ಓಂಕಾರತತ್ತ್ವರೂಪಾಯ ದಿವ್ಯಜ್ಞಾನಾತ್ಮನೇ ನಮಃ ।
ನಭೋತೀತಮಹಾಧಾಮ್ನ ಐಂದ್ರ್ಯೃಧ್ಯಾ ಓಜಸೇ ನಮಃ ॥ 1॥

ನಷ್ಟಮತ್ಸರಗಮ್ಯಾಯಾಗಮ್ಯಾಚಾರಾತ್ಮವರ್ತ್ಮನೇ ।
ಮೋಚಿತಾಮೇಧ್ಯಕೃತಯೇ ಱ್ಹೀಂಬೀಜಶ್ರಾಣಿತಶ್ರಿಯೇ ॥ 2॥

ಮೋಹಾದಿವಿಭ್ರಮಾಂತಾಯ ಬಹುಕಾಯಧರಾಯ ಚ ।
ಭತ್ತದುರ್ವೈಭವಛೇತ್ರೇ ಕ್ಲೀಂಬೀಜವರಜಾಪಿನೇ ॥ 3॥

ಭವಹೇ-ತುವಿನಾಶಾಯ ರಾಜಚ್ಛೋಣಾಧರಾಯ ಚ ।
ಗತಿಪ್ರಕಂಪಿತಾಂಡಾಯ ಚಾರುವ್ಯಹತಬಾಹವೇ ॥ 4॥

ಗತಗ-ರ್ವಪ್ರಿಯಾಯಾಸ್ತು ಯಮಾದಿಯತಚೇತಸೇ ।
ವಶಿತಾಜಾತವಶ್ಯಾಯ ಮುಂಡಿನೇ ಅನಸೂಯವೇ ॥ 5॥

ವದದ್ವ-ರೇಣ್ಯವಾಗ್ಜಾಲಾ-ವಿಸ್ಪೃಷ್ಟವಿವಿಧಾತ್ಮನೇ ।
ತಪೋಧನಪ್ರಸನ್ನಾಯೇ-ಡಾಪತಿಸ್ತುತಕೀರ್ತಯೇ ॥ 6॥

ತೇಜೋಮಣ್ಯಂತರಂಗಾಯಾ-ದ್ಮರಸದ್ಮವಿಹಾಪನೇ ।
ಆಂತರಸ್ಥಾನಸಂಸ್ಥಾಯಾಯೈಶ್ವರ್ಯಶ್ರೌತಗೀತಯೇ ॥ 7॥

ವಾತಾದಿಭಯಯುಗ್ಭಾವ-ಹೇತವೇ ಹೇತುಬೇತವೇ ।
ಜಗದಾತ್ಮಾತ್ಮಭೂತಾಯ ವಿದ್ವಿಷತ್ಷಟ್ಕಘಾತಿನೇ ॥ 8॥

ಸುರವ-ರ್ಗೋದ್ಧೃತೇ ಭೃತ್ಯಾ ಅಸುರಾವಾಸಭೇದಿನೇ ।
ನೇತ್ರೇ ಚ ನಯನಾಕ್ಷ್ಣೇ ಚಿಚ್ಚೇತನಾಯ ಮಹಾತ್ಮನೇ ॥ 9॥

ದೇವಾಧಿದೇವದೇವಾಯ ವಸುಧಾಸುರಪಾಲಿನೇ ।
ಯಾಜಿನಾಮಗ್ರಗಣ್ಯಾಯ ದ್ರಾಂಬೀಜಜಪತುಷ್ಟಯೇ ॥ 10॥

ವಾಸನಾವನದಾವಾಯ ಧೂಲಿಯುಗ್ದೇಹಮಾಲಿನೇ ।
ಯತಿಸಂನ್ಯಾಸಿಗತಯೇ ದತ್ತಾತ್ರೇಯೇತಿ ಸಂವಿದೇ ॥ 11॥

ಯಜನಾಸ್ಯಭುಜೇಜಾಯ ತಾರಕಾವಾಸಗಾಮಿನೇ ।
ಮಹಾಜವಾಸ್ಪೃಗ್ರೂಪಾಯಾ-ತ್ತಾಕಾರಾಯ ವಿರೂಪಿಣೇ ॥ 12॥

ನರಾಯ ಧೀಪ್ರದೀಪಾಯ ಯಶಸ್ವಿಯಶಸೇ ನಮಃ ।
ಹಾರಿಣೇ ಚೋಜ್ವಲಾಂಗಾಯಾತ್ರೇಸ್ತನೂಜಾಯ ಸಂಭವೇ ॥ 13॥

ಮೋಚಿತಾಮರಸಂಘಾಯ ಧೀಮತಾಂ ಧೀರಕಾಯ ಚ ।
ಬಲಿಷ್ಠವಿಪ್ರಲಭ್ಯಾಯ ಯಾಗಹೋಮಪ್ರಿಯಾಯ ಚ ॥ 14॥

ಭಜನ್ಮಹಿಮವಿಖ಼ಯಾತ್ರೇಽಮರಾರಿಮಹಿಮಚ್ಛಿದೇ ।
ಲಾಭಾಯ ಮುಂಡಿಪೂಜ್ಯಾಯ ಯಮಿನೇ ಹೇಮಮಾಲಿನೇ ॥ 15॥

ಗತೋಪಾಧಿವ್ಯಾಧಯೇ ಚ ಹಿರಣ್ಯಾಹಿತಕಾಂತಯೇ ।
ಯತೀಂದ್ರಚರ್ಯಾಂ ದಧತೇ ನರಭಾವೌಷಧಾಯ ಚ ॥ 16॥

ವರಿಷ್ಠಯೋಗಿಪೂಜ್ಯಾಯ ತಂತುಸಂತನ್ವತೇ ನಮಃ ।
ಸ್ವಾತ್ಮಗಾಥಾಸುತೀರ್ಥಾಯ ಮಃಶ್ರಿಯೇ ಷಟ್ಕರಾಯ ಚ ॥ 17॥

ತೇಜೋಮಯೋತ್ತಮಾಂಗಾಯ ನೋದನಾನೋದ್ಯಕರ್ಮಣೇ ।
ಹಾನ್ಯಾಪ್ತಿಮೃತಿವಿಜ್ಞಾತ್ರ ಓಂಕಾರಿತಸುಭಕ್ತಯೇ ॥ 18॥

ರುಕ್ಷುಙ್ಮನಃಖೇದಹೃತೇ ದರ್ಶನಾವಿಷಯಾತ್ಮನೇ ।
ರಾಂಕವಾತತವಸ್ತ್ರಾಯ ನರತತ್ತ್ವಪ್ರಕಾಶಿನೇ ॥ 19॥

ದ್ರಾವಿತಪ್ರಣತಾಘಾಯಾ-ತ್ತಃಸ್ವಜಿಷ್ಣುಃಸ್ವರಾಶಯೇ ।
ರಾಜಂತ್ರ್ಯಾಸ್ಯೈಕರೂಪಾಯ ಮಃಸ್ಥಾಯಮಸುಬಮ್ಧವೇ ॥ 20॥

ಯತಯೇ ಚೋದನಾತೀತ- ಪ್ರಚಾರಪ್ರಭವೇ ನಮಃ ।
ಮಾನರೋಷವಿಹೀನಾಯ ಶಿಷ್ಯಸಂಸಿದ್ಧಿಕಾರಿಣೇ ॥ 21॥

ಗಂಗೇ ಪಾದವಿಹೀನಾಯ ಚೋದನಾಚೋದಿತಾತ್ಮನೇ ।
ಯವೀಯಸೇಽಲರ್ಕದುಃಖ-ವಾರಿಣೇಽಖಂಡಿತಾತ್ಮನೇ ॥ 22॥

ಹ್ರೀಂಬೀಜಾಯಾರ್ಜುನಜ್ಯೇಷ್ಠಾಯ ದರ್ಶನಾದರ್ಶಿತಾತ್ಮನೇ ।
ನತಿಸಂತುಷ್ಟಚಿತ್ತಾಯ ಯತಿನೇ ಬ್ರಹ್ಮಚಾರಿಣೇ ॥ 23॥

ಇತ್ಯೇಷ ಸತ್ಸ್ತವೋ ವೃತ್ತೋಯಾತ್ ಕಂ ದೇಯಾತ್ಪ್ರಜಾಪಿನೇ ।
ಮಸ್ಕರೀಶೋ ಮನುಸ್ಯೂತಃ ಪರಬ್ರಹ್ಮಪದಪ್ರದಃ ॥ 24॥

॥ ಇತಿ ಶ್ರೀ. ಪ. ಪ. ಶ್ರೀವಾಸುದೇವಾನಂದ ಸರಸ್ವತೀ ವಿರಚಿತಂ
ಮಂತ್ರಗರ್ಭ ಶ್ರೀ ದತ್ತಾತ್ರೇಯಾಷ್ಟೋತ್ತರಶತನಾಮ ಸ್ತೋತ್ರಂ ಸಂಪೂರ್ಣಂ॥