మనసా సతతం స్మరణీయమ్
వచసా సతతం వదనీయమ్
లోకహితం మమ కరణీయమ్ ॥ లోకహితమ్ ॥

న భోగభవనే రమణీయమ్
న చ సుఖశయనే శయనీయనమ్
అహర్నిశం జాగరణీయమ్
లోకహితం మమ కరణీయమ్ ॥ మనసా ॥

న జాతు దుఃఖం గణనీయమ్
న చ నిజసౌఖ్యం మననీయమ్
కార్యక్షేత్రే త్వరణీయమ్
లోకహితం మమ కరణీయమ్ ॥ మనసా ॥

దుఃఖసాగరే తరణీయమ్
కష్టపర్వతే చరణీయమ్
విపత్తివిపినే భ్రమణీయమ్
లోకహితం మమ కరణీయమ్ ॥ మనసా ॥

గహనారణ్యే ఘనాన్ధకారే
బన్ధుజనా యే స్థితా గహ్వరే
తత్రా మయా సఞ్చరణీయమ్
లోకహితం మమ కరణీయమ్ ॥ మనసా ॥

రచన: సి. శ్రీధర భాస్కర వర్ణెకర