ശൃണു നാമാനി രാഹോശ്ച സൈംഹികേയോ വിധുംതുദഃ ।
സുരശത്രുസ്തമശ്ചൈവ ഫണീ ഗാര്ഗ്യായണസ്തഥാ ॥ 1 ॥

സുരാഗുര്നീലജീമൂതസംകാശശ്ച ചതുര്ഭുജഃ ।
ഖഡ്ഗഖേടകധാരീ ച വരദായകഹസ്തകഃ ॥ 2 ॥

ശൂലായുധോ മേഘവര്ണഃ കൃഷ്ണധ്വജപതാകവാന് ।
ദക്ഷിണാശാമുഖരതഃ തീക്ഷ്ണദംഷ്ട്രധരായ ച ॥ 3 ॥

ശൂര്പാകാരാസനസ്ഥശ്ച ഗോമേദാഭരണപ്രിയഃ ।
മാഷപ്രിയഃ കശ്യപര്ഷിനംദനോ ഭുജഗേശ്വരഃ ॥ 4 ॥

ഉല്കാപാതജനിഃ ശൂലീ നിധിപഃ കൃഷ്ണസര്പരാട് ।
വിഷജ്വലാവൃതാസ്യോഽര്ധശരീരോ ജാദ്യസംപ്രദഃ ॥ 5 ॥

രവീംദുഭീകരശ്ഛായാസ്വരൂപീ കഠിനാംഗകഃ ।
ദ്വിഷച്ചക്രച്ഛേദകോഽഥ കരാളാസ്യോ ഭയംകരഃ ॥ 6 ॥

ക്രൂരകര്മാ തമോരൂപഃ ശ്യാമാത്മാ നീലലോഹിതഃ ।
കിരീടീ നീലവസനഃ ശനിസാമംതവര്ത്മഗഃ ॥ 7 ॥

ചാംഡാലവര്ണോഽഥാശ്വ്യര്ക്ഷഭവോ മേഷഭവസ്തഥാ ।
ശനിവത്ഫലദഃ ശൂരോഽപസവ്യഗതിരേവ ച ॥ 8 ॥

ഉപരാഗകരഃ സൂര്യഹിമാംശുച്ഛവിഹാരകഃ ।
നീലപുഷ്പവിഹാരശ്ച ഗ്രഹശ്രേഷ്ഠോഽഷ്ടമഗ്രഹഃ ॥ 9 ॥

കബംധമാത്രദേഹശ്ച യാതുധാനകുലോദ്ഭവഃ ।
ഗോവിംദവരപാത്രം ച ദേവജാതിപ്രവിഷ്ടകഃ ॥ 10 ॥

ക്രൂരോ ഘോരഃ ശനേര്മിത്രം ശുക്രമിത്രമഗോചരഃ ।
മാനേഗംഗാസ്നാനദാതാ സ്വഗൃഹേപ്രബലാഢ്യകഃ ॥ 11 ॥

സദ്ഗൃഹേഽന്യബലധൃച്ചതുര്ഥേ മാതൃനാശകഃ ।
ചംദ്രയുക്തേ തു ചംഡാലജന്മസൂചക ഏവ തു ॥ 12 ॥

ജന്മസിംഹേ രാജ്യദാതാ മഹാകായസ്തഥൈവ ച ।
ജന്മകര്താ വിധുരിപു മത്തകോ ജ്ഞാനദശ്ച സഃ ॥ 13 ॥

ജന്മകന്യാരാജ്യദാതാ ജന്മഹാനിദ ഏവ ച ।
നവമേ പിതൃഹംതാ ച പംചമേ ശോകദായകഃ ॥ 14 ॥

ദ്യൂനേ കളത്രഹംതാ ച സപ്തമേ കലഹപ്രദഃ ।
ഷഷ്ഠേ തു വിത്തദാതാ ച ചതുര്ഥേ വൈരദായകഃ ॥ 15 ॥

നവമേ പാപദാതാ ച ദശമേ ശോകദായകഃ ।
ആദൌ യശഃ പ്രദാതാ ച അംതേ വൈരപ്രദായകഃ ॥ 16 ॥

കാലാത്മാ ഗോചരാചാരോ ധനേ ചാസ്യ കകുത്പ്രദഃ ।
പംചമേ ധിഷണാശൃംഗദഃ സ്വര്ഭാനുര്ബലീ തഥാ ॥ 17 ॥

മഹാസൌഖ്യപ്രദായീ ച ചംദ്രവൈരീ ച ശാശ്വതഃ ।
സുരശത്രുഃ പാപഗ്രഹഃ ശാംഭവഃ പൂജ്യകസ്തഥാ ॥ 18 ॥

പാടീരപൂരണശ്ചാഥ പൈഠീനസകുലോദ്ഭവഃ ।
ദീര്ഘകൃഷ്ണോഽതനുർവിഷ്ണുനേത്രാരിര്ദേവദാനവൌ ॥ 19 ॥

ഭക്തരക്ഷോ രാഹുമൂര്തിഃ സർവാഭീഷ്ടഫലപ്രദഃ ।
ഏതദ്രാഹുഗ്രഹസ്യോക്തം നാമ്നാമഷ്ടോത്തരം ശതമ് ॥ 20 ॥

ശ്രദ്ധയാ യോ ജപേന്നിത്യം മുച്യതേ സർവസംകടാത് ।
സർവസംപത്കരസ്തസ്യ രാഹുരിഷ്ടപ്രദായകഃ ॥ 21 ॥

ഇതി ശ്രീ രാഹു അഷ്ടോത്തരശതനാമ സ്തോത്രമ് ।