അസ്യ ശ്രീബുധകവചസ്തോത്രമംത്രസ്യ, കശ്യപ ഋഷിഃ,
അനുഷ്ടുപ് ഛംദഃ, ബുധോ ദേവതാ, ബുധപ്രീത്യര്ഥം ജപേ വിനിയോഗഃ ।
അഥ ബുധ കവചമ്
ബുധസ്തു പുസ്തകധരഃ കുംകുമസ്യ സമദ്യുതിഃ ।
പീതാംബരധരഃ പാതു പീതമാല്യാനുലേപനഃ ॥ 1 ॥
കടിം ച പാതു മേ സൌമ്യഃ ശിരോദേശം ബുധസ്തഥാ ।
നേത്രേ ജ്ഞാനമയഃ പാതു ശ്രോത്രേ പാതു നിശാപ്രിയഃ ॥ 2 ॥
ഘ്രാണം ഗംധപ്രിയഃ പാതു ജിഹ്വാം വിദ്യാപ്രദോ മമ ।
കംഠം പാതു വിധോഃ പുത്രോ ഭുജൌ പുസ്തകഭൂഷണഃ ॥ 3 ॥
വക്ഷഃ പാതു വരാംഗശ്ച ഹൃദയം രോഹിണീസുതഃ ।
നാഭിം പാതു സുരാരാധ്യോ മധ്യം പാതു ഖഗേശ്വരഃ ॥ 4 ॥
ജാനുനീ രൌഹിണേയശ്ച പാതു ജംഘേ??ഉഖിലപ്രദഃ ।
പാദൌ മേ ബോധനഃ പാതു പാതു സൌമ്യോ??ഉഖിലം വപുഃ ॥ 5 ॥
അഥ ഫലശ്രുതിഃ
ഏതദ്ധി കവചം ദിവ്യം സർവപാപപ്രണാശനമ് ।
സർവരോഗപ്രശമനം സർവദുഃഖനിവാരണമ് ॥ 6 ॥
ആയുരാരോഗ്യശുഭദം പുത്രപൌത്രപ്രവര്ധനമ് ।
യഃ പഠേച്ഛൃണുയാദ്വാപി സർവത്ര വിജയീ ഭവേത് ॥ 7 ॥
॥ ഇതി ശ്രീബ്രഹ്മവൈവര്തപുരാണേ ബുധകവചം സംപൂര്ണമ് ॥
