ರಂ ರಂ ರಂ ರಕ್ತವರ್ಣಂ ದಿನಕರವದನಂ ತೀಕ್ಷ್ಣದಂಷ್ಟ್ರಾಕರಾಳಂ
ರಂ ರಂ ರಂ ರಮ್ಯತೇಜಂ ಗಿರಿಚಲನಕರಂ ಕೀರ್ತಿಪಞ್ಚಾದಿ ವಕ್ತ್ರಮ್ ।
ರಂ ರಂ ರಂ ರಾಜಯೋಗಂ ಸಕಲಶುಭನಿಧಿಂ ಸಪ್ತಭೇತಾಳಭೇದ್ಯಂ
ರಂ ರಂ ರಂ ರಾಕ್ಷಸಾನ್ತಂ ಸಕಲದಿಶಯಶಂ ರಾಮದೂತಂ ನಮಾಮಿ ॥ 1 ॥

ಖಂ ಖಂ ಖಂ ಖಡ್ಗಹಸ್ತಂ ವಿಷಜ್ವರಹರಣಂ ವೇದವೇದಾಙ್ಗದೀಪಂ
ಖಂ ಖಂ ಖಂ ಖಡ್ಗರೂಪಂ ತ್ರಿಭುವನನಿಲಯಂ ದೇವತಾಸುಪ್ರಕಾಶಮ್ ।
ಖಂ ಖಂ ಖಂ ಕಲ್ಪವೃಕ್ಷಂ ಮಣಿಮಯಮಕುಟಂ ಮಾಯ ಮಾಯಾಸ್ವರೂಪಂ
ಖಂ ಖಂ ಖಂ ಕಾಲಚಕ್ರಂ ಸಕಲದಿಶಯಶಂ ರಾಮದೂತಂ ನಮಾಮಿ ॥ 2 ॥

ಇಂ ಇಂ ಇಂ ಇನ್ದ್ರವನ್ದ್ಯಂ ಜಲನಿಧಿಕಲನಂ ಸೌಮ್ಯಸಾಮ್ರಾಜ್ಯಲಾಭಂ
ಇಂ ಇಂ ಇಂ ಸಿದ್ಧಿಯೋಗಂ ನತಜನಸದಯಂ ಆರ್ಯಪೂಜ್ಯಾರ್ಚಿತಾಙ್ಗಮ್ ।
ಇಂ ಇಂ ಇಂ ಸಿಂಹನಾದಂ ಅಮೃತಕರತಲಂ ಆದಿಅನ್ತ್ಯಪ್ರಕಾಶಂ
ಇಂ ಇಂ ಇಂ ಚಿತ್ಸ್ವರೂಪಂ ಸಕಲದಿಶಯಶಂ ರಾಮದೂತಂ ನಮಾಮಿ ॥ 3 ॥

ಸಂ ಸಂ ಸಂ ಸಾಕ್ಷಿಭೂತಂ ವಿಕಸಿತವದನಂ ಪಿಙ್ಗಲಾಕ್ಷಂ ಸುರಕ್ಷಂ
ಸಂ ಸಂ ಸಂ ಸತ್ಯಗೀತಂ ಸಕಲಮುನಿನುತಂ ಶಾಸ್ತ್ರಸಮ್ಪತ್ಕರೀಯಮ್ ।
ಸಂ ಸಂ ಸಂ ಸಾಮವೇದಂ ನಿಪುಣ ಸುಲಲಿತಂ ನಿತ್ಯತತ್ತ್ವಸ್ವರೂಪಂ
ಸಂ ಸಂ ಸಂ ಸಾವಧಾನಂ ಸಕಲದಿಶಯಶಂ ರಾಮದೂತಂ ನಮಾಮಿ ॥ 4 ॥

ಹಂ ಹಂ ಹಂ ಹಂಸರೂಪಂ ಸ್ಫುಟವಿಕಟಮುಖಂ ಸೂಕ್ಷ್ಮಸೂಕ್ಷ್ಮಾವತಾರಂ
ಹಂ ಹಂ ಹಂ ಅನ್ತರಾತ್ಮಂ ರವಿಶಶಿನಯನಂ ರಮ್ಯಗಮ್ಭೀರಭೀಮಮ್ ।
ಹಂ ಹಂ ಹಂ ಅಟ್ಟಹಾಸಂ ಸುರವರನಿಲಯಂ ಊರ್ಧ್ವರೋಮಂ ಕರಾಳಂ
ಹಂ ಹಂ ಹಂ ಹಂಸಹಂಸಂ ಸಕಲದಿಶಯಶಂ ರಾಮದೂತಂ ನಮಾಮಿ ॥ 5 ॥

ಇತಿ ಶ್ರೀ ರಾಮದೂತ ಸ್ತೋತ್ರಮ್ ॥