ઓંકારતત્ત્વરૂપાય દિવ્યજ્ઞાનાત્મને નમઃ ।
નભોતીતમહાધામ્ન ઐંદ્ર્યૃધ્યા ઓજસે નમઃ ॥ 1॥

નષ્ટમત્સરગમ્યાયાગમ્યાચારાત્મવર્ત્મને ।
મોચિતામેધ્યકૃતયે ઱્હીંબીજશ્રાણિતશ્રિયે ॥ 2॥

મોહાદિવિભ્રમાંતાય બહુકાયધરાય ચ ।
ભત્તદુર્વૈભવછેત્રે ક્લીંબીજવરજાપિને ॥ 3॥

ભવહે-તુવિનાશાય રાજચ્છોણાધરાય ચ ।
ગતિપ્રકંપિતાંડાય ચારુવ્યહતબાહવે ॥ 4॥

ગતગ-ર્વપ્રિયાયાસ્તુ યમાદિયતચેતસે ।
વશિતાજાતવશ્યાય મુંડિને અનસૂયવે ॥ 5॥

વદદ્વ-રેણ્યવાગ્જાલા-વિસ્પૃષ્ટવિવિધાત્મને ।
તપોધનપ્રસન્નાયે-ડાપતિસ્તુતકીર્તયે ॥ 6॥

તેજોમણ્યંતરંગાયા-દ્મરસદ્મવિહાપને ।
આંતરસ્થાનસંસ્થાયાયૈશ્વર્યશ્રૌતગીતયે ॥ 7॥

વાતાદિભયયુગ્ભાવ-હેતવે હેતુબેતવે ।
જગદાત્માત્મભૂતાય વિદ્વિષત્ષટ્કઘાતિને ॥ 8॥

સુરવ-ર્ગોદ્ધૃતે ભૃત્યા અસુરાવાસભેદિને ।
નેત્રે ચ નયનાક્ષ્ણે ચિચ્ચેતનાય મહાત્મને ॥ 9॥

દેવાધિદેવદેવાય વસુધાસુરપાલિને ।
યાજિનામગ્રગણ્યાય દ્રાંબીજજપતુષ્ટયે ॥ 10॥

વાસનાવનદાવાય ધૂલિયુગ્દેહમાલિને ।
યતિસંન્યાસિગતયે દત્તાત્રેયેતિ સંવિદે ॥ 11॥

યજનાસ્યભુજેજાય તારકાવાસગામિને ।
મહાજવાસ્પૃગ્રૂપાયા-ત્તાકારાય વિરૂપિણે ॥ 12॥

નરાય ધીપ્રદીપાય યશસ્વિયશસે નમઃ ।
હારિણે ચોજ્વલાંગાયાત્રેસ્તનૂજાય સંભવે ॥ 13॥

મોચિતામરસંઘાય ધીમતાં ધીરકાય ચ ।
બલિષ્ઠવિપ્રલભ્યાય યાગહોમપ્રિયાય ચ ॥ 14॥

ભજન્મહિમવિખ઼યાત્રેઽમરારિમહિમચ્છિદે ।
લાભાય મુંડિપૂજ્યાય યમિને હેમમાલિને ॥ 15॥

ગતોપાધિવ્યાધયે ચ હિરણ્યાહિતકાંતયે ।
યતીંદ્રચર્યાં દધતે નરભાવૌષધાય ચ ॥ 16॥

વરિષ્ઠયોગિપૂજ્યાય તંતુસંતન્વતે નમઃ ।
સ્વાત્મગાથાસુતીર્થાય મઃશ્રિયે ષટ્કરાય ચ ॥ 17॥

તેજોમયોત્તમાંગાય નોદનાનોદ્યકર્મણે ।
હાન્યાપ્તિમૃતિવિજ્ઞાત્ર ઓંકારિતસુભક્તયે ॥ 18॥

રુક્ષુઙ્મનઃખેદહૃતે દર્શનાવિષયાત્મને ।
રાંકવાતતવસ્ત્રાય નરતત્ત્વપ્રકાશિને ॥ 19॥

દ્રાવિતપ્રણતાઘાયા-ત્તઃસ્વજિષ્ણુઃસ્વરાશયે ।
રાજંત્ર્યાસ્યૈકરૂપાય મઃસ્થાયમસુબમ્ધવે ॥ 20॥

યતયે ચોદનાતીત- પ્રચારપ્રભવે નમઃ ।
માનરોષવિહીનાય શિષ્યસંસિદ્ધિકારિણે ॥ 21॥

ગંગે પાદવિહીનાય ચોદનાચોદિતાત્મને ।
યવીયસેઽલર્કદુઃખ-વારિણેઽખંડિતાત્મને ॥ 22॥

હ્રીંબીજાયાર્જુનજ્યેષ્ઠાય દર્શનાદર્શિતાત્મને ।
નતિસંતુષ્ટચિત્તાય યતિને બ્રહ્મચારિણે ॥ 23॥

ઇત્યેષ સત્સ્તવો વૃત્તોયાત્ કં દેયાત્પ્રજાપિને ।
મસ્કરીશો મનુસ્યૂતઃ પરબ્રહ્મપદપ્રદઃ ॥ 24॥

॥ ઇતિ શ્રી. પ. પ. શ્રીવાસુદેવાનંદ સરસ્વતી વિરચિતં
મંત્રગર્ભ શ્રી દત્તાત્રેયાષ્ટોત્તરશતનામ સ્તોત્રં સંપૂર્ણમ્॥