ 28॥

ಕುಂಕುಮಾಚರ್ಚಿತಾಂಗೀ ಚ ಕೇಸರೀಮಧ್ಯಮೋತ್ತಮಾ ।
ಕಾಂಚನಾಂಗೀ ಕುರಂಗಾಕ್ಷೀ ಕನಕಾಂಗುಲಿಧಾರಿಣೀ ॥ 29॥

ಕರುಣಾರ್ಣವಸಂಪೂರ್ಣಾ ಕೃಷ್ಣಪ್ರೇಮತರಂಗಿಣೀ ।
ಕಲ್ಪದೃಮಾ ಕೃಪಾಧ್ಯಕ್ಷಾ ಕೃಷ್ಣಸೇವಾ ಪರಾಯಣಾ ॥ 30॥

ಖಂಜನಾಕ್ಷೀ ಖನೀಪ್ರೇಮ್ಣಾ ಅಖಂಡಿತಾ ಮಾನಕಾರಿಣೀ ।
ಗೋಲೋಕಧಾಮಿನೀ-ರಾಧಾ ಗೋಕುಲಾನಂದದಾಯಿನೀ ॥ 31॥

ಗೋವಿಂದವಲ್ಲಭಾದೇವೀ ಗೋಪಿನೀ ಗುಣಸಾಗರಾ ।
ಗೋಪಾಲವಲ್ಲಭಾ ಗೋಪೀ ಗೌರಾಂಗೀ ಗೋಧನೇಶ್ವರೀ ॥ 32॥

ಗೋಪಾಲೀ ಗೋಪಿಕಾಶ್ರೇಷ್ಠಾ ಗೋಪಕನ್ಯಾ ಗಣೇಶ್ವರೀ ।
ಗಜೇಂದ್ರಗಾಮಿನೀಗನ್ಯಾ ಗಂಧರ್ವಕುಲಪಾವನೀ ॥ 33॥

ಗುಣಾಧ್ಯಕ್ಷಾ ಗಣಾಧ್ಯಕ್ಷಾ ಗವೋನ್ಗತೀ ಗುಣಾಕರಾ ।
ಗುಣಗಮ್ಯಾ ಗೃಹಲಕ್ಷ್ಮೀ ಗೋಪ್ಯೇಚೂಡಾಗ್ರಮಾಲಿಕಾ ॥। 34॥

ಗಂಗಾಗೀತಾಗತಿರ್ದಾತ್ರೀ ಗಾಯತ್ರೀ ಬ್ರಹ್ಮರೂಪಿಣೀ ।
ಗಂಧಪುಷ್ಪಧರಾದೇವೀ ಗಂಧಮಾಲ್ಯಾದಿಧಾರಿಣೀ ॥ 35॥

ಗೋವಿಂದಪ್ರೇಯಸೀ ಧೀರಾ ಗೋವಿಂದಬಂಧಕಾರಣಾ ।
ಜ್ಞಾನದಾಗುಣದಾಗಮ್ಯಾ ಗೋಪಿನೀ ಗುಣಶೋಭಿನೀ ॥ 36॥

ಗೋದಾವರೀ ಗುಣಾತೀತಾ ಗೋವರ್ಧನಧನಪ್ರಿಯಾ ।
ಗೋಪಿನೀ ಗೋಕುಲೇಂದ್ರಾಣೀ ಗೋಪಿಕಾ ಗುಣಶಾಲಿನೀ ॥ 37॥

ಗಂಧೇಶ್ವರೀ ಗುಣಾಲಂಬಾ ಗುಣಾಂಗೀ ಗುಣಪಾವನೀ ।
ಗೋಪಾಲಸ್ಯ ಪ್ರಿಯಾರಾಧಾ ಕುಂಜಪುಂಜವಿಹಾರಿಣೀ ॥ 38॥

ಗೋಕುಲೇಂದುಮುಖೀ ವೃಂದಾ ಗೋಪಾಲಪ್ರಾಣವಲ್ಲಭಾ ।
ಗೋಪಾಂಗನಾಪ್ರಿಯಾರಾಧಾ ಗೌರಾಂಗೀ ಗೌರವಾನ್ವಿತಾ ॥ 39॥

ಗೋವತ್ಸಧಾರಿಣೀವತ್ಸಾ ಸುಬಲಾವೇಶಧಾರಿಣೀ ।
ಗೀರ್ವಾಣವಂದ್ಯಾ ಗೀರ್ವಾಣೀ ಗೋಪಿನೀ ಗಣಶೋಭಿತಾ ॥ 40॥

ಘನಶ್ಯಾಮಪ್ರಿಯಾಧೀರಾ ಘೋರಸಂಸಾರತಾರಿಣೀ ।
ಘೂರ್ಣಾಯಮಾನನಯನಾ ಘೋರಕಲ್ಮಷನಾಶಿನೀ ॥ 41॥

ಚೈತನ್ಯರೂಪಿಣೀದೇವೀ ಚಿತ್ತಚೈತನ್ಯದಾಯಿನೀ ।
ಚಂದ್ರಾನನೀ ಚಂದ್ರಕಾಂತೀ ಚಂದ್ರಕೋಟಿಸಮಪ್ರಭಾ ॥ 42॥

ಚಂದ್ರಾವಲೀ ಶುಕ್ಲಪಕ್ಷಾ ಚಂದ್ರಾಚ ಕೃಷ್ಣವಲ್ಲಭಾ ।
ಚಂದ್ರಾರ್ಕನಖರಜ್ಯೋತೀ ಚಾರುವೇಣೀಶಿಖಾರುಚಿಃ ॥ 43॥

ಚಂದನೈಶ್ಚರ್ಚಿತಾಂಗೀ ಚ ಚತುರಾಚಂಚಲೇಕ್ಷಣಾ ।
ಚಾರುಗೋರೋಚನಾಗೌರೀ ಚತುರ್ವರ್ಗಪ್ರದಾಯಿನೀ ॥ 44॥

ಶ್ರೀಮತೀಚತುರಾಧ್ಯಕ್ಷಾ ಚರಮಾಗತಿದಾಯಿನೀ ।
ಚರಾಚರೇಶ್ವರೀದೇವೀ ಚಿಂತಾತೀತಾ ಜಗನ್ಮಯೀ ॥ 45॥

ಚತುಃಷಷ್ಟಿಕಲಾಲಂಬಾ ಚಂಪಾಪುಷ್ಪವಿಧಾರಿಣೀ ।
ಚಿನ್ಮಯೀ ಚಿತ್ಶಕ್ತಿರೂಪಾ ಚರ್ಚಿತಾಂಗೀ ಮನೋರಮಾ ॥ 46॥

ಚಿತ್ರಲೇಖಾಚ ಶ್ರೀರಾತ್ರೀ ಚಂದ್ರಕಾಂತಿಜಿತಪ್ರಭಾ ।
ಚತುರಾಪಾಂಗಮಾಧುರ್ಯಾ ಚಾರುಚಂಚಲಲೋಚನಾ ॥ 47॥

ಛಂದೋಮಯೀ ಛಂದರೂಪಾ ಛಿದ್ರಛಂದೋವಿನಾಶಿನೀ ।
ಜಗತ್ಕರ್ತ್ರೀ ಜಗದ್ಧಾತ್ರೀ ಜಗದಾಧಾರರೂಪಿಣೀ ॥ 48॥

ಜಯಂಕರೀ ಜಗನ್ಮಾತಾ ಜಯದಾದಿಯಕಾರಿಣೀ ।
ಜಯಪ್ರದಾಜಯಾಲಕ್ಷ್ಮೀ ಜಯಂತೀ ಸುಯಶಪ್ರದಾ ॥ 49॥

ಜಾಂಬೂನದಾ ಹೇಮಕಾಂತೀ ಜಯಾವತೀ ಯಶಸ್ವಿನೀ ।
ಜಗಹಿತಾ ಜಗತ್ಪೂಜ್ಯಾ ಜನನೀ ಲೋಕಪಾಲಿನೀ ॥ 50॥

ಜಗದ್ಧಾತ್ರೀ ಜಗತ್ಕರ್ತ್ರೀ ಜಗದ್ಬೀಜಸ್ವರೂಪಿಣೀ ।
ಜಗನ್ಮಾತಾ ಯೋಗಮಾಯಾ ಜೀವಾನಾಂ ಗತಿದಾಯಿನೀ ॥ 51॥

ಜೀವಾಕೃತಿರ್ಯೋಗಗಮ್ಯಾ ಯಶೋದಾನಂದದಾಯಿನೀ ।
ಜಪಾಕುಸುಮಸಂಕಾಶಾ ಪಾದಾಬ್ಜಾಮಣಿಮಂಡಿತಾ ॥ 52॥

ಜಾನುದ್ಯುತಿಜಿತೋತ್ಫುಲ್ಲಾ ಯಂತ್ರಣಾವಿಘ್ನಘಾತಿನೀ ।
ಜಿತೇಂದ್ರಿಯಾ ಯಜ್ಞರೂಪಾ ಯಜ್ಞಾಂಗೀ ಜಲಶಾಯಿನೀ ॥ 53॥

ಜಾನಕೀಜನ್ಮಶೂನ್ಯಾಚ ಜನ್ಮಮೃತ್ಯುಜರಾಹರಾ ।
ಜಾಹ್ನವೀ ಯಮುನಾರೂಪಾ ಜಾಂಬೂನದಸ್ವರೂಪಿಣೀ ॥ 54॥

ಝಣತ್ಕೃತಪದಾಂಭೋಜಾ ಜಡತಾರಿನಿವಾರಿಣೀ ।
ಟಂಕಾರಿಣೀ ಮಹಾಧ್ಯಾನಾ ದಿವ್ಯವಾದ್ಯವಿನೋದಿನೀ ॥ 55॥

ತಪ್ತಕಾಂಚನವರ್ಣಾಭಾ ತ್ರೈಲೋಕ್ಯಲೋಕತಾರಿಣೀ ।
ತಿಲಪುಷ್ಪಜಿತಾನಾಸಾ ತುಲಸೀಮಂಜರೀಪ್ರಿಯಾ ॥ 56॥

ತ್ರೈಲೋಕ್ಯಾಽಕರ್ಷಿಣೀ-ರಾಧಾ ತ್ರಿವರ್ಗಫಲದಾಯಿನೀ ।
ತುಲಸೀತೋಷಕರ್ತ್ರೀ ಚ ಕೃಷ್ಣಚಂದ್ರತಪಸ್ವಿನೀ ॥ 57॥

ತರುಣಾದಿತ್ಯಸಂಕಾಶಾ ನಖಶ್ರೇಣಿಸಮಪ್ರಭಾ ।
ತ್ರೈಲೋಕ್ಯಮಂಗಲಾದೇವೀ ದಿಗ್ಧಮೂಲಪದದ್ವಯೀ ॥ 58॥

ತ್ರೈಲೋಕ್ಯಜನನೀ-ರಾಧಾ ತಾಪತ್ರಯನಿವಾರಿಣೀ ।
ತ್ರೈಲೋಕ್ಯಸುಂದರೀ ಧನ್ಯಾ ತಂತ್ರಮಂತ್ರಸ್ವರೂಪಿಣೀ ॥ 59॥

ತ್ರಿಕಾಲಜ್ಞಾ ತ್ರಾಣಕರ್ತ್ರೀ ತ್ರೈಲೋಕ್ಯಮಂಗಲಾಸದಾ ।
ತೇಜಸ್ವಿನೀ ತಪೋಮೂರ್ತೀ ತಾಪತ್ರಯವಿನಾಶಿನೀ ॥ 60॥

ತ್ರಿಗುಣಾಧಾರಿಣೀ ದೇವೀ ತಾರಿಣೀ ತ್ರಿದಶೇಶ್ವರೀ ।
ತ್ರಯೋದಶವಯೋನಿತ್ಯಾ ತರುಣೀನವಯೌವನಾ ॥ 61॥

ಹೃತ್ಪದ್ಮೇಸ್ಥಿತಿಮತಿ ಸ್ಥಾನದಾತ್ರೀ ಪದಾಂಬುಜೇ ।
ಸ್ಥಿತಿರೂಪಾ ಸ್ಥಿರಾ ಶಾಂತಾ ಸ್ಥಿತಸಂಸಾರಪಾಲಿನೀ ॥ 62॥

ದಾಮೋದರಪ್ರಿಯಾಧೀರಾ ದುರ್ವಾಸೋವರದಾಯಿನೀ ।
ದಯಾಮಯೀ ದಯಾಧ್ಯಕ್ಷಾ ದಿವ್ಯಯೋಗಪ್ರದರ್ಶಿನೀ ॥ 63॥

ದಿವ್ಯಾನುಲೇಪನಾರಾಗಾ ದಿವ್ಯಾಲಂಕಾರಭೂಷಣಾ ।
ದುರ್ಗತಿನಾಶಿನೀ-ರಾಧಾ ದುರ್ಗಾ ದುಃಖವಿನಾಶಿನೀ ॥ 64॥

ದೇವದೇವೀಮಹಾದೇವೀ ದಯಾಶೀಲಾ ದಯಾವತೀ ।
ದಯಾರ್ದ್ರಸಾಗರಾರಾಧಾ ಮಹಾದಾರಿದ್ರ್ಯನಾಶಿನೀ ॥ 65॥

ದೇವತಾನಾಂ ದುರಾರಾಧ್ಯಾ ಮಹಾಪಾಪವಿನಾಶಿನೀ ।
ದ್ವಾರಕಾವಾಸಿನೀ ದೇವೀ ದುಃಖಶೋಕವಿನಾಶಿನೀ ॥ 66॥

ದಯಾವತೀ ದ್ವಾರಕೇಶಾ ದೋಲೋತ್ಸವವಿಹಾರಿಣೀ ।
ದಾಂತಾ ಶಾಂತಾ ಕೃಪಾಧ್ಯಕ್ಷಾ ದಕ್ಷಿಣಾಯಜ್ಞಕಾರಿಣೀ ॥ 67॥

ದೀನಬಂಧುಪ್ರಿಯಾದೇವೀ ಶುಭಾ ದುರ್ಘಟನಾಶಿನೀ ।
ಧ್ವಜವಜ್ರಾಬ್ಜಪಾಶಾಂಘ್ರೀ ಧೀಮಹೀಚರಣಾಂಬುಜಾ ॥ 68॥

ಧರ್ಮಾತೀತಾ ಧರಾಧ್ಯಕ್ಷಾ ಧನಧಾನ್ಯಪ್ರದಾಯಿನೀ ।
ಧರ್ಮಾಧ್ಯಕ್ಷಾ ಧ್ಯಾನಗಮ್ಯಾ ಧರಣೀಭಾರನಾಶಿನೀ ॥ 69॥

ಧರ್ಮದಾಧೈರ್ಯದಾಧಾತ್ರೀ ಧನ್ಯಧನ್ಯಧುರಂಧರೀ ।
ಧರಣೀಧಾರಿಣೀಧನ್ಯಾ ಧರ್ಮಸಂಕಟರಕ್ಷಿಣೀ ॥ 70॥

ಧರ್ಮಾಧಿಕಾರಿಣೀದೇವೀ ಧರ್ಮಶಾಸ್ತ್ರವಿಶಾರದಾ ।
ಧರ್ಮಸಂಸ್ಥಾಪನಾಧಾಗ್ರಾ ಧ್ರುವಾನಂದಪ್ರದಾಯಿನೀ ॥ 71॥

ನವಗೋರೋಚನಾ ಗೌರೀ ನೀಲವಸ್ತ್ರವಿಧಾರಿಣೀ ।
ನವಯೌವನಸಂಪನ್ನಾ ನಂದನಂದನಕಾರಿಣೀ ॥ 72॥

ನಿತ್ಯಾನಂದಮಯೀ ನಿತ್ಯಾ ನೀಲಕಾಂತಮಣಿಪ್ರಿಯಾ ।
ನಾನಾರತ್ನವಿಚಿತ್ರಾಂಗೀ ನಾನಾಸುಖಮಯೀಸುಧಾ ॥ 73॥

ನಿಗೂಢರಸರಾಸಜ್ಞಾ ನಿತ್ಯಾನಂದಪ್ರದಾಯಿನೀ ।
ನವೀನಪ್ರವಣಾಧನ್ಯಾ ನೀಲಪದ್ಮವಿಧಾರಿಣೀ ॥ 74॥

ನಂದಾಽನಂದಾ ಸದಾನಂದಾ ನಿರ್ಮಲಾ ಮುಕ್ತಿದಾಯಿನೀ ।
ನಿರ್ವಿಕಾರಾ ನಿತ್ಯರೂಪಾ ನಿಷ್ಕಲಂಕಾ ನಿರಾಮಯಾ ॥ 75॥

ನಲಿನೀ ನಲಿನಾಕ್ಷೀ ಚ ನಾನಾಲಂಕಾರಭೂಷಿತಾ ।
ನಿತಂಬಿನಿ ನಿರಾಕಾಂಕ್ಷಾ ನಿತ್ಯಾ ಸತ್ಯಾ ಸನಾತನೀ ॥ 76॥

ನೀಲಾಂಬರಪರೀಧಾನಾ ನೀಲಾಕಮಲಲೋಚನಾ ।
ನಿರಪೇಕ್ಷಾ ನಿರೂಪಮಾ ನಾರಾಯಣೀ ನರೇಶ್ವರೀ ॥ 77॥

ನಿರಾಲಂಬಾ ರಕ್ಷಕರ್ತ್ರೀ ನಿಗಮಾರ್ಥಪ್ರದಾಯಿನೀ ।
ನಿಕುಂಜವಾಸಿನೀ-ರಾಧಾ ನಿರ್ಗುಣಾಗುಣಸಾಗರಾ ॥ 78॥

ನೀಲಾಬ್ಜಾ ಕೃಷ್ಣಮಹಿಷೀ ನಿರಾಶ್ರಯಗತಿಪ್ರದಾ ।
ನಿಧೂವನವನಾನಂದಾ ನಿಕುಂಜಶೀ ಚ ನಾಗರೀ ॥ 79॥

ನಿರಂಜನಾ ನಿತ್ಯರಕ್ತಾ ನಾಗರೀ ಚಿತ್ತಮೋಹಿನೀ ।
ಪೂರ್ಣಚಂದ್ರಮುಖೀ ದೇವೀ ಪ್ರಧಾನಾಪ್ರಕೃತಿಪರಾ ॥ 80॥

ಪ್ರೇಮರೂಪಾ ಪ್ರೇಮಮಯೀ ಪ್ರಫುಲ್ಲಜಲಜಾನನಾ ।
ಪೂರ್ಣಾನಂದಮಯೀ-ರಾಧಾ ಪೂರ್ಣಬ್ರಹ್ಮಸನಾತನೀ ॥ 81॥

ಪರಮಾರ್ಥಪ್ರದಾ ಪೂಜ್ಯಾ ಪರೇಶಾ ಪದ್ಮಲೋಚನಾ ।
ಪರಾಶಕ್ತಿ ಪರಾಭಕ್ತಿ ಪರಮಾನಂದದಾಯಿನೀ ॥ 82॥

ಪತಿತೋದ್ಧಾರಿಣೀ ಪುಣ್ಯಾ ಪ್ರವೀಣಾ ಧರ್ಮಪಾವನೀ ।
ಪಂಕಜಾಕ್ಷೀ ಮಹಾಲಕ್ಷ್ಮೀ ಪೀನೋನ್ನತಪಯೋಧರಾ ॥ 83॥

ಪ್ರೇಮಾಶ್ರುಪರಿಪೂರ್ಣಾಂಗೀ ಪದ್ಮೇಲಸದೃಷಾನನಾ ।
ಪದ್ಮರಾಗಧರಾದೇವೀ ಪೌರ್ಣಮಾಸೀಸುಖಾಸ್ವದಾ ॥ 84॥

ಪೂರ್ಣೋತ್ತಮೋ ಪರಂಜ್ಯೋತೀ ಪ್ರಿಯಂಕರೀ ಪ್ರಿಯಂವದಾ ।
ಪ್ರೇಮಭಕ್ತಿಪ್ರದಾ-ರಾಧಾ ಪ್ರೇಮಾನಂದಪ್ರದಾಯಿನೀ ॥ 85॥

ಪದ್ಮಗಂಧಾ ಪದ್ಮಹಸ್ತಾ ಪದ್ಮಾಂಘ್ರೀ ಪದ್ಮಮಾಲಿನೀ ।
ಪದ್ಮಾಸನಾ ಮಹಾಪದ್ಮಾ ಪದ್ಮಮಾಲಾ-ವಿಧಾರಿಣೀ ॥ 86॥

ಪ್ರಬೋಧಿನೀ ಪೂರ್ಣಲಕ್ಷ್ಮೀ ಪೂರ್ಣೇಂದುಸದೃಷಾನನಾ ।
ಪುಂಡರೀಕಾಕ್ಷಪ್ರೇಮಾಂಗೀ ಪುಂಡರೀಕಾಕ್ಷರೋಹಿನೀ ॥ 87॥

ಪರಮಾರ್ಥಪ್ರದಾಪದ್ಮಾ ತಥಾ ಪ್ರಣವರೂಪಿಣೀ ।
ಫಲಪ್ರಿಯಾ ಸ್ಫೂರ್ತಿದಾತ್ರೀ ಮಹೋತ್ಸವವಿಹಾರಿಣೀ ॥ 88॥

ಫುಲ್ಲಾಬ್ಜದಿವ್ಯನಯನಾ ಫಣಿವೇಣಿಸುಶೋಭಿತಾ ।
ವೃಂದಾವನೇಶ್ವರೀ-ರಾಧಾ ವೃಂದಾವನವಿಲಾಸಿನೀ ॥ 89॥

ವೃಷಭಾನುಸುತಾದೇವೀ ವ್ರಜವಾಸೀಗಣಪ್ರಿಯಾ ।
ವೃಂದಾ ವೃಂದಾವನಾನಂದಾ ವ್ರಜೇಂದ್ರಾ ಚ ವರಪ್ರದಾ ॥ 90॥

ವಿದ್ಯುತ್ಗೌರೀ ಸುವರ್ಣಾಂಗೀ ವಂಶೀನಾದವಿನೋದಿನೀ ।
ವೃಷಭಾನುರಾಧೇಕನ್ಯಾ ವ್ರಜರಾಜಸುತಪ್ರಿಯಾ ॥ 91॥

ವಿಚಿತ್ರಪಟ್ಟಚಮರೀ ವಿಚಿತ್ರಾಂಬರಧಾರಿಣೀ ।
ವೇಣುವಾದ್ಯಪ್ರಿಯಾರಾಧಾ ವೇಣುವಾದ್ಯಪರಾಯಣಾ ॥ 92॥

ವಿಶ್ವಂಭರೀ ವಿಚಿತ್ರಾಂಗೀ ಬ್ರಹ್ಮಾಂಡೋದರೀಕಾಸತೀ ।
ವಿಶ್ವೋದರೀ ವಿಶಾಲಾಕ್ಷೀ ವ್ರಜಲಕ್ಷ್ಮೀ ವರಪ್ರದಾ ॥ 93॥

ಬ್ರಹ್ಮಮಯೀ ಬ್ರಹ್ಮರೂಪಾ ವೇದಾಂಗೀ ವಾರ್ಷಭಾನವೀ ।
ವರಾಂಗನಾ ಕರಾಂಭೋಜಾ ವಲ್ಲವೀ ವೃಜಮೋಹಿನೀ ॥ 94॥

ವಿಷ್ಣುಪ್ರಿಯಾ ವಿಶ್ವಮಾತಾ ಬ್ರಹ್ಮಾಂಡಪ್ರತಿಪಾಲಿನೀ ।
ವಿಶ್ವೇಶ್ವರೀ ವಿಶ್ವಕರ್ತ್ರೀ ವೇದ್ಯಮಂತ್ರಸ್ವರೂಪಿಣೀ ॥ 95॥

ವಿಶ್ವಮಾಯಾ ವಿಷ್ಣುಕಾಂತಾ ವಿಶ್ವಾಂಗೀ ವಿಶ್ವಪಾವನೀ ।
ವ್ರಜೇಶ್ವರೀ ವಿಶ್ವರೂಪಾ ವೈಷ್ಣವೀ ವಿಘ್ನನಾಶಿನೀ ॥ 96॥

ಬ್ರಹ್ಮಾಂಡಜನನೀ-ರಾಧಾ ವತ್ಸಲಾ ವ್ರಜವತ್ಸಲಾ ।
ವರದಾ ವಾಕ್ಯಸಿದ್ಧಾ ಚ ಬುದ್ಧಿದಾ ವಾಕ್ಪ್ರದಾಯಿನೀ ॥ 97॥

ವಿಶಾಖಾಪ್ರಾಣಸರ್ವಸ್ವಾ ವೃಷಭಾನುಕುಮಾರಿಕಾ ।
ವಿಶಾಖಾಸಖ್ಯವಿಜಿತಾ ವಂಶೀವಟವಿಹಾರಿಣೀ ॥ 98॥

ವೇದಮಾತಾ ವೇದಗಮ್ಯಾ ವೇದ್ಯವರ್ಣಾ ಶುಭಂಕರೀ ।
ವೇದಾತೀತಾ ಗುಣಾತೀತಾ ವಿದಗ್ಧಾ ವಿಜನಪ್ರಿಯಾ ॥ 99।
ಭಕ್ತಭಕ್ತಿಪ್ರಿಯಾ-ರಾಧಾ ಭಕ್ತಮಂಗಲದಾಯಿನೀ ।
ಭಗವನ್ಮೋಹಿನೀ ದೇವೀ ಭವಕ್ಲೇಶವಿನಾಶಿನೀ ॥ 100॥

ಭಾವಿನೀ ಭವತೀ ಭಾವ್ಯಾ ಭಾರತೀ ಭಕ್ತಿದಾಯಿನೀ ।
ಭಾಗೀರಥೀ ಭಾಗ್ಯವತೀ ಭೂತೇಶೀ ಭವಕಾರಿಣೀ ॥ 101॥

ಭವಾರ್ಣವತ್ರಾಣಕರ್ತ್ರೀ ಭದ್ರದಾ ಭುವನೇಶ್ವರೀ ।
ಭಕ್ತಾತ್ಮಾ ಭುವನಾನಂದಾ ಭಾವಿಕಾ ಭಕ್ತವತ್ಸಲಾ ॥ 102॥

ಭುಕ್ತಿಮುಕ್ತಿಪ್ರದಾ-ರಾಧಾ ಶುಭಾ ಭುಜಮೃಣಾಲಿಕಾ ।
ಭಾನುಶಕ್ತಿಚ್ಛಲಾಧೀರಾ ಭಕ್ತಾನುಗ್ರಹಕಾರಿಣೀ ॥ 103॥

ಮಾಧವೀ ಮಾಧವಾಯುಕ್ತಾ ಮುಕುಂದಾದ್ಯಾಸನಾತನೀ ।
ಮಹಾಲಕ್ಷ್ಮೀ ಮಹಾಮಾನ್ಯಾ ಮಾಧವಸ್ವಾಂತಮೋಹಿನೀ ॥ 104॥

ಮಹಾಧನ್ಯಾ ಮಹಾಪುಣ್ಯಾ ಮಹಾಮೋಹವಿನಾಶಿನೀ ।
ಮೋಕ್ಷದಾ ಮಾನದಾ ಭದ್ರಾ ಮಂಗಲಾಽಮಂಗಲಾತ್ಪದಾ ॥ 105॥

ಮನೋಭೀಷ್ಟಪ್ರದಾದೇವೀ ಮಹಾವಿಷ್ಣುಸ್ವರೂಪಿಣೀ ।
ಮಾಧವ್ಯಾಂಗೀ ಮನೋರಾಮಾ ರಮ್ಯಾ ಮುಕುರರಂಜನೀ ॥ 106॥

ಮನೀಶಾ ವನದಾಧಾರಾ ಮುರಲೀವಾದನಪ್ರಿಯಾ ।
ಮುಕುಂದಾಂಗಕೃತಾಪಾಂಗೀ ಮಾಲಿನೀ ಹರಿಮೋಹಿನೀ ॥ 107॥

ಮಾನಗ್ರಾಹೀ ಮಧುವತೀ ಮಂಜರೀ ಮೃಗಲೋಚನಾ ।
ನಿತ್ಯವೃಂದಾ ಮಹಾದೇವೀ ಮಹೇಂದ್ರಕೃತಶೇಖರೀ ॥ 108॥

ಮುಕುಂದಪ್ರಾಣದಾಹಂತ್ರೀ ಮನೋಹರಮನೋಹರಾ ।
ಮಾಧವಮುಖಪದ್ಮಸ್ಯಾ ಮಥುಪಾನಮಧುವ್ರತಾ ॥ 109॥

ಮುಕುಂದಮಧುಮಾಧುರ್ಯಾ ಮುಖ್ಯಾವೃಂದಾವನೇಶ್ವರೀ ।
ಮಂತ್ರಸಿದ್ಧಿಕೃತಾ-ರಾಧಾ ಮೂಲಮಂತ್ರಸ್ವರೂಪಿಣೀ ॥ 110॥

ಮನ್ಮಥಾ ಸುಮತೀಧಾತ್ರೀ ಮನೋಜ್ಞಮತಿಮಾನಿತಾ ।
ಮದನಾಮೋಹಿನೀಮಾನ್ಯಾ ಮಂಜೀರಚರಣೋತ್ಪಲಾ ॥ 111॥

ಯಶೋದಾಸುತಪತ್ನೀ ಚ ಯಶೋದಾನಂದದಾಯಿನೀ ।
ಯೌವನಾಪೂರ್ಣಸೌಂದರ್ಯಾ ಯಮುನಾತಟವಾಸಿನೀ ॥ 112॥

ಯಶಸ್ವಿನೀ ಯೋಗಮಾಯಾ ಯುವರಾಜವಿಲಾಸಿನೀ ।
ಯುಗ್ಮಶ್ರೀಫಲಸುವತ್ಸಾ ಯುಗ್ಮಾಂಗದವಿಧಾರಿಣೀ ॥ 113॥

ಯಂತ್ರಾತಿಗಾನನಿರತಾ ಯುವತೀನಾಂಶಿರೋಮಣೀ ।
ಶ್ರೀರಾಧಾ ಪರಮಾರಾಧ್ಯಾ ರಾಧಿಕಾ ಕೃಷ್ಣಮೋಹಿನೀ ॥ 114॥

ರೂಪಯೌವನಸಂಪನ್ನಾ ರಾಸಮಂಡಲಕಾರಿಣೀ ।
ರಾಧಾದೇವೀ ಪರಾಪ್ರಾಪ್ತಾ ಶ್ರೀರಾಧಾಪರಮೇಶ್ವರೀ ॥ 115॥

ರಾಧಾವಾಗ್ಮೀ ರಸೋನ್ಮಾದೀ ರಸಿಕಾ ರಸಶೇಖರೀ ।
ರಾಧಾರಾಸಮಯೀಪೂರ್ಣಾ ರಸಜ್ಞಾ ರಸಮಂಜರೀ ॥ 116॥

ರಾಧಿಕಾ ರಸದಾತ್ರೀ ಚ ರಾಧಾರಾಸವಿಲಾಸಿನೀ ।
ರಂಜನೀ ರಸವೃಂದಾಚ ರತ್ನಾಲಂಕಾರಧಾರಿಣೀ ॥ 117॥

ರಾಮಾರತ್ನಾರತ್ನಮಯೀ ರತ್ನಮಾಲಾವಿಧಾರಿಣೀ ।
ರಮಣೀರಾಮಣೀರಮ್ಯಾ ರಾಧಿಕಾರಮಣೀಪರಾ ॥ 118॥

ರಾಸಮಂಡಲಮಧ್ಯಸ್ಥಾ ರಾಜರಾಜೇಶ್ವರೀ ಶುಭಾ ।
ರಾಕೇಂದುಕೋಟಿಸೌಂದರ್ಯಾ ರತ್ನಾಂಗದವಿಧಾರಿಣೀ ॥ 119॥

ರಾಸಪ್ರಿಯಾ ರಾಸಗಮ್ಯಾ ರಾಸೋತ್ಸವವಿಹಾರಿಣೀ ।
ಲಕ್ಷ್ಮೀರೂಪಾ ಚ ಲಲನಾ ಲಲಿತಾದಿಸಖಿಪ್ರಿಯಾ ॥ 120॥

ಲೋಕಮಾತಾ ಲೋಕಧಾತ್ರೀ ಲೋಕಾನುಗ್ರಹಕಾರಿಣೀ ।
ಲೋಲಾಕ್ಷೀ ಲಲಿತಾಂಗೀ ಚ ಲಲಿತಾಜೀವತಾರಕಾ ॥ 121॥

ಲೋಕಾಲಯಾ ಲಜ್ಜಾರೂಪಾ ಲಾಸ್ಯವಿದ್ಯಾಲತಾಶುಭಾ ।
ಲಲಿತಾಪ್ರೇಮಲಲಿತಾನುಗ್ಧಪ್ರೇಮಲಿಲಾವತೀ ॥ 122॥

ಲೀಲಾಲಾವಣ್ಯಸಂಪನ್ನಾ ನಾಗರೀಚಿತ್ತಮೋಹಿನೀ ।
ಲೀಲಾರಂಗೀರತೀ ರಮ್ಯಾ ಲೀಲಾಗಾನಪರಾಯಣಾ ॥ 123॥

ಲೀಲಾವತೀ ರತಿಪ್ರೀತಾ ಲಲಿತಾಕುಲಪದ್ಮಿನೀ ।
ಶುದ್ಧಕಾಂಚನಗೌರಾಂಗೀ ಶಂಖಕಂಕಣಧಾರಿಣೀ ॥ 124॥

ಶಕ್ತಿಸಂಚಾರಿಣೀ ದೇವೀ ಶಕ್ತೀನಾಂ ಶಕ್ತಿದಾಯಿನೀ ।
ಸುಚಾರುಕಬರೀಯುಕ್ತಾ ಶಶಿರೇಖಾ ಶುಭಂಕರೀ ॥ 125॥

ಸುಮತೀ ಸುಗತಿರ್ದಾತ್ರೀ ಶ್ರೀಮತೀ ಶ್ರೀಹರಿಪಿಯಾ ।
ಸುಂದರಾಂಗೀ ಸುವರ್ಣಾಂಗೀ ಸುಶೀಲಾ ಶುಭದಾಯಿನೀ ॥ 126॥

ಶುಭದಾ ಸುಖದಾ ಸಾಧ್ವೀ ಸುಕೇಶೀ ಸುಮನೋರಮಾ ।
ಸುರೇಶ್ವರೀ ಸುಕುಮಾರೀ ಶುಭಾಂಗೀ ಸುಮಶೇಖರಾ ॥ 127॥

ಶಾಕಂಭರೀ ಸತ್ಯರೂಪಾ ಶಸ್ತಾ ಶಾಂತಾ ಮನೋರಮಾ ।
ಸಿದ್ಧಿಧಾತ್ರೀ ಮಹಾಶಾಂತೀ ಸುಂದರೀ ಶುಭದಾಯಿನೀ ॥ 128॥

ಶಬ್ದಾತೀತಾ ಸಿಂಧುಕನ್ಯಾ ಶರಣಾಗತಪಾಲಿನೀ ।
ಶಾಲಗ್ರಾಮಪ್ರಿಯಾ-ರಾಧಾ ಸರ್ವದಾ ನವಯೌವನಾ ॥ 129॥

ಸುಬಲಾನಂದಿನೀದೇವೀ ಸರ್ವಶಾಸ್ತ್ರವಿಶಾರದಾ ।
ಸರ್ವಾಂಗಸುಂದರೀ-ರಾಧಾ ಸರ್ವಸಲ್ಲಕ್ಷಣಾನ್ವಿತಾ ॥ 130॥

ಸರ್ವಗೋಪೀಪ್ರಧಾನಾ ಚ ಸರ್ವಕಾಮಫಲಪ್ರದಾ ।
ಸದಾನಂದಮಯೀದೇವೀ ಸರ್ವಮಂಗಲದಾಯಿನೀ ॥ 131॥

ಸರ್ವಮಂಡಲಜೀವಾತು ಸರ್ವಸಂಪತ್ಪ್ರದಾಯಿನೀ ।
ಸಂಸಾರಪಾರಕರಣೀ ಸದಾಕೃಷ್ಣಕುತೂಹಲಾ ॥ 132॥

ಸರ್ವಾಗುಣಮಯೀ-ರಾಧಾ ಸಾಧ್ಯಾ ಸರ್ವಗುಣಾನ್ವಿತಾ ।
ಸತ್ಯಸ್ವರೂಪಾ ಸತ್ಯಾ ಚ ಸತ್ಯನಿತ್ಯಾ ಸನಾತನೀ ॥ 133॥

ಸರ್ವಮಾಧವ್ಯಲಹರೀ ಸುಧಾಮುಖಶುಭಂಕರೀ ।
ಸದಾಕಿಶೋರಿಕಾಗೋಷ್ಠೀ ಸುಬಲಾವೇಶಧಾರಿಣೀ ॥ 134॥

ಸುವರ್ಣಮಾಲಿನೀ-ರಾಧಾ ಶ್ಯಾಮಸುಂದರಮೋಹಿನೀ ।
ಶ್ಯಾಮಾಮೃತರಸೇಮಗ್ನಾ ಸದಾಸೀಮಂತಿನೀಸಖೀ ॥ 135॥

ಷೋಡಶೀವಯಸಾನಿತ್ಯಾ ಷಡರಾಗವಿಹಾರಿಣೀ ।
ಹೇಮಾಂಗೀವರದಾಹಂತ್ರೀ ಭೂಮಾತಾ ಹಂಸಗಾಮಿನೀ ॥ 136॥

ಹಾಸಮುಖೀ ವ್ರಜಾಧ್ಯಕ್ಷಾ ಹೇಮಾಬ್ಜಾ ಕೃಷ್ಣಮೋಹಿನೀ ।
ಹರಿವಿನೋದಿನೀ-ರಾಧಾ ಹರಿಸೇವಾಪರಾಯಣಾ ॥ 137॥

ಹೇಮಾರಂಭಾ ಮದಾರಂಭಾ ಹರಿಹಾರವಿಲೋಚನಾ ।
ಹೇಮಾಂಗವರ್ಣಾರಮ್ಯಾ ಶ್ರೇಷಹೃತ್ಪದ್ಮವಾಸಿನೀ ॥ 138॥

ಹರಿಪಾದಾಬ್ಜಮಧುಪಾ ಮಧುಪಾನಮಧುವ್ರತಾ ।
ಕ್ಷೇಮಂಕರೀ ಕ್ಷೀಣಮಧ್ಯಾ ಕ್ಷಮಾರೂಪಾ ಕ್ಷಮಾವತೀ ॥ 139॥

ಕ್ಷೇತ್ರಾಂಗೀ ಶ್ರೀಕ್ಷಮಾದಾತ್ರೀ ಕ್ಷಿತಿವೃಂದಾವನೇಶ್ವರೀ ।
ಕ್ಷಮಾಶೀಲಾ ಕ್ಷಮಾದಾತ್ರೀ ಕ್ಷೌಮವಾಸೋವಿಧಾರಿಣೀ ।
ಕ್ಷಾಂತಿನಾಮಾವಯವತೀ ಕ್ಷೀರೋದಾರ್ಣವಶಾಯಿನೀ ॥ 140॥

ರಾಧಾನಾಮಸಹಸ್ರಾಣಿ ಪಠೇದ್ವಾ ಶ್ರುಣುಯಾದಪಿ ।
ಇಷ್ಟಸಿದ್ಧಿರ್ಭವೇತ್ತಸ್ಯಾ ಮಂತ್ರಸಿದ್ಧಿರ್ಭವೇತ್ ಧ್ರುವಮ್ ॥ 141॥

ಧರ್ಮಾರ್ಥಕಾಮಮೋಕ್ಷಾಂಶ್ಚ ಲಭತೇ ನಾತ್ರ ಸಂಶಯಃ ।
ವಾಂಛಾಸಿದ್ಧಿರ್ಭವೇತ್ತಸ್ಯ ಭಕ್ತಿಸ್ಯಾತ್ ಪ್ರೇಮಲಕ್ಷಣ ॥ 142॥

ಲಕ್ಷ್ಮೀಸ್ತಸ್ಯವಸೇತ್ಗೇಹೇ ಮುಖೇಭಾತಿಸರಸ್ವತೀ ।
ಅಂತಕಾಲೇಭವೇತ್ತಸ್ಯ ರಾಧಾಕೃಷ್ಣೇಚಸಂಸ್ಥಿತಿಃ ॥ 143॥

ಇತಿ ಶ್ರೀರಾಧಾಮಾನಸತಂತ್ರೇ ಶ್ರೀರಾಧಾಸಹಸ್ರನಾಮಸ್ತೋತ್ರಂ ಸಂಪೂರ್ಣಮ್ ॥