রুচিরুবাচ ।
অর্চিতানামমূর্তানাং পিতৄণাং দীপ্ততেজসাম্ ।
নমস্য়ামি সদা তেষাং ধ্য়ানিনাং দিব্যচক্ষুষাম্ ॥ 1 ॥

ইংদ্রাদীনাং চ নেতারো দক্ষমারীচয়োস্তথা ।
সপ্তর্ষীণাং তথান্য়েষাং তান্নমস্য়ামি কামদান্ ॥ 2 ॥

মন্বাদীনাং চ নেতারঃ সূর্য়াচংদ্রমসোস্তথা ।
তান্নমস্য়াম্যহং সর্বান্ পিতৄনপ্য়ুদধাবপি ॥ 3 ॥

নক্ষত্রাণাং গ্রহাণাং চ বায়্বগ্ন্য়োর্নভসস্তথা ।
দ্য়াবাপৃথিব্য়োশ্চ তথা নমস্য়ামি কৃতাংজলিঃ ॥ 4 ॥

দেবর্ষীণাং জনিতৄংশ্চ সর্বলোক নমস্কৃতান্ ।
অক্ষয়্যস্য় সদা দাতৄন্ নমস্য়েহং কৃতাংজলিঃ ॥ 5 ॥

প্রজাপতেঃ কশ্যপায় সোমায় বরুণায় চ ।
যোগেশ্বরেভ্যশ্চ সদা নমস্য়ামি কৃতাংজলিঃ ॥ 6 ॥

নমো গণেভ্য়ঃ সপ্তভ্যস্তথা লোকেষু সপ্তসু ।
স্বয়ংভুবে নমস্য়ামি ব্রহ্মণে যোগচক্ষুষে ॥ 7 ॥

সোমাধারান্ পিতৃগণান্ যোগমূর্তিধরাংস্তথা ।
নমস্য়ামি তথা সোমং পিতরং জগতামহম্ ॥ 8 ॥

অগ্নিরূপাংস্তথৈবান্য়ান্ নমস্য়ামি পিতৄনহম্ ।
অগ্নিসোমময়ং বিশ্বং যত এতদশেষতঃ ॥ 9 ॥

যে চ তেজসি যে চৈতে সোমসূর্য়াগ্নিমূর্তয়ঃ ।
জগত্স্বরূপিণশ্চৈব তথা ব্রহ্মস্বরূপিণঃ ॥ 10 ॥

তেভ্য়োঽখিলেভ্য়ো যোগিভ্য়ঃ পিতৃভ্য়ো যতমানসঃ ।
নমো নমো নমস্তেঽস্তু প্রসীদংতু স্বধাভুজঃ ॥ 11 ॥

ইতি শ্রী গরুডপুরাণে ঊননবতিতমোঽধ্য়ায়ে রুচিকৃত দ্বিতীয় পিতৃ স্তোত্রম্ ।