অস্য় শ্রী অন্নপূর্ণাষ্টোত্তর শতনামস্তোত্র মহামংত্রস্য় ব্রহ্মা ঋষিঃ অনুষ্টুপ্ছংদঃ শ্রী অন্নপূর্ণেশ্বরী দেবতা স্বধা বীজং স্বাহা শক্তিঃ ওং কীলকং মম সর্বাভীষ্টপ্রসাদসিদ্ধ্যর্থে জপে বিনিয়োগঃ ।
ওং অন্নপূর্ণা শিবা দেবী ভীমা পুষ্টিস্সরস্বতী ।
সর্বজ্ঞা পার্বতী দুর্গা শর্বাণী শিববল্লভা ॥ 1 ॥
বেদবেদ্য়া মহাবিদ্য়া বিদ্য়াদাত্রী বিশারদা ।
কুমারী ত্রিপুরা বালা লক্ষ্মীশ্শ্রীর্ভযহারিণী ॥ 2 ॥
ভবানী বিষ্ণুজননী ব্রহ্মাদিজননী তথা ।
গণেশজননী শক্তিঃ কুমারজননী শুভা ॥ 3 ॥
ভোগপ্রদা ভগবতী ভক্তাভীষ্টপ্রদায়িনী ।
ভবরোগহরা ভব্য়া শুভ্রা পরমমংগলা ॥ 4 ॥
ভবানী চংচলা গৌরী চারুচংদ্রকলাধরা ।
বিশালাক্ষী বিশ্বমাতা বিশ্ববংদ্য়া বিলাসিনী ॥ 5 ॥
আর্য়া কল্য়াণনিলয়া রুদ্রাণী কমলাসনা ।
শুভপ্রদা শুভাঽনংতা বৃত্তপীনপয়োধরা ॥ 6 ॥
অংবা সংহারমথনী মৃডানী সর্বমংগলা ।
বিষ্ণুসংসেবিতা সিদ্ধা ব্রহ্মাণী সুরসেবিতা ॥ 7 ॥
পরমানংদদা শাংতিঃ পরমানংদরূপিণী ।
পরমানংদজননী পরানংদপ্রদায়িনী ॥ 8 ॥
পরোপকারনিরতা পরমা ভক্তবত্সলা ।
পূর্ণচংদ্রাভবদনা পূর্ণচংদ্রনিভাংশুকা ॥ 9 ॥
শুভলক্ষণসংপন্না শুভানংদগুণার্ণবা ।
শুভসৌভাগ্যনিলয়া শুভদা চ রতিপ্রিয়া ॥ 10 ॥
চংডিকা চংডমথনী চংডদর্পনিবারিণী ।
মার্তাংডনযনা সাধ্বী চংদ্রাগ্নিনযনা সতী ॥ 11 ॥
পুংডরীকহরা পূর্ণা পুণ্যদা পুণ্যরূপিণী ।
মায়াতীতা শ্রেষ্ঠমায়া শ্রেষ্ঠধর্মাত্মবংদিতা ॥ 12 ॥
অসৃষ্টিস্সংগরহিতা সৃষ্টিহেতু কপর্দিনী ।
বৃষারূঢা শূলহস্তা স্থিতিসংহারকারিণী ॥ 13 ॥
মংদস্মিতা স্কংদমাতা শুদ্ধচিত্তা মুনিস্তুতা ।
মহাভগবতী দক্ষা দক্ষাধ্বরবিনাশিনী ॥ 14 ॥
সর্বার্থদাত্রী সাবিত্রী সদাশিবকুটুংবিনী ।
নিত্যসুংদরসর্বাংগী সচ্চিদানংদলক্ষণা ॥ 15 ॥
নাম্নামষ্টোত্তরশতমংবায়াঃ পুণ্যকারণম্ ।
সর্বসৌভাগ্যসিদ্ধ্যর্থং জপনীয়ং প্রযত্নতঃ ॥ 16 ॥
ইদং জপাধিকারস্তু প্রাণমেব ততস্স্তুতঃ ।
আবহংতীতি মংত্রেণ প্রত্য়েকং চ যথাক্রমম্ ॥ 17 ॥
কর্তব্য়ং তর্পণং নিত্য়ং পীঠমংত্রেতি মূলবত্ ।
তত্তন্মংত্রেতিহোমেতি কর্তব্যশ্চেতি মালবত্ ॥ 18 ॥
এতানি দিব্যনামানি শ্রুত্বা ধ্য়াত্বা নিরংতরম্ ।
স্তুত্বা দেবীং চ সততং সর্বান্কামানবাপ্নুয়াত্ ॥ 19 ॥
ইতি শ্রী ব্রহ্মোত্তরখংডে আগমপ্রখ্য়াতিশিবরহস্য়ে অন্নপূর্ণাষ্টোত্তর শতনামস্তোত্রম্ ॥
