ಅಸ್ಯ ಶ್ರೀ ಅನ್ನಪೂರ್ಣಾಷ್ಟೋತ್ತರ ಶತನಾಮಸ್ತೋತ್ರ ಮಹಾಮಂತ್ರಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ಛಂದಃ ಶ್ರೀ ಅನ್ನಪೂರ್ಣೇಶ್ವರೀ ದೇವತಾ ಸ್ವಧಾ ಬೀಜಂ ಸ್ವಾಹಾ ಶಕ್ತಿಃ ಓಂ ಕೀಲಕಂ ಮಮ ಸರ್ವಾಭೀಷ್ಟಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಓಂ ಅನ್ನಪೂರ್ಣಾ ಶಿವಾ ದೇವೀ ಭೀಮಾ ಪುಷ್ಟಿಸ್ಸರಸ್ವತೀ ।
ಸರ್ವಜ್ಞಾ ಪಾರ್ವತೀ ದುರ್ಗಾ ಶರ್ವಾಣೀ ಶಿವವಲ್ಲಭಾ ॥ 1 ॥
ವೇದವೇದ್ಯಾ ಮಹಾವಿದ್ಯಾ ವಿದ್ಯಾದಾತ್ರೀ ವಿಶಾರದಾ ।
ಕುಮಾರೀ ತ್ರಿಪುರಾ ಬಾಲಾ ಲಕ್ಷ್ಮೀಶ್ಶ್ರೀರ್ಭಯಹಾರಿಣೀ ॥ 2 ॥
ಭವಾನೀ ವಿಷ್ಣುಜನನೀ ಬ್ರಹ್ಮಾದಿಜನನೀ ತಥಾ ।
ಗಣೇಶಜನನೀ ಶಕ್ತಿಃ ಕುಮಾರಜನನೀ ಶುಭಾ ॥ 3 ॥
ಭೋಗಪ್ರದಾ ಭಗವತೀ ಭಕ್ತಾಭೀಷ್ಟಪ್ರದಾಯಿನೀ ।
ಭವರೋಗಹರಾ ಭವ್ಯಾ ಶುಭ್ರಾ ಪರಮಮಂಗಲಾ ॥ 4 ॥
ಭವಾನೀ ಚಂಚಲಾ ಗೌರೀ ಚಾರುಚಂದ್ರಕಲಾಧರಾ ।
ವಿಶಾಲಾಕ್ಷೀ ವಿಶ್ವಮಾತಾ ವಿಶ್ವವಂದ್ಯಾ ವಿಲಾಸಿನೀ ॥ 5 ॥
ಆರ್ಯಾ ಕಲ್ಯಾಣನಿಲಯಾ ರುದ್ರಾಣೀ ಕಮಲಾಸನಾ ।
ಶುಭಪ್ರದಾ ಶುಭಾಽನಂತಾ ವೃತ್ತಪೀನಪಯೋಧರಾ ॥ 6 ॥
ಅಂಬಾ ಸಂಹಾರಮಥನೀ ಮೃಡಾನೀ ಸರ್ವಮಂಗಲಾ ।
ವಿಷ್ಣುಸಂಸೇವಿತಾ ಸಿದ್ಧಾ ಬ್ರಹ್ಮಾಣೀ ಸುರಸೇವಿತಾ ॥ 7 ॥
ಪರಮಾನಂದದಾ ಶಾಂತಿಃ ಪರಮಾನಂದರೂಪಿಣೀ ।
ಪರಮಾನಂದಜನನೀ ಪರಾನಂದಪ್ರದಾಯಿನೀ ॥ 8 ॥
ಪರೋಪಕಾರನಿರತಾ ಪರಮಾ ಭಕ್ತವತ್ಸಲಾ ।
ಪೂರ್ಣಚಂದ್ರಾಭವದನಾ ಪೂರ್ಣಚಂದ್ರನಿಭಾಂಶುಕಾ ॥ 9 ॥
ಶುಭಲಕ್ಷಣಸಂಪನ್ನಾ ಶುಭಾನಂದಗುಣಾರ್ಣವಾ ।
ಶುಭಸೌಭಾಗ್ಯನಿಲಯಾ ಶುಭದಾ ಚ ರತಿಪ್ರಿಯಾ ॥ 10 ॥
ಚಂಡಿಕಾ ಚಂಡಮಥನೀ ಚಂಡದರ್ಪನಿವಾರಿಣೀ ।
ಮಾರ್ತಾಂಡನಯನಾ ಸಾಧ್ವೀ ಚಂದ್ರಾಗ್ನಿನಯನಾ ಸತೀ ॥ 11 ॥
ಪುಂಡರೀಕಹರಾ ಪೂರ್ಣಾ ಪುಣ್ಯದಾ ಪುಣ್ಯರೂಪಿಣೀ ।
ಮಾಯಾತೀತಾ ಶ್ರೇಷ್ಠಮಾಯಾ ಶ್ರೇಷ್ಠಧರ್ಮಾತ್ಮವಂದಿತಾ ॥ 12 ॥
ಅಸೃಷ್ಟಿಸ್ಸಂಗರಹಿತಾ ಸೃಷ್ಟಿಹೇತು ಕಪರ್ದಿನೀ ।
ವೃಷಾರೂಢಾ ಶೂಲಹಸ್ತಾ ಸ್ಥಿತಿಸಂಹಾರಕಾರಿಣೀ ॥ 13 ॥
ಮಂದಸ್ಮಿತಾ ಸ್ಕಂದಮಾತಾ ಶುದ್ಧಚಿತ್ತಾ ಮುನಿಸ್ತುತಾ ।
ಮಹಾಭಗವತೀ ದಕ್ಷಾ ದಕ್ಷಾಧ್ವರವಿನಾಶಿನೀ ॥ 14 ॥
ಸರ್ವಾರ್ಥದಾತ್ರೀ ಸಾವಿತ್ರೀ ಸದಾಶಿವಕುಟುಂಬಿನೀ ।
ನಿತ್ಯಸುಂದರಸರ್ವಾಂಗೀ ಸಚ್ಚಿದಾನಂದಲಕ್ಷಣಾ ॥ 15 ॥
ನಾಮ್ನಾಮಷ್ಟೋತ್ತರಶತಮಂಬಾಯಾಃ ಪುಣ್ಯಕಾರಣಮ್ ।
ಸರ್ವಸೌಭಾಗ್ಯಸಿದ್ಧ್ಯರ್ಥಂ ಜಪನೀಯಂ ಪ್ರಯತ್ನತಃ ॥ 16 ॥
ಇದಂ ಜಪಾಧಿಕಾರಸ್ತು ಪ್ರಾಣಮೇವ ತತಸ್ಸ್ತುತಃ ।
ಆವಹಂತೀತಿ ಮಂತ್ರೇಣ ಪ್ರತ್ಯೇಕಂ ಚ ಯಥಾಕ್ರಮಮ್ ॥ 17 ॥
ಕರ್ತವ್ಯಂ ತರ್ಪಣಂ ನಿತ್ಯಂ ಪೀಠಮಂತ್ರೇತಿ ಮೂಲವತ್ ।
ತತ್ತನ್ಮಂತ್ರೇತಿಹೋಮೇತಿ ಕರ್ತವ್ಯಶ್ಚೇತಿ ಮಾಲವತ್ ॥ 18 ॥
ಏತಾನಿ ದಿವ್ಯನಾಮಾನಿ ಶ್ರುತ್ವಾ ಧ್ಯಾತ್ವಾ ನಿರಂತರಮ್ ।
ಸ್ತುತ್ವಾ ದೇವೀಂ ಚ ಸತತಂ ಸರ್ವಾನ್ಕಾಮಾನವಾಪ್ನುಯಾತ್ ॥ 19 ॥
ಇತಿ ಶ್ರೀ ಬ್ರಹ್ಮೋತ್ತರಖಂಡೇ ಆಗಮಪ್ರಖ್ಯಾತಿಶಿವರಹಸ್ಯೇ ಅನ್ನಪೂರ್ಣಾಷ್ಟೋತ್ತರ ಶತನಾಮಸ್ತೋತ್ರಮ್ ॥
