ସୁରସ ସୁବୋଧା ଵିଶ୍ଵମନୋଜ୍ଞା
ଲଲିତା ହୃଦ୍ୟା ରମଣୀୟା ।
ଅମୃତଵାଣୀ ସଂସ୍କୃତଭାଷା
ନୈଵ କ୍ଲିଷ୍ଟା ନ ଚ କଠିନା ॥

କଵିକୁଲଗୁରୁ ଵାଲ୍ମୀକି ଵିରଚିତା
ରାମାୟଣ ରମଣୀୟ କଥା ।
ଅତୀଵ ସରଳା ମଧୁର ମଂଜୁଲା
ନୈଵ କ୍ଲିଷ୍ଟା ନ ଚ କଠିନା ॥

ଵ୍ୟାସ ଵିରଚିତା ଗଣେଶ ଲିଖିତା
ମହାଭାରତେ ପୁଣ୍ୟ କଥା ।
କୌରଵ ପାଂଡଵ ସଂଗର ମଥିତା
ନୈଵ କ୍ଲିଷ୍ଟା ନ ଚ କଠିନା ॥

କୁରୁକ୍ଷେତ୍ର ସମରାଂଗଣ ଗୀତା
ଵିଶ୍ଵଵଂଦିତା ଭଗଵଦ୍ଗୀତା ।
ଅତୀଵ ମଧୁରା କର୍ମଦୀପିକା
ନୈଵ କ୍ଲିଷ୍ଟା ନ ଚ କଠିନା ॥

କଵି କୁଲଗୁରୁ ନଵ ରସୋନ୍ମେଷଜା
ଋତୁ ରଘୁ କୁମାର କଵିତା ।
ଵିକ୍ରମ-ଶାକୁଂତଲ-ମାଳଵିକା
ନୈଵ କ୍ଲିଷ୍ଟା ନ ଚ କଠିନା ॥

ରଚନ: ଵସଂତ ଗାଡଗୀଲଃ