ব্রজে প্রসিদ্ধং নবনীতচৌরং
গোপাংগনানাং চ দুকূলচৌরম্ ।
অনেকজন্মার্জিতপাপচৌরং
চৌরাগ্রগণ্য়ং পুরুষং নমামি ॥ 1॥
শ্রীরাধিকায়া হৃদযস্য় চৌরং
নবাংবুদশ্য়ামলকাংতিচৌরম্ ।
পদাশ্রিতানাং চ সমস্তচৌরং
চৌরাগ্রগণ্য়ং পুরুষং নমামি ॥ 2॥
অকিংচনীকৃত্য় পদাশ্রিতং যঃ
করোতি ভিক্ষুং পথি গেহহীনম্ ।
কেনাপ্যহো ভীষণচৌর ঈদৃগ্-
দৃষ্টঃশ্রুতো বা ন জগত্ত্রয়েঽপি ॥ 3॥
যদীয় নামাপি হরত্যশেষং
গিরিপ্রসারান্ অপি পাপরাশীন্ ।
আশ্চর্যরূপো ননু চৌর ঈদৃগ্
দৃষ্টঃ শ্রুতো বা ন ময়া কদাপি ॥ 4॥
ধনং চ মানং চ তথেংদ্রিয়াণি
প্রাণাংশ্চ হৃত্বা মম সর্বমেব ।
পলাযসে কুত্র ধৃতোঽদ্য় চৌর
ত্বং ভক্তিদাম্নাসি ময়া নিরুদ্ধঃ ॥ 5॥
ছিনত্সি ঘোরং যমপাশবংধং
ভিনত্সি ভীমং ভবপাশবংধম্ ।
ছিনত্সি সর্বস্য় সমস্তবংধং
নৈবাত্মনো ভক্তকৃতং তু বংধম্ ॥ 6॥
মন্মানসে তামসরাশিঘোরে
কারাগৃহে দুঃখময়ে নিবদ্ধঃ ।
লভস্ব হে চৌর! হরে! চিরায়
স্বচৌর্যদোষোচিতমেব দংডম্ ॥ 7॥
কারাগৃহে বস সদা হৃদয়ে মদীয়ে
মদ্ভক্তিপাশদৃঢবংধননিশ্চলঃ সন্ ।
ত্বাং কৃষ্ণ হে! প্রলযকোটিশতাংতরেঽপি
সর্বস্বচৌর! হৃদয়ান্ ন হি মোচয়ামি ॥ 8॥
ইতি শ্রীবিল্বমংগলঠাকূরবিরচিতং চৌরাষ্টকং সংপূর্ণম্ ।
চৌরগ্রগণ্য় পুরুষাষ্টকম্ ।
