రం రం రం రక్తవర్ణం దినకరవదనం తీక్ష్ణదంష్ట్రాకరాళం
రం రం రం రమ్యతేజం గిరిచలనకరం కీర్తిపఞ్చాది వక్త్రమ్ ।
రం రం రం రాజయోగం సకలశుభనిధిం సప్తభేతాళభేద్యం
రం రం రం రాక్షసాన్తం సకలదిశయశం రామదూతం నమామి ॥ 1 ॥

ఖం ఖం ఖం ఖడ్గహస్తం విషజ్వరహరణం వేదవేదాఙ్గదీపం
ఖం ఖం ఖం ఖడ్గరూపం త్రిభువననిలయం దేవతాసుప్రకాశమ్ ।
ఖం ఖం ఖం కల్పవృక్షం మణిమయమకుటం మాయ మాయాస్వరూపం
ఖం ఖం ఖం కాలచక్రం సకలదిశయశం రామదూతం నమామి ॥ 2 ॥

ఇం ఇం ఇం ఇన్ద్రవన్ద్యం జలనిధికలనం సౌమ్యసామ్రాజ్యలాభం
ఇం ఇం ఇం సిద్ధియోగం నతజనసదయం ఆర్యపూజ్యార్చితాఙ్గమ్ ।
ఇం ఇం ఇం సింహనాదం అమృతకరతలం ఆదిఅన్త్యప్రకాశం
ఇం ఇం ఇం చిత్స్వరూపం సకలదిశయశం రామదూతం నమామి ॥ 3 ॥

సం సం సం సాక్షిభూతం వికసితవదనం పిఙ్గలాక్షం సురక్షం
సం సం సం సత్యగీతం సకలమునినుతం శాస్త్రసమ్పత్కరీయమ్ ।
సం సం సం సామవేదం నిపుణ సులలితం నిత్యతత్త్వస్వరూపం
సం సం సం సావధానం సకలదిశయశం రామదూతం నమామి ॥ 4 ॥

హం హం హం హంసరూపం స్ఫుటవికటముఖం సూక్ష్మసూక్ష్మావతారం
హం హం హం అన్తరాత్మం రవిశశినయనం రమ్యగమ్భీరభీమమ్ ।
హం హం హం అట్టహాసం సురవరనిలయం ఊర్ధ్వరోమం కరాళం
హం హం హం హంసహంసం సకలదిశయశం రామదూతం నమామి ॥ 5 ॥

ఇతి శ్రీ రామదూత స్తోత్రమ్ ॥