ఓం అస్య శ్రీ స్వర్ణాకర్షణ భైరవ స్తోత్ర మహామంత్రస్య బ్రహ్మ ఋషిః అనుష్టుప్ ఛందః శ్రీ స్వర్ణాకర్షణ భైరవో దేవతా హ్రీం బీజం క్లీం శక్తిః సః కీలకం మమ దారిద్ర్య నాశార్థే పాఠే వినియోగః ॥

ఋష్యాది న్యాసః ।
బ్రహ్మర్షయే నమః శిరసి ।
అనుష్టుప్ ఛందసే నమః ముఖే ।
స్వర్ణాకర్షణ భైరవాయ నమః హృది ।
హ్రీం బీజాయ నమః గుహ్యే ।
క్లీం శక్తయే నమః పాదయోః ।
సః కీలకాయ నమః నాభౌ ।
వినియొగాయ నమః సర్వాంగే ।
హ్రాం హ్రీం హ్రూం ఇతి కర షడంగన్యాసః ॥

ధ్యానమ్ ।
పారిజాతద్రుమ కాంతారే స్థితే మాణిక్యమండపే ।
సింహాసనగతం వందే భైరవం స్వర్ణదాయకమ్ ॥

గాంగేయ పాత్రం డమరూం త్రిశూలం
వరం కరః సందధతం త్రినేత్రమ్ ।
దేవ్యాయుతం తప్త సువర్ణవర్ణ
స్వర్ణాకర్షణభైరవమాశ్రయామి ॥

మంత్రః ।
ఓం ఐం హ్రీం శ్రీం ఐం శ్రీం ఆపదుద్ధారణాయ హ్రాం హ్రీం హ్రూం అజామలవధ్యాయ లోకేశ్వరాయ స్వర్ణాకర్షణభైరవాయ మమ దారిద్ర్య విద్వేషణాయ మహాభైరవాయ నమః శ్రీం హ్రీం ఐమ్ ।

స్తోత్రమ్ ।
నమస్తేఽస్తు భైరవాయ బ్రహ్మవిష్ణుశివాత్మనే ।
నమస్త్రైలోక్యవంద్యాయ వరదాయ పరాత్మనే ॥ 1 ॥

రత్నసింహాసనస్థాయ దివ్యాభరణశోభినే ।
దివ్యమాల్యవిభూషాయ నమస్తే దివ్యమూర్తయే ॥ 2 ॥

నమస్తేఽనేకహస్తాయ హ్యనేకశిరసే నమః ।
నమస్తేఽనేకనేత్రాయ హ్యనేకవిభవే నమః ॥ 3 ॥

నమస్తేఽనేకకంఠాయ హ్యనేకాంశాయ తే నమః ।
నమోస్త్వనేకైశ్వర్యాయ హ్యనేకదివ్యతేజసే ॥ 4 ॥

అనేకాయుధయుక్తాయ హ్యనేకసురసేవినే ।
అనేకగుణయుక్తాయ మహాదేవాయ తే నమః ॥ 5 ॥

నమో దారిద్ర్యకాలాయ మహాసంపత్ప్రదాయినే ।
శ్రీభైరవీప్రయుక్తాయ త్రిలోకేశాయ తే నమః ॥ 6 ॥

దిగంబర నమస్తుభ్యం దిగీశాయ నమో నమః ।
నమోఽస్తు దైత్యకాలాయ పాపకాలాయ తే నమః ॥ 7 ॥

సర్వజ్ఞాయ నమస్తుభ్యం నమస్తే దివ్యచక్షుషే ।
అజితాయ నమస్తుభ్యం జితామిత్రాయ తే నమః ॥ 8 ॥

నమస్తే రుద్రపుత్రాయ గణనాథాయ తే నమః ।
నమస్తే వీరవీరాయ మహావీరాయ తే నమః ॥ 9 ॥

నమోఽస్త్వనంతవీర్యాయ మహాఘోరాయ తే నమః ।
నమస్తే ఘోరఘోరాయ విశ్వఘోరాయ తే నమః ॥ 10 ॥

నమః ఉగ్రాయ శాంతాయ భక్తేభ్యః శాంతిదాయినే ।
గురవే సర్వలోకానాం నమః ప్రణవ రూపిణే ॥ 11 ॥

నమస్తే వాగ్భవాఖ్యాయ దీర్ఘకామాయ తే నమః ।
నమస్తే కామరాజాయ యోషిత్కామాయ తే నమః ॥ 12 ॥

దీర్ఘమాయాస్వరూపాయ మహామాయాపతే నమః ।
సృష్టిమాయాస్వరూపాయ విసర్గాయ సమ్యాయినే ॥ 13 ॥

రుద్రలోకేశపూజ్యాయ హ్యాపదుద్ధారణాయ చ ।
నమోఽజామలబద్ధాయ సువర్ణాకర్షణాయ తే ॥ 14 ॥

నమో నమో భైరవాయ మహాదారిద్ర్యనాశినే ।
ఉన్మూలనకర్మఠాయ హ్యలక్ష్మ్యా సర్వదా నమః ॥ 15 ॥

నమో లోకత్రయేశాయ స్వానందనిహితాయ తే ।
నమః శ్రీబీజరూపాయ సర్వకామప్రదాయినే ॥ 16 ॥

నమో మహాభైరవాయ శ్రీరూపాయ నమో నమః ।
ధనాధ్యక్ష నమస్తుభ్యం శరణ్యాయ నమో నమః ॥ 17 ॥

నమః ప్రసన్నరూపాయ హ్యాదిదేవాయ తే నమః ।
నమస్తే మంత్రరూపాయ నమస్తే రత్నరూపిణే ॥ 18 ॥

నమస్తే స్వర్ణరూపాయ సువర్ణాయ నమో నమః ।
నమః సువర్ణవర్ణాయ మహాపుణ్యాయ తే నమః ॥ 19 ॥

నమః శుద్ధాయ బుద్ధాయ నమః సంసారతారిణే ।
నమో దేవాయ గుహ్యాయ ప్రబలాయ నమో నమః ॥ 20 ॥

నమస్తే బలరూపాయ పరేషాం బలనాశినే ।
నమస్తే స్వర్గసంస్థాయ నమో భూర్లోకవాసినే ॥ 21 ॥

నమః పాతాళవాసాయ నిరాధారాయ తే నమః ।
నమో నమః స్వతంత్రాయ హ్యనంతాయ నమో నమః ॥ 22 ॥

ద్విభుజాయ నమస్తుభ్యం భుజత్రయసుశోభినే ।
నమోఽణిమాదిసిద్ధాయ స్వర్ణహస్తాయ తే నమః ॥ 23 ॥

పూర్ణచంద్రప్రతీకాశవదనాంభోజశోభినే ।
నమస్తే స్వర్ణరూపాయ స్వర్ణాలంకారశోభినే ॥ 24 ॥

నమః స్వర్ణాకర్షణాయ స్వర్ణాభాయ చ తే నమః ।
నమస్తే స్వర్ణకంఠాయ స్వర్ణాలంకారధారిణే ॥ 25 ॥

స్వర్ణసింహాసనస్థాయ స్వర్ణపాదాయ తే నమః ।
నమః స్వర్ణాభపారాయ స్వర్ణకాంచీసుశోభినే ॥ 26 ॥

నమస్తే స్వర్ణజంఘాయ భక్తకామదుఘాత్మనే ।
నమస్తే స్వర్ణభక్తానాం కల్పవృక్షస్వరూపిణే ॥ 27 ॥

చింతామణిస్వరూపాయ నమో బ్రహ్మాదిసేవినే ।
కల్పద్రుమాధఃసంస్థాయ బహుస్వర్ణప్రదాయినే ॥ 28 ॥

నమో హేమాదికర్షాయ భైరవాయ నమో నమః ।
స్తవేనానేన సంతుష్టో భవ లోకేశభైరవ ॥ 29 ॥

పశ్య మాం కరుణావిష్ట శరణాగతవత్సల ।
శ్రీభైరవ ధనాధ్యక్ష శరణం త్వాం భజామ్యహమ్ ।
ప్రసీద సకలాన్ కామాన్ ప్రయచ్ఛ మమ సర్వదా ॥ 30 ॥

ఫలశ్రుతిః
శ్రీమహాభైరవస్యేదం స్తోత్రసూక్తం సుదుర్లభమ్ ।
మంత్రాత్మకం మహాపుణ్యం సర్వైశ్వర్యప్రదాయకమ్ ॥ 31 ॥

యః పఠేన్నిత్యమేకాగ్రం పాతకైః స విముచ్యతే ।
లభతే చామలాలక్ష్మీమష్టైశ్వర్యమవాప్నుయాత్ ॥ 32 ॥

చింతామణిమవాప్నోతి ధేను కల్పతరుం ధృవమ్ ।
స్వర్ణరాశిమవాప్నోతి సిద్ధిమేవ స మానవః ॥ 33 ॥

సంధ్యాయాం యః పఠేత్ స్తోత్రం దశావృత్యా నరోత్తమైః ।
స్వప్నే శ్రీభైరవస్తస్య సాక్షాద్భూత్వా జగద్గురుః ॥ 34 ॥

స్వర్ణరాశి దదాత్యేవ తత్‍క్షణాన్నాస్తి సంశయః ।
సర్వదా యః పఠేత్ స్తోత్రం భైరవస్య మహాత్మనః ॥ 35 ॥

లోకత్రయం వశీకుర్యాదచలాం శ్రియమవాప్నుయాత్ ।
న భయం లభతే క్వాపి విఘ్నభూతాదిసంభవ ॥ 36 ॥

మ్రియంతే శత్రవోఽవశ్యమలక్ష్మీనాశమాప్నుయాత్ ।
అక్షయం లభతే సౌఖ్యం సర్వదా మానవోత్తమః ॥ 37 ॥

అష్టపంచాశతాణఢ్యో మంత్రరాజః ప్రకీర్తితః ।
దారిద్ర్యదుఃఖశమనం స్వర్ణాకర్షణకారకః ॥ 38 ॥

య యేన సంజపేత్ ధీమాన్ స్తోత్రం వా ప్రపఠేత్ సదా ।
మహాభైరవసాయుజ్యం స్వాంతకాలే భవేద్ధ్రువమ్ ॥ 39 ॥

ఇతి రుద్రయామల తంత్రే స్వర్ణాకర్షణ భైరవ స్తోత్రమ్ ॥