ಓಙ್ಕಾರತತ್ತ್ವರೂಪಾಯ ದಿವ್ಯಜ್ಞಾನಾತ್ಮನೇ ನಮಃ ।
ನಭೋತೀತಮಹಾಧಾಮ್ನ ಐನ್ದ್ರ್ಯೃಧ್ಯಾ ಓಜಸೇ ನಮಃ ॥ 1॥
ನಷ್ಟಮತ್ಸರಗಮ್ಯಾಯಾಗಮ್ಯಾಚಾರಾತ್ಮವರ್ತ್ಮನೇ ।
ಮೋಚಿತಾಮೇಧ್ಯಕೃತಯೇ ಱ್ಹೀಮ್ಬೀಜಶ್ರಾಣಿತಶ್ರಿಯೇ ॥ 2॥
ಮೋಹಾದಿವಿಭ್ರಮಾನ್ತಾಯ ಬಹುಕಾಯಧರಾಯ ಚ ।
ಭತ್ತದುರ್ವೈಭವಛೇತ್ರೇ ಕ್ಲೀಮ್ಬೀಜವರಜಾಪಿನೇ ॥ 3॥
ಭವಹೇ-ತುವಿನಾಶಾಯ ರಾಜಚ್ಛೋಣಾಧರಾಯ ಚ ।
ಗತಿಪ್ರಕಮ್ಪಿತಾಣ್ಡಾಯ ಚಾರುವ್ಯಹತಬಾಹವೇ ॥ 4॥
ಗತಗ-ರ್ವಪ್ರಿಯಾಯಾಸ್ತು ಯಮಾದಿಯತಚೇತಸೇ ।
ವಶಿತಾಜಾತವಶ್ಯಾಯ ಮುಣ್ಡಿನೇ ಅನಸೂಯವೇ ॥ 5॥
ವದದ್ವ-ರೇಣ್ಯವಾಗ್ಜಾಲಾ-ವಿಸ್ಪೃಷ್ಟವಿವಿಧಾತ್ಮನೇ ।
ತಪೋಧನಪ್ರಸನ್ನಾಯೇ-ಡಾಪತಿಸ್ತುತಕೀರ್ತಯೇ ॥ 6॥
ತೇಜೋಮಣ್ಯನ್ತರಙ್ಗಾಯಾ-ದ್ಮರಸದ್ಮವಿಹಾಪನೇ ।
ಆನ್ತರಸ್ಥಾನಸಂಸ್ಥಾಯಾಯೈಶ್ವರ್ಯಶ್ರೌತಗೀತಯೇ ॥ 7॥
ವಾತಾದಿಭಯಯುಗ್ಭಾವ-ಹೇತವೇ ಹೇತುಬೇತವೇ ।
ಜಗದಾತ್ಮಾತ್ಮಭೂತಾಯ ವಿದ್ವಿಷತ್ಷಟ್ಕಘಾತಿನೇ ॥ 8॥
ಸುರವ-ರ್ಗೋದ್ಧೃತೇ ಭೃತ್ಯಾ ಅಸುರಾವಾಸಭೇದಿನೇ ।
ನೇತ್ರೇ ಚ ನಯನಾಕ್ಷ್ಣೇ ಚಿಚ್ಚೇತನಾಯ ಮಹಾತ್ಮನೇ ॥ 9॥
ದೇವಾಧಿದೇವದೇವಾಯ ವಸುಧಾಸುರಪಾಲಿನೇ ।
ಯಾಜಿನಾಮಗ್ರಗಣ್ಯಾಯ ದ್ರಾಮ್ಬೀಜಜಪತುಷ್ಟಯೇ ॥ 10॥
ವಾಸನಾವನದಾವಾಯ ಧೂಲಿಯುಗ್ದೇಹಮಾಲಿನೇ ।
ಯತಿಸನ್ನ್ಯಾಸಿಗತಯೇ ದತ್ತಾತ್ರೇಯೇತಿ ಸಂವಿದೇ ॥ 11॥
ಯಜನಾಸ್ಯಭುಜೇಜಾಯ ತಾರಕಾವಾಸಗಾಮಿನೇ ।
ಮಹಾಜವಾಸ್ಪೃಗ್ರೂಪಾಯಾ-ತ್ತಾಕಾರಾಯ ವಿರೂಪಿಣೇ ॥ 12॥
ನರಾಯ ಧೀಪ್ರದೀಪಾಯ ಯಶಸ್ವಿಯಶಸೇ ನಮಃ ।
ಹಾರಿಣೇ ಚೋಜ್ವಲಾಙ್ಗಾಯಾತ್ರೇಸ್ತನೂಜಾಯ ಸಮ್ಭವೇ ॥ 13॥
ಮೋಚಿತಾಮರಸಙ್ಘಾಯ ಧೀಮತಾಂ ಧೀರಕಾಯ ಚ ।
ಬಲಿಷ್ಠವಿಪ್ರಲಭ್ಯಾಯ ಯಾಗಹೋಮಪ್ರಿಯಾಯ ಚ ॥ 14॥
ಭಜನ್ಮಹಿಮವಿಖ಼ಯಾತ್ರೇಽಮರಾರಿಮಹಿಮಚ್ಛಿದೇ ।
ಲಾಭಾಯ ಮುಣ್ಡಿಪೂಜ್ಯಾಯ ಯಮಿನೇ ಹೇಮಮಾಲಿನೇ ॥ 15॥
ಗತೋಪಾಧಿವ್ಯಾಧಯೇ ಚ ಹಿರಣ್ಯಾಹಿತಕಾನ್ತಯೇ ।
ಯತೀನ್ದ್ರಚರ್ಯಾಂ ದಧತೇ ನರಭಾವೌಷಧಾಯ ಚ ॥ 16॥
ವರಿಷ್ಠಯೋಗಿಪೂಜ್ಯಾಯ ತನ್ತುಸನ್ತನ್ವತೇ ನಮಃ ।
ಸ್ವಾತ್ಮಗಾಥಾಸುತೀರ್ಥಾಯ ಮಃಶ್ರಿಯೇ ಷಟ್ಕರಾಯ ಚ ॥ 17॥
ತೇಜೋಮಯೋತ್ತಮಾಙ್ಗಾಯ ನೋದನಾನೋದ್ಯಕರ್ಮಣೇ ।
ಹಾನ್ಯಾಪ್ತಿಮೃತಿವಿಜ್ಞಾತ್ರ ಓಙ್ಕಾರಿತಸುಭಕ್ತಯೇ ॥ 18॥
ರುಕ್ಷುಙ್ಮನಃಖೇದಹೃತೇ ದರ್ಶನಾವಿಷಯಾತ್ಮನೇ ।
ರಾಙ್ಕವಾತತವಸ್ತ್ರಾಯ ನರತತ್ತ್ವಪ್ರಕಾಶಿನೇ ॥ 19॥
ದ್ರಾವಿತಪ್ರಣತಾಘಾಯಾ-ತ್ತಃಸ್ವಜಿಷ್ಣುಃಸ್ವರಾಶಯೇ ।
ರಾಜನ್ತ್ರ್ಯಾಸ್ಯೈಕರೂಪಾಯ ಮಃಸ್ಥಾಯಮಸುಬಮ್ಧವೇ ॥ 20॥
ಯತಯೇ ಚೋದನಾತೀತ- ಪ್ರಚಾರಪ್ರಭವೇ ನಮಃ ।
ಮಾನರೋಷವಿಹೀನಾಯ ಶಿಷ್ಯಸಂಸಿದ್ಧಿಕಾರಿಣೇ ॥ 21॥
ಗಙ್ಗೇ ಪಾದವಿಹೀನಾಯ ಚೋದನಾಚೋದಿತಾತ್ಮನೇ ।
ಯವೀಯಸೇಽಲರ್ಕದುಃಖ-ವಾರಿಣೇಽಖಣ್ಡಿತಾತ್ಮನೇ ॥ 22॥
ಹ್ರೀಮ್ಬೀಜಾಯಾರ್ಜುನಜ್ಯೇಷ್ಠಾಯ ದರ್ಶನಾದರ್ಶಿತಾತ್ಮನೇ ।
ನತಿಸನ್ತುಷ್ಟಚಿತ್ತಾಯ ಯತಿನೇ ಬ್ರಹ್ಮಚಾರಿಣೇ ॥ 23॥
ಇತ್ಯೇಷ ಸತ್ಸ್ತವೋ ವೃತ್ತೋಯಾತ್ ಕಂ ದೇಯಾತ್ಪ್ರಜಾಪಿನೇ ।
ಮಸ್ಕರೀಶೋ ಮನುಸ್ಯೂತಃ ಪರಬ್ರಹ್ಮಪದಪ್ರದಃ ॥ 24॥
॥ ಇತಿ ಶ್ರೀ. ಪ. ಪ. ಶ್ರೀವಾಸುದೇವಾನನ್ದ ಸರಸ್ವತೀ ವಿರಚಿತಂ
ಮನ್ತ್ರಗರ್ಭ ಶ್ರೀ ದತ್ತಾತ್ರೇಯಾಷ್ಟೋತ್ತರಶತನಾಮ ಸ್ತೋತ್ರಂ ಸಮ್ಪೂರ್ಣಮ್॥
