ಇನ್ದುಕೋಟಿತೇಜ ಕರುಣಸಿನ್ಧು ಭಕ್ತವತ್ಸಲಂ
ನನ್ದನಾತ್ರಿಸೂನು ದತ್ತಮಿನ್ದಿರಾಕ್ಷ ಶ್ರೀಗುರುಮ್ ।
ಗನ್ಧಮಾಲ್ಯ ಅಕ್ಷತಾದಿ ಬೃನ್ದದೇವವನ್ದಿತಂ
ವನ್ದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಮ್ ॥ 1 ॥

ಮೋಹಪಾಶ ಅನ್ಧಕಾರ ಛಾಯ ದೂರ ಭಾಸ್ಕರಂ
ಆಯತಾಕ್ಷ ಪಾಹಿ ಶ್ರಿಯಾವಲ್ಲಭೇಶ ನಾಯಕಮ್ ।
ಸೇವ್ಯಭಕ್ತಬೃನ್ದವರದ ಭೂಯೋ ಭೂಯೋ ನಮಾಮ್ಯಹಂ
ವನ್ದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಮ್ ॥ 2 ॥

ಚಿತ್ತಜಾದಿವರ್ಗಷಟ್ಕಮತ್ತವಾರಣಾಙ್ಕುಶಂ
ತತ್ತ್ವಸಾರಶೋಭಿತಾತ್ಮ ದತ್ತ ಶ್ರಿಯಾವಲ್ಲಭಮ್ ।
ಉತ್ತಮಾವತಾರ ಭೂತಕರ್ತೃ ಭಕ್ತವತ್ಸಲಂ
ವನ್ದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಮ್ ॥ 3 ॥

ವ್ಯೋಮ ವಾಯು ತೇಜ ಆಪ ಭೂಮಿ ಕರ್ತೃಮೀಶ್ವರಂ
ಕಾಮಕ್ರೋಧಮೋಹರಹಿತ ಸೋಮಸೂರ್ಯಲೋಚನಮ್ ।
ಕಾಮಿತಾರ್ಥದಾತೃ ಭಕ್ತಕಾಮಧೇನು ಶ್ರೀಗುರುಂ
ವನ್ದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಮ್ ॥ 4 ॥

ಪುಣ್ಡರೀಕ ಆಯತಾಕ್ಷ ಕುಣ್ಡಲೇನ್ದುತೇಜಸಂ
ಚಣ್ಡದುರಿತಖಣ್ಡನಾರ್ಥ ದಣ್ಡಧಾರಿ ಶ್ರೀಗುರುಮ್ ।
ಮಣ್ಡಲೀಕಮೌಳಿ ಮಾರ್ತಾಣ್ಡ ಭಾಸಿತಾನನಂ
ವನ್ದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಮ್ ॥ 5 ॥

ವೇದಶಾಸ್ತ್ರಸ್ತುತ್ಯಪಾದ ಆದಿಮೂರ್ತಿ ಶ್ರೀಗುರುಂ
ನಾದಬಿನ್ದುಕಳಾತೀತ ಕಲ್ಪಪಾದಸೇವ್ಯಯಮ್ ।
ಸೇವ್ಯಭಕ್ತಬೃನ್ದವರದ ಭೂಯೋ ಭೂಯೋ ನಮಾಮ್ಯಹಂ
ವನ್ದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಮ್ ॥ 6 ॥

ಅಷ್ಟಯೋಗತತ್ತ್ವನಿಷ್ಠ ತುಷ್ಟಜ್ಞಾನವಾರಿಧಿಂ
ಕೃಷ್ಣವೇಣಿತೀರವಾಸ ಪಞ್ಚನದೀಸಙ್ಗಮಮ್ ।
ಕಷ್ಟದೈನ್ಯದೂರಿ ಭಕ್ತತುಷ್ಟಕಾಮ್ಯದಾಯಕಂ
ವನ್ದಯಾಮಿ ನಾರಸಿಂಹ ಸರಸ್ವತೀಶ ಪಾಹಿ ಮಾಮ್ ॥ 7 ॥

ನಾರಸಿಂಹಸರಸ್ವತೀ ನಾಮ ಅಷ್ಟಮೌಕ್ತಿಕಂ
ಹಾರ ಕೃತ್ಯ ಶಾರದೇನ ಗಙ್ಗಾಧರ ಆತ್ಮಜಮ್ ।
ಧಾರಣೀಕ ದೇವದೀಕ್ಷ ಗುರುಮೂರ್ತಿ ತೋಷಿತಂ
ಪರಮಾತ್ಮಾನನ್ದ ಶ್ರಿಯಾ ಪುತ್ರಪೌತ್ರದಾಯಕಮ್ ॥ 8 ॥
[ಪಾಠಭೇದಃ – ಪ್ರಾರ್ಥಯಾಮಿ ದತ್ತದೇವ ಸದ್ಗುರುಂ ಸದಾವಿಭುಮ್]

ನಾರಸಿಂಹಸರಸ್ವತೀಯ ಅಷ್ಟಕಂ ಚ ಯಃ ಪಠೇತ್
ಘೋರ ಸಂಸಾರ ಸಿನ್ಧು ತಾರಣಾಖ್ಯ ಸಾಧನಮ್ ।
ಸಾರಜ್ಞಾನ ದೀರ್ಘ ಆಯುರಾರೋಗ್ಯಾದಿ ಸಮ್ಪದಾಂ
ಚಾರುವರ್ಗಕಾಮ್ಯಲಾಭ ನಿತ್ಯಮೇವ ಯಃ ಪಠೇತ್ ॥ 9 ॥ [ವಾರಂ ವಾರಂ ಯಜ್ಜಪೇತ್]

ಇತಿ ಶ್ರೀಗುರುಚರಿತಾಮೃತೇ ಶ್ರೀನೃಸಿಂಹಸರಸ್ವತ್ಯುಪಾಖ್ಯಾನೇ ಸಿದ್ಧನಾಮಧಾರಕ ಸಂವಾದೇ ಶ್ರೀನೃಸಿಂಹಸರಸ್ವತೀ ಅಷ್ಟಕಮ್ ॥