ವೈಶಾಖೇ ಮಾಸಿ ಕೃಷ್ಣಾಯಾಂ ದಶಮ್ಯಾಂ ಮನ್ದವಾಸರೇ ।
ಪೂರ್ವಾಭಾದ್ರಾ ಪ್ರಭೂತಾಯ ಮಙ್ಗಳಂ ಶ್ರೀಹನೂಮತೇ ॥ 1 ॥

ಕರುಣಾರಸಪೂರ್ಣಾಯ ಫಲಾಪೂಪಪ್ರಿಯಾಯ ಚ ।
ಮಾಣಿಕ್ಯಹಾರಕಣ್ಠಾಯ ಮಙ್ಗಳಂ ಶ್ರೀಹನೂಮತೇ ॥ 2 ॥

ಸುವರ್ಚಲಾಕಳತ್ರಾಯ ಚತುರ್ಭುಜಧರಾಯ ಚ ।
ಉಷ್ಟ್ರಾರೂಢಾಯ ವೀರಾಯ ಮಙ್ಗಳಂ ಶ್ರೀಹನೂಮತೇ ॥ 3 ॥

ದಿವ್ಯಮಙ್ಗಳದೇಹಾಯ ಪೀತಾಮ್ಬರಧರಾಯ ಚ ।
ತಪ್ತಕಾಞ್ಚನವರ್ಣಾಯ ಮಙ್ಗಳಂ ಶ್ರೀಹನೂಮತೇ ॥ 4 ॥

ಭಕ್ತರಕ್ಷಣಶೀಲಾಯ ಜಾನಕೀಶೋಕಹಾರಿಣೇ ।
ಸೃಷ್ಟಿಕಾರಣಭೂತಾಯ ಮಙ್ಗಳಂ ಶ್ರೀಹನೂಮತೇ ॥ 5 ॥

ರಮ್ಭಾವನವಿಹಾರಾಯ ಗನ್ಧಮಾದನವಾಸಿನೇ ।
ಸರ್ವಲೋಕೈಕನಾಥಾಯ ಮಙ್ಗಳಂ ಶ್ರೀಹನೂಮತೇ ॥ 6 ॥

ಪಞ್ಚಾನನಾಯ ಭೀಮಾಯ ಕಾಲನೇಮಿಹರಾಯ ಚ ।
ಕೌಣ್ಡಿನ್ಯಗೋತ್ರಜಾತಾಯ ಮಙ್ಗಳಂ ಶ್ರೀಹನೂಮತೇ ॥ 7 ॥

ಕೇಸರೀಪುತ್ರ ದಿವ್ಯಾಯ ಸೀತಾನ್ವೇಷಪರಾಯ ಚ ।
ವಾನರಾಣಾಂ ವರಿಷ್ಠಾಯ ಮಙ್ಗಳಂ ಶ್ರೀಹನೂಮತೇ ॥ 8 ॥

ಇತಿ ಶ್ರೀ ಹನುಮಾನ್ ಮಙ್ಗಳಾಷ್ಟಕಮ್ ।