ಆಞ್ಜನೇಯೋ ಮಹಾವೀರೋ ಹನುಮಾನ್ಮಾರುತಾತ್ಮಜಃ ।
ತತ್ವಜ್ಞಾನಪ್ರದಃ ಸೀತಾದೇವೀಮುದ್ರಾಪ್ರದಾಯಕಃ ॥ 1 ॥

ಅಶೋಕವನಿಕಾಚ್ಛೇತ್ತಾ ಸರ್ವಮಾಯಾವಿಭಞ್ಜನಃ ।
ಸರ್ವಬನ್ಧವಿಮೋಕ್ತಾ ಚ ರಕ್ಷೋವಿಧ್ವಂಸಕಾರಕಃ ॥ 2 ॥

ಪರವಿದ್ಯಾಪರೀಹಾರಃ ಪರಶೌರ್ಯವಿನಾಶನಃ ।
ಪರಮನ್ತ್ರನಿರಾಕರ್ತಾ ಪರಯನ್ತ್ರಪ್ರಭೇದಕಃ ॥ 3 ॥

ಸರ್ವಗ್ರಹವಿನಾಶೀ ಚ ಭೀಮಸೇನಸಹಾಯಕೃತ್ ।
ಸರ್ವದುಃಖಹರಃ ಸರ್ವಲೋಕಚಾರೀ ಮನೋಜವಃ ॥ 4 ॥

ಪಾರಿಜಾತದ್ರುಮೂಲಸ್ಥಃ ಸರ್ವಮನ್ತ್ರಸ್ವರೂಪವಾನ್ ।
ಸರ್ವತನ್ತ್ರಸ್ವರೂಪೀ ಚ ಸರ್ವಯನ್ತ್ರಾತ್ಮಕಸ್ತಥಾ ॥ 5 ॥

ಕಪೀಶ್ವರೋ ಮಹಾಕಾಯಃ ಸರ್ವರೋಗಹರಃ ಪ್ರಭುಃ ।
ಬಲಸಿದ್ಧಿಕರಃ ಸರ್ವವಿದ್ಯಾಸಮ್ಪತ್ಪ್ರದಾಯಕಃ ॥ 6 ॥

ಕಪಿಸೇನಾನಾಯಕಶ್ಚ ಭವಿಷ್ಯಚ್ಚತುರಾನನಃ ।
ಕುಮಾರಬ್ರಹ್ಮಚಾರೀ ಚ ರತ್ನಕುಣ್ಡಲದೀಪ್ತಿಮಾನ್ ॥ 7 ॥

ಸಞ್ಚಲದ್ವಾಲಸನ್ನದ್ಧಲಮ್ಬಮಾನಶಿಖೋಜ್ಜ್ವಲಃ ।
ಗನ್ಧರ್ವವಿದ್ಯಾತತ್ತ್ವಜ್ಞೋ ಮಹಾಬಲಪರಾಕ್ರಮಃ ॥ 8 ॥

ಕಾರಾಗೃಹವಿಮೋಕ್ತಾ ಚ ಶೃಙ್ಖಲಾಬನ್ಧಮೋಚಕಃ ।
ಸಾಗರೋತ್ತಾರಕಃ ಪ್ರಾಜ್ಞೋ ರಾಮದೂತಃ ಪ್ರತಾಪವಾನ್ ॥ 9 ॥

ವಾನರಃ ಕೇಸರಿಸುತಃ ಸೀತಾಶೋಕನಿವಾರಕಃ ।
ಅಞ್ಜನಾಗರ್ಭಸಮ್ಭೂತೋ ಬಾಲಾರ್ಕಸದೃಶಾನನಃ ॥ 10 ॥

ವಿಭೀಷಣಪ್ರಿಯಕರೋ ದಶಗ್ರೀವಕುಲಾನ್ತಕಃ ।
ಲಕ್ಷ್ಮಣಪ್ರಾಣದಾತಾ ಚ ವಜ್ರಕಾಯೋ ಮಹಾದ್ಯುತಿಃ ॥ 11 ॥

ಚಿರಞ್ಜೀವೀ ರಾಮಭಕ್ತೋ ದೈತ್ಯಕಾರ್ಯವಿಘಾತಕಃ ।
ಅಕ್ಷಹನ್ತಾ ಕಾಞ್ಚನಾಭಃ ಪಞ್ಚವಕ್ತ್ರೋ ಮಹಾತಪಾಃ ॥ 12 ॥

ಲಙ್ಕಿಣೀಭಞ್ಜನಃ ಶ್ರೀಮಾನ್ ಸಿಂಹಿಕಾಪ್ರಾಣಭಞ್ಜನಃ ।
ಗನ್ಧಮಾದನಶೈಲಸ್ಥೋ ಲಙ್ಕಾಪುರವಿದಾಹಕಃ ॥ 13 ॥

ಸುಗ್ರೀವಸಚಿವೋ ಧೀರಃ ಶೂರೋ ದೈತ್ಯಕುಲಾನ್ತಕಃ ।
ಸುರಾರ್ಚಿತೋ ಮಹಾತೇಜಾ ರಾಮಚೂಡಾಮಣಿಪ್ರದಃ ॥ 14 ॥

ಕಾಮರೂಪೀ ಪಿಙ್ಗಲಾಕ್ಷೋ ವಾರ್ಧಿಮೈನಾಕಪೂಜಿತಃ ।
ಕಬಳೀಕೃತಮಾರ್ತಾಣ್ಡಮಣ್ಡಲೋ ವಿಜಿತೇನ್ದಿರ್ಯಃ ॥ 15 ॥

ರಾಮಸುಗ್ರೀವಸನ್ಧಾತಾ ಮಹಿರಾವಣಮರ್ದನಃ ।
ಸ್ಫಟಿಕಾಭೋ ವಾಗಧೀಶೋ ನವವ್ಯಾಕೃತಿಪಣ್ಡಿತಃ ॥ 16 ॥

ಚತುರ್ಬಾಹುರ್ದೀನಬನ್ಧುರ್ಮಹಾತ್ಮಾ ಭಕ್ತವತ್ಸಲಃ ।
ಸಞ್ಜೀವನನಗಾಹರ್ತಾ ಶುಚಿರ್ವಾಗ್ಮೀ ದೃಢವ್ರತಃ ॥ 17 ॥

ಕಾಲನೇಮಿಪ್ರಮಥನೋ ಹರಿಮರ್ಕಟಮರ್ಕಟಃ ।
ದಾನ್ತಃ ಶಾನ್ತಃ ಪ್ರಸನ್ನಾತ್ಮಾ ಶತಕಣ್ಠಮದಾಪಹೃತ್ ॥ 18 ॥

ಯೋಗೀ ರಾಮಕಥಾಲೋಲಃ ಸೀತಾನ್ವೇಷಣಪಣ್ಡಿತಃ ।
ವಜ್ರದಂಷ್ಟ್ರೋ ವಜ್ರನಖೋ ರುದ್ರವೀರ್ಯಸಮುದ್ಭವಃ ॥ 19 ॥

ಇನ್ದ್ರಜಿತ್ಪ್ರಹಿತಾಮೋಘಬ್ರಹ್ಮಾಸ್ತ್ರವಿನಿವಾರಕಃ ।
ಪಾರ್ಥಧ್ವಜಾಗ್ರಸಂವಾಸೀ ಶರಪಞ್ಜರಭೇದಕಃ ॥ 20 ॥

ದಶಬಾಹುರ್ಲೋರ್ಕಪೂಜ್ಯೋ ಜಾಮ್ಬವತ್ಪ್ರೀತಿವರ್ಧನಃ ।
ಸೀತಾಸಮೇತಶ್ರೀರಾಮಪಾದಸೇವಾಧುರನ್ಧರಃ ॥ 21 ॥

ಇತ್ಯೇವಂ ಶ್ರೀಹನುಮತೋ ನಾಮ್ನಾಮಷ್ಟೋತ್ತರಂ ಶತಮ್ ।
ಯಃ ಪಠೇಚ್ಛೃಣುಯಾನ್ನಿತ್ಯಂ ಸರ್ವಾನ್ಕಾಮಾನವಾಪ್ನುಯಾತ್ ॥ 22 ॥