রুচিরুবাচ ।
নমস্য়েঽহং পিতৄন্ ভক্ত্য়া যে বসংত্যধিদেবতাঃ ।
দেবৈরপি হি তর্প্য়ংতে যে শ্রাদ্ধেষু স্বধোত্তরৈঃ ॥ 1 ॥

নমস্য়েঽহং পিতৄন্ স্বর্গে যে তর্প্য়ংতে মহর্ষিভিঃ ।
শ্রাদ্ধৈর্মনোময়ৈর্ভক্ত্য়া ভুক্তিমুক্তিমভীপ্সুভিঃ ॥ 2 ॥

নমস্য়েঽহং পিতৄন্ স্বর্গে সিদ্ধাঃ সংতর্পয়ংতি যান্ ।
শ্রাদ্ধেষু দিব্য়ৈঃ সকলৈরুপহারৈরনুত্তমৈঃ ॥ 3 ॥

নমস্য়েঽহং পিতৄন্ ভক্ত্য়া যেঽর্চ্য়ংতে গুহ্যকৈর্দিবি ।
তন্মযত্বেন বাংছদ্ভিরৃদ্ধির্য়াত্য়ংতিকীং পরাম্ ॥ 4 ॥

নমস্য়েঽহং পিতৄন্ মর্ত্য়ৈরর্চ্য়ংতে ভুবি যে সদা ।
শ্রাদ্ধেষু শ্রদ্ধয়াভীষ্টলোকপুষ্টিপ্রদায়িনঃ ॥ 5 ॥

নমস্য়েঽহং পিতৄন্ বিপ্রৈরর্চ্য়ংতে ভুবি যে সদা ।
বাংছিতাভীষ্টলাভায় প্রাজাপত্যপ্রদায়িনঃ ॥ 6 ॥

নমস্য়েঽহং পিতৄন্ যে বৈ তর্প্য়ংতেঽরণ্যবাসিভিঃ ।
বন্য়ৈঃ শ্রাদ্ধৈর্যতাহারৈস্তপোনির্ধূতকল্মষৈঃ ॥ 7 ॥

নমস্য়েঽহং পিতৄন্ বিপ্রৈর্নৈষ্ঠিকৈর্ধর্মচারিভিঃ ।
যে সংযতাত্মভির্নিত্য়ং সংতর্প্য়ংতে সমাধিভিঃ ॥ 8 ॥

নমস্য়েঽহং পিতৄন্ শ্রাদ্ধৈ রাজন্য়াস্তর্পয়ংতি যান্ ।
কব্য়ৈরশেষৈর্বিধিবল্লোকদ্বযফলপ্রদান্ ॥ 9 ॥

নমস্য়েঽহং পিতৄন্ বৈশ্য়ৈরর্চ্য়ংতে ভুবি যে সদা ।
স্বকর্মাভিরতৈর্নিত্য়ং পুষ্পধূপান্নবারিভিঃ ॥ 10 ॥

নমস্য়েঽহং পিতৄন্ শ্রাদ্ধে শূদ্রৈরপি চ ভক্তিতঃ ।
সংতর্প্য়ংতে জগত্কৃত্স্নং নাম্না খ্য়াতাঃ সুকালিনঃ ॥ 11 ॥

নমস্য়েঽহং পিতৄন্ শ্রাদ্ধে পাতালে যে মহাসুরৈঃ ।
সংতর্প্য়ংতে সুধাহারাস্ত্যক্তদংভমদৈঃ সদা ॥ 12 ॥

নমস্য়েঽহং পিতৄন্ শ্রাদ্ধৈরর্চ্য়ংতে যে রসাতলে ।
ভোগৈরশেষৈর্বিধিবন্নাগৈঃ কামানভীপ্সুভিঃ ॥ 13 ॥

নমস্য়েঽহং পিতৄন্ শ্রাদ্ধৈঃ সর্পৈঃ সংতর্পিতান্সদা ।
তত্রৈব বিধিবন্মংত্রভোগসংপত্সমন্বিতৈঃ ॥ 14 ॥

পিতৄন্নমস্য়ে নিবসংতি সাক্ষা-
-দ্য়ে দেবলোকেঽথ মহীতলে বা ।
তথাঽংতরিক্ষে চ সুরারিপূজ্য়া-
-স্তে মে প্রতীচ্ছংতু মনোপনীতম্ ॥ 15 ॥

পিতৄন্নমস্য়ে পরমার্থভূতা
যে বৈ বিমানে নিবসংত্যমূর্তাঃ ।
যজংতি যানস্তমলৈর্মনোভি-
-র্য়োগীশ্বরাঃ ক্লেশবিমুক্তিহেতূন্ ॥ 16 ॥

পিতৄন্নমস্য়ে দিবি যে চ মূর্তাঃ
স্বধাভুজঃ কাম্যফলাভিসংধৌ ।
প্রদানশক্তাঃ সকলেপ্সিতানাং
বিমুক্তিদা যেঽনভিসংহিতেষু ॥ 17 ॥

তৃপ্য়ংতু তেঽস্মিন্পিতরঃ সমস্তা
ইচ্ছাবতাং যে প্রদিশংতি কামান্ ।
সুরত্বমিংদ্রত্বমিতোঽধিকং বা
গজাশ্বরত্নানি মহাগৃহাণি ॥ 18 ॥

সোমস্য় যে রশ্মিষু যেঽর্কবিংবে
শুক্লে বিমানে চ সদা বসংতি ।
তৃপ্য়ংতু তেঽস্মিন্পিতরোঽন্নতোয়ৈ-
-র্গংধাদিনা পুষ্টিমিতো ব্রজংতু ॥ 19 ॥

যেষাং হুতেঽগ্নৌ হবিষা চ তৃপ্তি-
-র্য়ে ভুংজতে বিপ্রশরীরসংস্থাঃ ।
যে পিংডদানেন মুদং প্রয়াংতি
তৃপ্য়ংতু তেঽস্মিন্পিতরোঽন্নতোয়ৈঃ ॥ 20 ॥

যে খড্গমাংসেন সুরৈরভীষ্টৈঃ
কৃষ্ণৈস্তিলৈর্দিব্য় মনোহরৈশ্চ ।
কালেন শাকেন মহর্ষিবর্য়ৈঃ
সংপ্রীণিতাস্তে মুদমত্র যাংতু ॥ 21 ॥

কব্য়ান্যশেষাণি চ যান্যভীষ্টা-
-ন্যতীব তেষাং মম পূজিতানাম্ ।
তেষাংচ সান্নিধ্যমিহাস্তু পুষ্প-
-গংধাংবুভোজ্য়েষু ময়া কৃতেষু ॥ 22 ॥

দিনে দিনে যে প্রতিগৃহ্ণতেঽর্চাং
মাসাংতপূজ্য়া ভুবি যেঽষ্টকাসু ।
যে বত্সরাংতেঽভ্য়ুদয়ে চ পূজ্য়াঃ
প্রয়াংতু তে মে পিতরোঽত্র তুষ্টিম্ ॥ 23 ॥

পূজ্য়া দ্বিজানাং কুমুদেংদুভাসো
যে ক্ষত্রিয়াণাং জ্বলনার্কবর্ণাঃ ।
তথা বিশাং যে কনকাবদাতা
নীলীপ্রভাঃ শূদ্রজনস্য় যে চ ॥ 24 ॥

তেঽস্মিন্সমস্তা মম পুষ্পগংধ-
-ধূপাংবুভোজ্য়াদিনিবেদনেন ।
তথাঽগ্নিহোমেন চ যাংতি তৃপ্তিং
সদা পিতৃভ্য়ঃ প্রণতোঽস্মি তেভ্য়ঃ ॥ 25 ॥

যে দেবপূর্বাণ্যভিতৃপ্তিহেতো-
-রশ্নংতি কব্য়ানি শুভাহৃতানি ।
তৃপ্তাশ্চ যে ভূতিসৃজো ভবংতি
তৃপ্য়ংতু তেঽস্মিন্প্রণতোঽস্মি তেভ্য়ঃ ॥ 26 ॥

রক্ষাংসি ভূতান্যসুরাংস্তথোগ্রা-
-ন্নির্নাশয়ংতু ত্বশিবং প্রজানাম্ ।
আদ্য়াঃ সুরাণামমরেশপূজ্য়া-
-স্তৃপ্য়ংতু তেঽস্মিন্প্রণতোঽস্মিতেভ্য়ঃ ॥ 27 ॥

অগ্নিস্বাত্তা বর্হিষদ আজ্যপাঃ সোমপাস্তথা ।
ব্রজংতু তৃপ্তিং শ্রাদ্ধেঽস্মিন্পিতরস্তর্পিতা ময়া ॥ 28 ॥

অগ্নিস্বাত্তাঃ পিতৃগণাঃ প্রাচীং রক্ষংতু মে দিশম্ ।
তথা বর্হিষদঃ পাংতু যাম্য়াং মে পিতরঃ সদা ।
প্রতীচীমাজ্যপাস্তদ্বদুদীচীমপি সোমপাঃ ॥ 29 ॥

রক্ষোভূতপিশাচেভ্যস্তথৈবাসুরদোষতঃ ।
সর্বতঃ পিতরো রক্ষাং কুর্বংতু মম নিত্যশঃ ॥ 30 ॥

বিশ্বো বিশ্বভুগারাধ্য়ো ধর্মো ধন্য়ঃ শুভাননঃ ।
ভূতিদো ভূতিকৃদ্ভূতিঃ পিতৄণাং যে গণা নব ॥ 31 ॥

কল্য়াণঃ কল্যদঃ কর্তা কল্য়ঃ কল্যতরাশ্রয়ঃ ।
কল্যতাহেতুরনঘঃ ষডিমে তে গণাঃ স্মৃতাঃ ॥ 32 ॥

বরো বরেণ্য়ো বরদস্তুষ্টিদঃ পুষ্টিদস্তথা ।
বিশ্বপাতা তথা ধাতা সপ্তৈতে চ গণাঃ স্মৃতাঃ ॥ 33 ॥

মহান্মহাত্মা মহিতো মহিমাবান্মহাবলঃ ।
গণাঃ পংচ তথৈবৈতে পিতৄণাং পাপনাশনাঃ ॥ 34 ॥

সুখদো ধনদশ্চান্য়ো ধর্মদোঽন্যশ্চ ভূতিদঃ ।
পিতৄণাং কথ্যতে চৈব তথা গণচতুষ্টযম্ ॥ 35 ॥

একত্রিংশত্পিতৃগণা যৈর্ব্য়াপ্তমখিলং জগত্ ।
ত এবাত্র পিতৃগণাস্তুষ্য়ংতু চ মদাহিতম্ ॥ 36 ॥

ইতি শ্রী গরুডপুরাণে ঊননবতিতমোঽধ্য়ায়ে রুচিকৃত পিতৃ স্তোত্রম্ ।