മഹീസുതോ മഹാഭാഗോ മംഗളോ മംഗളപ്രദഃ ।
മഹാവീരോ മഹാശൂരോ മഹാബലപരാക്രമഃ ॥ 1 ॥

മഹാരൌദ്രോ മഹാഭദ്രോ മാനനീയോ ദയാകരഃ ।
മാനദോഽമര്ഷണഃ ക്രൂരസ്താപപാപവിവര്ജിതഃ ॥ 2 ॥

സുപ്രതീപഃ സുതാമ്രാക്ഷഃ സുബ്രഹ്മണ്യഃ സുഖപ്രദഃ ।
വക്രസ്തംഭാദിഗമനോ വരേണ്യോ വരദഃ സുഖീ ॥ 3 ॥

വീരഭദ്രോ വിരൂപാക്ഷോ വിദൂരസ്ഥോ വിഭാവസുഃ ।
നക്ഷത്രചക്രസംചാരീ ക്ഷത്രപഃ ക്ഷാത്രവര്ജിതഃ ॥ 4 ॥

ക്ഷയവൃദ്ധിവിനിര്മുക്തഃ ക്ഷമായുക്തോ വിചക്ഷണഃ ।
അക്ഷീണഫലദഃ ചക്ഷുര്ഗോചരഃ ശുഭലക്ഷണഃ ॥ 5 ॥

വീതരാഗോ വീതഭയോ വിജ്വരോ വിശ്വകാരണഃ ।
നക്ഷത്രരാശിസംചാരോ നാനാഭയനികൃംതനഃ ॥ 6 ॥

കമനീയോ ദയാസാരഃ കനത്കനകഭൂഷണഃ ।
ഭയഘ്നോ ഭവ്യഫലദോ ഭക്താഭയവരപ്രദഃ ॥ 7 ॥

ശത്രുഹംതാ ശമോപേതഃ ശരണാഗതപോഷകഃ ।
സാഹസഃ സദ്ഗുണാഽധ്യക്ഷഃ സാധുഃ സമരദുര്ജയഃ ॥ 8 ॥

ദുഷ്ടദൂരഃ ശിഷ്ടപൂജ്യഃ സർവകഷ്ടനിവാരകഃ ।
ദുശ്ചേഷ്ടവാരകോ ദുഃഖഭംജനോ ദുര്ധരോ ഹരിഃ ॥ 9 ॥

ദുഃസ്വപ്നഹംതാ ദുര്ധര്ഷോ ദുഷ്ടഗർവവിമോചകഃ ।
ഭരദ്വാജകുലോദ്ഭൂതോ ഭൂസുതോ ഭവ്യഭൂഷണഃ ॥ 10 ॥

രക്താംബരോ രക്തവപുര്ഭക്തപാലനതത്പരഃ ।
ചതുര്ഭുജോ ഗദാധാരീ മേഷവാഹോഽമിതാശനഃ ॥ 11 ॥

ശക്തിശൂലധരഃ ശക്തഃ ശസ്ത്രവിദ്യാവിശാരദഃ ।
താര്കികസ്താമസാധാരസ്തപസ്വീ താമ്രലോചനഃ ॥ 12 ॥

തപ്തകാംചനസംകാശോ രക്തകിംജല്കസന്നിഭഃ ।
ഗോത്രാധിദേവോ ഗോമധ്യചരോ ഗുണവിഭൂഷണഃ ॥ 13 ॥

അസൃഗംഗാരകോഽവംതീദേശാധീശോ ജനാര്ദനഃ ।
സൂര്യയാമ്യപ്രദേശസ്ഥോ യൌവനോ യാമ്യദിങ്മുഖഃ ॥ 14 ॥

ത്രികോണമംഡലഗതസ്ത്രിദശാധിപസന്നുതഃ ।
ശുചിഃ ശുചികരഃ ശൂരോ ശുചിവശ്യഃ ശുഭാവഹഃ ॥ 15 ॥

മേഷവൃശ്ചികരാശീശോ മേധാവീ മിതഭാഷണഃ ।
സുഖപ്രദഃ സുരൂപാക്ഷഃ സർവാഭീഷ്ടഫലപ്രദഃ ॥ 16 ॥

ഇതി ശ്രീ അംഗാരകാഷ്ടോത്തരശതനാമ സ്തോത്രമ് ।