(వా॒మ॒దేవా॒య న॑మః – స్నానం)
ఇత్యాది నిర్మాల్యం-విఀసృజ్యేత్యంతం ప్రతివారం కుర్యాత్ ॥

॥ పంచామృతస్నానమ్ ॥
అథ (పంచామృత స్నానం) పంచామృతదేవతాభ్యో నమః ।
ధ్యానావాహనాది షోడశోపచారపూజాస్సమర్పయామి ।
భవానీశంకరముద్దిశ్య భవానీశంకర ప్రీత్యర్థం పంచామృతస్నానం కరిష్యామః ।

క్షీరం
ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ ।
భవా॒ వాజ॑స్య సంగ॒థే ॥
శ్రీ భవానీశంకరాస్వామినే నమః క్షీరేణ స్నపయామి ।

ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శ్రీ భవానీశంకరాస్వామినే నమః । క్షీరస్నానానంతరం శుద్ధోదక స్నానం సమర్పయామి ।

దధి
ద॒ధి॒క్రావ్‍ణ్ణో॑ అకారిషం జి॒ష్ణోరశ్వ॑స్య వా॒జినః॑ ।
సు॒ర॒భి నో॒ ముఖా॑ కర॒త్ప్రాణ॒ ఆయూగ్ం॑షి తారిషత్ ॥
శ్రీ భవానీశంకరాస్వామినే నమః । దధ్నా స్నపయామి ।

ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శ్రీ భవానీశంకరాస్వామినే నమః । దధిస్నానానంతరం శుద్ధోదక స్నానం సమర్పయామి ।

ఆజ్యం
శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒-
త్వచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ ।
శ్రీ భవానీశంకరాస్వామినే నమః । ఆజ్యేన స్నపయామి ।

ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శ్రీ భవానీశంకరాస్వామినే నమః । ఆజ్య స్నానానంతరం శుద్ధోదక స్నానం సమర్పయామి ।

మధు
మధు॒వాతా॑ ఋతాయ॒తే మధు॑క్షరంతి॒ సింధ॑వః ।
మాధ్వీ᳚ర్నః సం॒త్వోష॑ధీః ।
మధు॒ నక్త॑ము॒తోష॑సి॒ మధు॑మ॒త్పార్థి॑వ॒గ్ం॒ రజః॑ ।
మధు॒ద్యౌర॑స్తు నః పి॒తా ।
మధు॑మాన్నో॒ వన॒స్పతి॒ర్మధు॑మాగ్‍ం అస్తు॒ సూర్యః॑ ।
మాధ్వీ॒ర్గావో॑ భవంతు నః ।
శ్రీ భవానీశంకరాస్వామినే నమః । మధునా స్నపయామి ।

ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శ్రీ భవానీశంకరాస్వామినే నమః । మధుస్నానానంతరం శుద్ధోదక స్నానం సమర్పయామి ।

శర్కర
స్వా॒దుః ప॑వస్వ ది॒వ్యాయ॒ జన్మ॑నే ।
స్వా॒దురింద్రా॑య సు॒హవీ॑తు॒ నామ్నే᳚ ।
స్వా॒దుర్మి॒త్రాయ॒ వరు॑ణాయ వా॒యవే॒ ।
బృహ॒స్పత॑యే॒ మధు॑మా॒గ్ం అదా᳚భ్యః ।
శ్రీ భవానీశంకరాస్వామినే నమః । శర్కరయా స్నపయామి ।

ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శ్రీ భవానీశంకరాస్వామినే నమః । శర్కర స్నానానంతరం శుద్ధోదక స్నానం సమర్పయామి ।

శ్రీ భవానీశంకరాస్వామినే నమః । పంచామృత స్నానం సమర్పయామి ।

శంఖోదకం
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శ్రీ భవానీశంకరాస్వామినే నమః । శంఖోదకేన స్నపయామి ॥

ఫలోదకం
యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః᳚ ।
బృహ॒స్పతి॑ ప్రసూతా॒స్తానో॑ ముంచం॒త్వగ్‍ం హ॑సః ॥
శ్రీ భవానీశంకరాస్వామినే నమః । ఫలోదకేన స్నపయామి ।

గంధోదకం
గం॒ధ॒ద్వా॒రాం దు॑రాధ॒ర్​షాం॒ ని॒త్యపు॑ష్టాం కరీ॒షిణీ᳚మ్ ।
ఈ॒శ్వరీ॑గ్ం సర్వ॑భూతా॒నాం॒ తామి॒హోప॑హ్వయే॒ శ్రియమ్ ॥
శ్రీ భవానీశంకరాస్వామినే నమః । గంధోదకేన స్నపయామి ।

పుష్పోదకం
యో॑ఽపాం పుష్పం॒-వేఀద॑ ।
పుష్ప॑వాన్ ప్ర॒జావా॑న్ పశు॒మాన్ భ॑వతి ।
చం॒ద్రమా॒ వా అ॒పాం పుష్ప॑మ్ ।
పుష్ప॑వాన్ ప్ర॒జావా॑న్ పశు॒మాన్ భ॑వతి ।
శ్రీ భవానీశంకరాస్వామినే నమః । పుష్పోదకేన స్నపయామి ।

అక్షతోదకం
ఆయ॑నే తే ప॒రాయ॑ణే॒ దూర్వా॑ రోహంతు పు॒ష్పిణీః॑ ।
హ్ర॒దాశ్చ॑ పుం॒డరీ॑కాణి సము॒ద్రస్య॑ గృ॒హా ఇ॒మే ।
శ్రీ భవానీశంకరాస్వామినే నమః । అక్షతోదకేన స్నపయామి ।

సువర్ణోదకం
తథ్సు॒వర్ణ॒గ్ం॒ హిర॑ణ్యమభవత్ ।
తథ్సు॒వర్ణ॑స్య॒ హిర॑ణ్యస్య॒జన్మ॑ ।
య ఏ॒వగ్ం సు॒వర్ణ॑స్య॒ హిర॑ణ్యస్య॒ జన్మ॒వే॑ద ।
సు॒వర్ణ॑ ఆ॒త్మనా॑ భవతి ।
శ్రీ భవానీశంకరాస్వామినే నమః । సువర్ణోదకేన స్నపయామి ।

రుద్రాక్షోదకం
త్ర్యం॑బకం-యఀజామహే సుగం॒ధిం పు॑ష్టి॒ వర్ధ॑నమ్ ।
ఉ॒ర్వా॒రు॒కమి॑వ॒ బంధ॑నాన్మృ॒త్యోర్ము॑క్షీయ॒ మాఽమృతా᳚త్ ॥
శ్రీ భవానీశంకరాస్వామినే నమః । రుద్రాక్షోదకేన స్నపయామి ।

భస్మోదకం
మా నో॑ మ॒హాంత॑ము॒త మా నో॑ అర్భ॒కం
మా న॒ ఉక్షం॑తము॒త మా న॑ ఉక్షి॒తమ్ ।
మా నో॑ఽవధీః పి॒తరం॒ మోత మా॒తరం॑
ప్రి॒యా మా న॑స్త॒నువో॑ రుద్ర రీరిషః ।
శ్రీ భవానీశంకరాస్వామినే నమః । భస్మోదకేన స్నపయామి ।

బిల్వోదకం
మా న॑స్తో॒కే తన॑యే॒ మా న॒ ఆయు॑షి॒
మా నో॒ గోషు॒ మా నో॒ అశ్వే॑షు రీరిషః ।
వీ॒రాన్మా నో॑ రుద్ర భామి॒తోఽవ॑ధీర్​హ॒విష్మం॑తో॒
నమ॑సా విధేమ తే ।
శ్రీ భవానీశంకరాస్వామినే నమః । బిల్వోదకేన స్నపయామి ।

దూర్వోదకం
కాండా॑త్కాండాత్ప్ర॒రోహం॑తి పరు॑షః పరుషః॒ పరి॑ ।
ఏ॒వానో॑ దూర్వే॒ ప్రత॑ను స॒హస్రే॑ణ శ॒తేన॑ చ ॥
శ్రీ భవానీశంకరాస్వామినే నమః । దూర్వోదకేన స్నపయామి ।

అథ మలాపకర్​షణ స్నానమ్ ।

హిర॑ణ్యవర్ణా॒శ్శుచ॑యః పావ॒కా
యాసు॑ జా॒తః క॒శ్యపో॒ యాస్వింద్రః॑ ।
అ॒గ్నిం-యాఀ గర్భం॑ దధి॒రే విరూ॑పా॒స్తా
న॒ ఆప॒శ్శగ్గ్ స్యో॒నా భ॑వంతు ॥

యాసా॒గ్ం॒ రాజా॒ వరు॑ణో॒ యాతి॒ మధ్యే॑
సత్యానృ॒తే అ॑వ॒పశ్యం॒జనా॑నామ్ ।
మ॒ధు॒శ్చుత॒శ్శుచ॑యో॒ యాః పా॑వ॒కాస్తా
న॒ ఆప॒శ్శగ్గ్ స్యో॒నా భ॑వంతు ॥

యాసాం॑ దే॒వా ది॒వి కృ॒ణ్వంతి॑ భ॒క్షం
యా అం॒తరి॑క్షే బహు॒ధా భవం॑తి ।
యాః పృ॑థి॒వీం పయ॑సోం॒దంతి॑ శు॒క్రాస్తా
న॒ ఆప॒శ్శగ్గ్ స్యో॒నా భ॑వంతు ॥

శి॒వేన॑ మా॒ చక్షు॑షా పశ్యతాపశ్శి॒వయా॑
త॒నువోప॑ స్పృశత॒ త్వచం॑ మే ।
సర్వాగ్ం॑ అ॒గ్నీగ్ం ర॑ఫ్సు॒షదో॑ హువే వో॒ మయి॒
వర్చో॒ బల॒మోజో॒ నిధ॑త్త ॥

(అ.వే., కాండ-3, సూక్తం-13)
యద॒దః సం॑ప్రయ॒తీరహా॒వన॑దతా హ॒తే ।
తస్మా॒దా న॒ద్యో॑ నామ॑ స్థ॒ తా వో॒ నామా॑ని సింధవః ॥ 1
యత్ప్రేషి॑తా॒ వరు॑ణే॒నతాశ్శీభ॑గ్ం స॒మవ॑ల్గత ।
తదా॑ప్నో॒దింద్రో॑ వో య॒తీస్తస్మా॒దాపో॒ అను॑స్థన ॥ 2
ఆ॒ప॒కా॒మగ్గ్ం స్యంద॑మానా॒ అవీ॑వరత వో॒ హి క॑మ్ ।
ఇంద్రో॑ వ॒శ్శక్తి॑భిర్దేవీ॒స్తస్మా॒ద్వార్ణామ॑ వో హి॒తమ్ ॥ 3
ఏకో॑ వో దే॒వో అప్య॑తిష్ఠ॒థ్స్యంద॑మానా యథావ॒శమ్ ।
ఉదా॑నిషుర్మ॒హీరితి॒ తస్మా॑దుద॒కము॑చ్యతే ॥ 4
ఆపో॑ భ॒ద్రా ఘృ॒తమిదాప॑ ఆనుర॒గ్నీషోమౌ॑ బిభ్ర॒త్యాప॒ ఇత్తాః ।
తీ॒వ్రో రసో॑ మధు॒పృచాం॑ అ॒రం॒గ॒మ ఆ మా॑ ప్రా॒ణేన॑ స॒హ వర్చ॑సాగన్న్ ॥ 5
ఆదిత్ప॑శ్యామ్యు॒త వా॑ శృణో॒మ్యా మా॒ ఘోషో॑ గచ్ఛతి॒ వాఙ్మ॑ ఆసామ్ ।
మన్యే॑ భేజా॒నో అ॒మృత॑స్య॒ తర్‍హి॒ హిర॑ణ్యవర్ణా॒ అతృ॑పం-యఀ॒దా వః॑ ॥ 6

ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అరం॑గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శ్రీ భవానీశంకరాస్వామినే నమః । శుద్ధోదకేన స్నపయామి ।

[ ది॒విశ్ర॑యస్వాం॒తరి॑క్షేయతస్వ పృథి॒వ్యాసంభ॑వ బ్రహ్మవర్చ॒సమ॑సి బ్రహ్మవర్చ॒సాయ॑త్వా । అ॒పాం గ్రహా॑న్గృహ్ణాత్యే॒తద్వాప రా॑జ॒సూయం॒-యఀదే॒తేగ్రహా॑స్స॒వో॑ఽగ్నిర్వ॑రుణస॒వో రా॑జ॒సూయ॑మగ్నిస॒వశ్చిత్య॒స్తాభ్యా॑మే॒వ సూ॑య॒తేఽథో॑ ఉ॒భావే॒వలో॒కావ॒భిజ॑యతి॒ యశ్చ॑ రాజ॒సూయే॑నేజా॒నస్య॒ యశ్చా॑గ్ని॒చిత॒ ఆపో॑ భవం॒త్యాపో॒ వా అ॒గ్నేర్భ్రాతృ॑వ్యా॒ యద॒పో॑ఽగ్నేర॒ధస్తా॑దుప॒దధా॑తి॒ భ్రాతృ॑వ్యాభిభూత్యై॒ భవ॑త్యా॒త్మనా॒పరా॑ఽస్య॒భ్రాతృ॑వ్యో భవత్య॒మృతం॒-వాఀ ఆప॒స్తస్మా॑ద॒ద్భిరవ॑తాంతమ॒భిషిం॑చంతి॒ నార్తి॒మార్ఛ॑తి॒సర్వ॒మాయు॑రేతి ॥
]

పవ॑మాన॒స్సువ॒ర్జనః॑ । ప॒విత్రే॑ణ॒ విచ॑ర్​షణిః ।
యః పోతా॒ స పు॑నాతు మా । పు॒నంతు॑ మా దేవజ॒నాః ।
పు॒నంతు॒ మన॑వో ధి॒యా । పు॒నంతు॒ విశ్వ॑ ఆ॒యవః॑ ।
జాత॑వేదః ప॒విత్ర॑వత్ । ప॒విత్రే॑ణ పునాహి మా ।
శు॒క్రేణ॑ దేవ॒దీద్య॑త్ । అగ్నే॒ క్రత్వా॒ క్రతూ॒గ్ం॒ రను॑ ।
యత్తే॑ ప॒విత్ర॑మ॒ర్చిషి॑ । అగ్నే॒ విత॑తమంత॒రా ।
బ్రహ్మ॒ తేన॑ పునీమహే । ఉ॒భాభ్యాం᳚ దేవసవితః ।
ప॒విత్రే॑ణ స॒వేన॑ చ । ఇ॒దం బ్రహ్మ॑ పునీమహే ।
వై॒శ్వ॒దే॒వీ పు॑న॒తీ దే॒వ్యాగా᳚త్ ।
యస్యై॑ బ॒హ్వీస్త॒నువో॑ వీ॒తపృ॑ష్ఠాః ।
తయా॒ మదం॑తః సధ॒మాద్యే॑షు ।
వ॒యగ్గ్ స్యా॑మ॒ పత॑యో రయీ॒ణామ్ ।
వై॒శ్వా॒న॒రో ర॒శ్మిభి॑ర్మా పునాతు ।
వాతః॑ ప్రా॒ణేనే॑షి॒రో మ॑యో॒ భూః ।
ద్యావా॑పృథి॒వీ పయ॑సా॒ పయో॑భిః ।
ఋ॒తావ॑రీ య॒జ్ఞియే॑ మా పునీతామ్ ॥

బృ॒హద్భి॑స్సవిత॒స్తృభిః॑ । వర్‍షి॑ష్ఠైర్దేవ॒మన్మ॑భిః ।
అగ్నే॒ దక్షైః᳚ పునాహి మా । యేన॑ దే॒వా అపు॑నత ।
యేనాపో॑ ది॒వ్యంకశః॑ । తేన॑ ది॒వ్యేన॒ బ్రహ్మ॑ణా ।
ఇ॒దం బ్రహ్మ॑ పునీమహే । యః పా॑వమా॒నీర॒ద్ధ్యేతి॑ ।
ఋషి॑భి॒స్సంభృ॑త॒గ్ం॒ రసం॑ । సర్వ॒గ్ం॒ స పూ॒తమ॑శ్నాతి ।
స్వ॒ది॒తం మా॑త॒రిశ్వ॑నా । పా॒వ॒మా॒నీర్యో అ॒ధ్యేతి॑ ।
ఋషి॑భి॒స్సంభృ॑త॒గ్ం॒ రసం᳚ । తస్మై॒ సర॑స్వతీ దుహే ।
క్షీ॒రగ్ం స॒ర్పిర్మధూ॑ద॒కమ్ ॥

పా॒వ॒మా॒నీస్స్వ॒స్త్యయ॑నీః । సు॒దుఘా॒హి పయ॑స్వతీః ।
ఋషి॑భి॒స్సంభృ॑తో॒ రసః॑ । బ్రా॒హ్మ॒ణేష్వ॒మృతగ్ం॑ హి॒తమ్ ।
పా॒వ॒మా॒నీర్ది॑శంతు నః । ఇ॒మం-లోఀ॒కమథో॑ అ॒ముమ్ ।
కామా॒న్‍థ్సమ॑ర్ధయంతు నః । దే॒వీ‍ర్దే॒వైస్స॒మాభృ॑తాః ।
పా॒వ॒మా॒నీస్స్వ॒స్త్యయ॑నీః । సు॒దుఘా॒హి ఘృ॑త॒శ్చుతః॑ ।
ఋషి॑భి॒స్సంభృ॑తో॒ రసః॑ । బ్రా॒హ్మ॒ణేష్వ॒మృతగ్ం॑ హి॒తమ్ ।
యేన॑ దే॒వాః ప॒విత్రే॑ణ । ఆ॒త్మానం॑ పు॒నతే॒ సదా᳚ ।
తేన॑ స॒హస్ర॑ధారేణ । పా॒వ॒మా॒న్యః పు॑నంతు మా ।
ప్రా॒జా॒ప॒త్యం ప॒విత్రం᳚ । శ॒తోద్యా॑మగ్ం హిర॒ణ్మయం᳚ ।
తేన॑ బ్రహ్మ॒ విదో॑ వ॒యమ్ । పూ॒తం బ్రహ్మ॑ పునీమహే ।
ఇంద్ర॑స్సునీ॒తీ స॒హమా॑ పునాతు । సోమ॑స్స్వ॒స్త్యా వరు॑ణస్స॒మీచ్యా᳚ ।
య॒మో రాజా᳚ ప్రమృ॒ణాభిః॑ పునాతు మా । జా॒తవే॑దా మో॒ర్జయం॑త్యా పునాతు ।

ఆపో॒ వా ఇ॒దగ్ం సర్వం॒-విఀశ్వా॑ భూ॒తాన్యాపః॑ ప్రా॒ణా వా ఆపః॑
ప॒శవ॒ ఆపోఽన్న॒మాపోఽమృ॑త॒మాపః॑ స॒మ్రాడాపో॑ వి॒రాడాపః॑
స్వ॒రాడాప॒శ్ఛందా॒గ్ం॒స్యాపో॒ జ్యోతీ॒గ్ం॒ష్యాపో॒
యజూ॒గ్ం॒ష్యాప॑స్స॒త్యమాప॒స్సర్వా॑ దే॒వతా॒ ఆపో॒
భూర్భువ॒స్సువ॒రాప॒ ఓమ్ ॥

అ॒పః ప్రణ॑యతి । శ్ర॒ద్ధావా ఆపః॑ ।
శ్ర॒ద్ధామే॒వారభ్య॑ ప్ర॒ణీయ॒ ప్రచ॑రతి ।
అ॒పః ప్రణ॑యతి । య॒జ్ఞో వాఅ ఆపః॑ ।
య॒జ్ఞమే॒వారభ్య॑ ప్ర॒ణీయ॒ ప్రచ॑రతి
అ॒పః ప్రణ॑యతి । వ॒జ్రో వా ఆపః॑ ।
వజ్ర॑మే॒వ భ్రాతృ॑వ్యేభ్యః ప్రహృత్య॑ ప్ర॒ణీయ॒ ప్రచ॑రతి ।
అ॒పః ప్రణ॑యతి । ఆపో॒ వై ర॑క్షో॒ఘ్నీః ।
రక్ష॑సా॒మప॑హత్యై ।
అ॒పః ప్రణ॑యతి । ఆపో॒ వై దే॒వానాం॑ ప్రి॒యంధామ॑ ।
దే॒వానా॑మే॒వ ప్రి॒యంధామ॑ ప్ర॒ణీయ॒ ప్రచ॑రతి ।
అ॒పః ప్రణ॑యతి । ఆపో॒ వై సర్వా॑ దే॒వతాః॑ ।
దే॒వతా॑ ఏ॒వారభ్య॑ ప్ర॒ణీయ॒ ప్రచ॑రతి ।
(ఆపో॒వైశాం॒తాః । శాం॒తాభి॑రే॒వాస్య॑ శుచగ్ం॑శమయతి ॥)
శ్రీ భవానీశంకరాస్వామినే నమః । మలాపకర్​షణస్నానం సమర్పయామి ।